Дар ҷамоати Поршиневи ноҳияи Шуғнон байни толибилмони МТМУ мусобиқаи кушоди ноҳиявӣ аз рӯи намуди гӯштини ҷудо баргузор шуд. Дар он зиёда аз 200 нафар варзишгар аз навоҳии ВМКБ ширкату баромад намуданд. Ҳамин тавр, дар ҳайати даставӣ ҷои аввалро дастаи Шуғнон ба даст оварда, зинаҳои дуюму сеюм насиби паҳлавонони навраси Ишкошим гаштанд.

Тибқи иттилои корманди Бахши кор бо ҷавонон варзиши ноҳияи Ишкошим Далер Душанбиев мусобиқа мувофиқи нақшаи чорабиниҳои бахш дар ҳамкорӣ бо дигар бахшҳо роҳандозӣ шуда, ба паҳлавонон дар вазъи тантанавӣ медалу ифтихорномаҳо тақдим гардид.

Бояд қайд кард, ки чорабинии варзишӣ ба ифтихори Рӯзи ҷавонони кишвар ва “Соли рушди сайёҳӣ ва ҳунарҳои мардумӣ” ташкил шудааст.