Имрӯз бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон бахшида ба Рӯзи Президент ва Иҷлосияи тақдирсоз дар муассисаи давлатии таълимии Коллеҷи тарбияи ҷисмонии Тоҷикистон ҳамоиши илмӣ-амалӣ бо иштироки васеи донишҷӯён ва омўзгорони коллеҷ доир гардид.

Дар оғози ҳамоиш Ҷамолиддин Нуров омўзгори собиқадори коллеҷ меҳмононро хайрамақдам гуфта, сипас доир ба мавзӯи ҳамоищ қайд намуд, ки: “Дар таърихи давлатдории навини Тоҷикистон саҳми Асосгузори сулҳу ваҳдати миллӣ - Пешвои миллат муҳтарам Эмомалӣ Раҳмон дар роҳи эъмори ҷомеаи демокративу ҳуқуқбунёд, дунявӣ ва ягона бениҳоят бузург аст. Садоқат ба халқу Ватан ва расидан ба сулҳи комилу рушди тамоми соҳаҳои хоҷагии халқи мамлакат маҳз аз заҳмату хизматҳои шабонарўзии ин марди ҷонфидо гувоҳӣ медиҳад”.

Мавлон Шарипов, ҳуқуқшиноси Донишкадаи тарбияи ҷисмонии Тоҷикистон ба номи С. Раҳимов доир ба Рӯзи Президент ва Иҷлосияи тақдирсоз иброз намуд: “Президенти кишвар нафаре мебошад, ки дўстдори давлату миллати хешанду сиёсатмадори дурандеш, ки таърих мислашро ҳаргиз надидааст. Пешвои миллат бо ин дурандешии худ тавонистанд, ки мардуми дур аз ватанро ватандору мардуми дар ватан бударо ватандўстдортар кунанд. Ў ҳадяи Худованд барои миллати тоҷик мебошад. Маҳз роҳбарии оқилонаи ин марди роҳ аст, ки Тоҷикистон рушд намуда, он ба яке аз кишварҳои ободи ҷаҳон табдил ёфтааст ва мардум зиндагии осоишта доранд, ки ҳамаи ин маҳз ба шарофати Президенти кишвар ба даст омадааст”.

Дар охири ҳамоиш миёни иштирокчиён суолу ҷавоб сурат гирифт.