ВАРЗИШ
Чоршанбе 17 Август 2022 06:02
3369
21 август дар шаҳри Кӯлоб мусобиқаи ҷумҳуриявии байни наврасону ҷавонон оид ба шиноварӣ ҷамъбаст гардид.

Дар ин мусобиқа 84 нафар варзишгарон аз дастаҳои “Душанбе-1”, “Душанбе-2”, “Душанбе-3”, “Хатлон-1”, “Хатлон-2”, “Суғд-1” ва “Суғд-2” ширкат варзиданд.

Дар рӯзи аввали мусобиқа варзишгарон аз рӯи 6 намуди шиноварӣ, ки дар онҳо 13 маҷмӯи медалҳо ба бозӣ бароварда шуданд, духтарону писарон инфиродӣ ва даставӣ иштирок карда, рӯзи дуюм бошад, сабқат аз рӯи 5 намуди шиноварӣ идома ёфт.

Ба иттилои Абдуҷаббор Толибов, мутахассиси Бахши кор бо ҷавонон ва варзиши шаҳри Кӯлоб, “Мақсади гузаронидани мусобиқаи мазкур дарёфти чеҳраҳои нав ва ҷалби онҳо ба машқу тамрини ҳамешагӣ мебошад. Беҳтаринҳо ба дастаи яккачини наврасону ҷавонони мамлакат шомил мешаванд ва ба мусобиқаҳои минбаъда омодагӣ мегиранд”.

Ғолибон бо медалу диплом ва туҳфаҳои Кумитаи кор бо ҷавонон ва варзиши назди Ҳукумати ҷумҳурии Тоҷикистон қадрдонӣ шуданд.

Умед МИРЗОЕВ, “ҶТ”

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

Август 2022 c.