ВАРЗИШ
Шанбе 20 Апрел 2024 07:47
Дар ҳар давру замон варзиш рисолати аслии худро иҷро кардаасту мекунад. Варзиш ба ҳаёти ҷомеа ворид гашта, ҳисси зебопарастии инсонҳоро ташаккул додааст.
Тарғиб ва ташвиқи варзиш миёни одамон, хусусан дар байни ҷавонон ба ноилшавии онҳо ба натиҷаҳои назаррас на танҳо дар соҳаи варзиш, балки дар дигар бахшҳои ҳаёт низ мусоидат мекунад. Маҳз ба туфайли майл доштан ба намудҳои гуногуни варзиш ҷавонон ба худ ва муваффақ гардидани худ дар ҳаёт боварӣ ҳосил менамоянд ва дар ин замона танҳо ба неру ва имконоти худ такя карданро меомӯзанд.
Гуфтан ба маврид аст, ки сиҳатмандии мардум барои пойдории давлат ва миллат аҳамияти калон дорад. Чуноне ки маълум аст, тансиҳатии мардум аз омилҳои биологӣ ва иҷтимоӣ вобастагӣ дорад. Ба таври мунтазам машғул шудан ба варзиш омили камтар гирифтор шудан ба бемориҳои гуногун мебошад.
Варзиш на танҳо барои мукаммалсозии ҳолати ҷисмонӣ, балки барои обутобёбии инсон аз лиҳози ахлоқӣ, ақлонӣ, зебоипарастӣ ва ғайра мусоидат мекунад. Ҳамчунин дар шароити имрӯза варзиш ба инсонҳо имкон медиҳад, ки ба одатҳои бади худ хотима бахшанд. Дар сурати бо як низоми муайян ба роҳ мондани фаъолияти варзишӣ ва ворид намудани он ба реҷаи кории ҳаррӯза мардумро муттаҳид месозад.
Хушбахтона, аз ҷониби давлату ҳукумат ба масъалаҳои варзиш ва солимии ҷомеа таваҷҷуҳи зиёд зоҳир карда мешавад. Дар шаҳрҳои бузург ва хурд, ҳамчунин дар марказҳои ноҳия ва деҳоти кишвари азизамон дар муддати кӯтоҳ теъдоди зиёди майдончаҳои варзишӣ сохта ба истифода дода шудаанд, ки бевосита ба рушди ин соҳа равона гардидаанд. Ҳамчунин, дар пойтахти кишварамон-шаҳри Душанбе иншоотҳои бузурги варзишӣ мавриди истифода қарор гирифтаанд, ки дар таърих бесобиқа ва беназир мебошанд.
Масъалаҳои мубрами варзиш ва муҳайё сохтани шароити муносиб барои рушди он дар кишвар ҳамеша аз тарафи роҳбарияти олии кишвар пайгирӣ карда мешавад ва ин соҳаи муҳими ҳаёти ҷомеа дар мадди назари доимии давлату ҳукумат қарор дорад. Пас, бояд ба варзиш машғул шуду дар ташаккули тарзи ҳаёти солим саҳми худро гузошт.
Сарҳад ҒАНИЕВ, мудири бахши
тарбияи ҷисмонии Коллеҷи тиббии ноҳияи Б. Ғафуров
Тарғиб ва ташвиқи варзиш миёни одамон, хусусан дар байни ҷавонон ба ноилшавии онҳо ба натиҷаҳои назаррас на танҳо дар соҳаи варзиш, балки дар дигар бахшҳои ҳаёт низ мусоидат мекунад. Маҳз ба туфайли майл доштан ба намудҳои гуногуни варзиш ҷавонон ба худ ва муваффақ гардидани худ дар ҳаёт боварӣ ҳосил менамоянд ва дар ин замона танҳо ба неру ва имконоти худ такя карданро меомӯзанд.
Гуфтан ба маврид аст, ки сиҳатмандии мардум барои пойдории давлат ва миллат аҳамияти калон дорад. Чуноне ки маълум аст, тансиҳатии мардум аз омилҳои биологӣ ва иҷтимоӣ вобастагӣ дорад. Ба таври мунтазам машғул шудан ба варзиш омили камтар гирифтор шудан ба бемориҳои гуногун мебошад.
Варзиш на танҳо барои мукаммалсозии ҳолати ҷисмонӣ, балки барои обутобёбии инсон аз лиҳози ахлоқӣ, ақлонӣ, зебоипарастӣ ва ғайра мусоидат мекунад. Ҳамчунин дар шароити имрӯза варзиш ба инсонҳо имкон медиҳад, ки ба одатҳои бади худ хотима бахшанд. Дар сурати бо як низоми муайян ба роҳ мондани фаъолияти варзишӣ ва ворид намудани он ба реҷаи кории ҳаррӯза мардумро муттаҳид месозад.
Хушбахтона, аз ҷониби давлату ҳукумат ба масъалаҳои варзиш ва солимии ҷомеа таваҷҷуҳи зиёд зоҳир карда мешавад. Дар шаҳрҳои бузург ва хурд, ҳамчунин дар марказҳои ноҳия ва деҳоти кишвари азизамон дар муддати кӯтоҳ теъдоди зиёди майдончаҳои варзишӣ сохта ба истифода дода шудаанд, ки бевосита ба рушди ин соҳа равона гардидаанд. Ҳамчунин, дар пойтахти кишварамон-шаҳри Душанбе иншоотҳои бузурги варзишӣ мавриди истифода қарор гирифтаанд, ки дар таърих бесобиқа ва беназир мебошанд.
Масъалаҳои мубрами варзиш ва муҳайё сохтани шароити муносиб барои рушди он дар кишвар ҳамеша аз тарафи роҳбарияти олии кишвар пайгирӣ карда мешавад ва ин соҳаи муҳими ҳаёти ҷомеа дар мадди назари доимии давлату ҳукумат қарор дорад. Пас, бояд ба варзиш машғул шуду дар ташаккули тарзи ҳаёти солим саҳми худро гузошт.
Сарҳад ҒАНИЕВ, мудири бахши
тарбияи ҷисмонии Коллеҷи тиббии ноҳияи Б. Ғафуров
Хабарҳои дигар
Рӯзнома
Эзоҳи худро нависед