ВАРЗИШ
Сешанбе 10 Феврал 2026 05:57
Дарвозабони тими миллии Тоҷикистон ва бошгоҳи “Ростов”-и Русия Рустам Ятимов боз як дастоварди муҳими таърихиро дар футболи кишвар қайд кард. Ӯ дар радабандии нави дарвозабонҳои қораи Осиё ба зинаи шашум баромада, бо арзиши бозории 1,8 миллион евро рекорди нав дар таърихи футболи тоҷик гузошт.
Дар раддабандии ҷадид арзиши бозории Рустам Ятимов 300 ҳазор евро боло рафта, ба ӯ имкон дод, ки аз чанд дарвозабони маъруф аз кишварҳои Индонезия ва Австралия пеш гузарад. Ин пешрафт натиҷаи баромадҳои устувор дар ҳайати бошгоҳи “Ростов”, таҷрибаи рақобат дар чемпионати Русия ва бозии боэътимод дар сафи тими миллии Тоҷикистон арзёбӣ мегардад. Бо ин нишондиҳанда Ятимов расман гаронтарин дарвозабони Осиёи Марказӣ низ эътироф шуд, зеро арзиши дарвозабони асосии тими миллии Ӯзбекистон ҳоло 1,5 миллион евро мебошад.
Дар қисми болоии радабандӣ бартарии назарраси футболбозони Ҷопон мушоҳида мешавад. Пешсафи рӯйхат дарвозабони бошгоҳи “Парма” Дзион Судзуки буда, арзиши бозории ӯ ба 20 миллион евро мерасад, ки чунин нишондиҳанда барои аксари лигаҳои футболи Осиё дастнорас маҳсуб меёбад. Дар зинаҳои баъдӣ Лео Кокубо аз “Сент-Трюйден” бо 4 миллион евро ва Йохей Такаока аз “Ванкувер” бо 3,5 миллион евро қарор доранд. Ҳамчунин, Эмил Аудеро аз Индонезия, ки дар ҳайати “Кремонезе” ҳунарнамоӣ мекунад, бо арзиши 3,2 миллион евро дар сафи пеш ҷой гирифтааст. Ба панҷгонаи беҳтарин инчунин Кейсуке Осако аз Ҷопон ва Мэтю Райан аз Австралия дохил мешаванд, ки ҳар кадоме 2 миллион евро арзёбӣ шудаанд.
Рустам Ятимов бо арзиши 1,8 миллион евро дар зинаи шашуми радабандӣ қарор дошта, дар паси ӯ як қатор дарвозабонҳои маъруфи қитъа ҷой гирифтаанд. Аз ҷумла, Абдулвоҳид Неъматов аз Ӯзбекистон, Косей Тани ва Томоки Хаякава аз Ҷопон, инчунин Мартен Паес аз Индонезия ҳар кадоме бо арзиши 1,5 миллион евро арзёбӣ мешаванд. Ҷо Гаучи аз Австралия бо 1,4 миллион евро, Риесуке Кожима аз Ҷопон бо 1,2 миллион евро ва Брендон Нозава аз Ҷопон ҳамроҳ бо Бум-Кун Сонг аз Кореяи Ҷанубӣ, ки ҳар кадом 1 миллион евро арзиш доранд, зинаҳои баъдиро ишғол мекунанд.
Яҳё МАҲМАДНАБИЕВ, “ҶТ”
Дар раддабандии ҷадид арзиши бозории Рустам Ятимов 300 ҳазор евро боло рафта, ба ӯ имкон дод, ки аз чанд дарвозабони маъруф аз кишварҳои Индонезия ва Австралия пеш гузарад. Ин пешрафт натиҷаи баромадҳои устувор дар ҳайати бошгоҳи “Ростов”, таҷрибаи рақобат дар чемпионати Русия ва бозии боэътимод дар сафи тими миллии Тоҷикистон арзёбӣ мегардад. Бо ин нишондиҳанда Ятимов расман гаронтарин дарвозабони Осиёи Марказӣ низ эътироф шуд, зеро арзиши дарвозабони асосии тими миллии Ӯзбекистон ҳоло 1,5 миллион евро мебошад.
Дар қисми болоии радабандӣ бартарии назарраси футболбозони Ҷопон мушоҳида мешавад. Пешсафи рӯйхат дарвозабони бошгоҳи “Парма” Дзион Судзуки буда, арзиши бозории ӯ ба 20 миллион евро мерасад, ки чунин нишондиҳанда барои аксари лигаҳои футболи Осиё дастнорас маҳсуб меёбад. Дар зинаҳои баъдӣ Лео Кокубо аз “Сент-Трюйден” бо 4 миллион евро ва Йохей Такаока аз “Ванкувер” бо 3,5 миллион евро қарор доранд. Ҳамчунин, Эмил Аудеро аз Индонезия, ки дар ҳайати “Кремонезе” ҳунарнамоӣ мекунад, бо арзиши 3,2 миллион евро дар сафи пеш ҷой гирифтааст. Ба панҷгонаи беҳтарин инчунин Кейсуке Осако аз Ҷопон ва Мэтю Райан аз Австралия дохил мешаванд, ки ҳар кадоме 2 миллион евро арзёбӣ шудаанд.
Рустам Ятимов бо арзиши 1,8 миллион евро дар зинаи шашуми радабандӣ қарор дошта, дар паси ӯ як қатор дарвозабонҳои маъруфи қитъа ҷой гирифтаанд. Аз ҷумла, Абдулвоҳид Неъматов аз Ӯзбекистон, Косей Тани ва Томоки Хаякава аз Ҷопон, инчунин Мартен Паес аз Индонезия ҳар кадоме бо арзиши 1,5 миллион евро арзёбӣ мешаванд. Ҷо Гаучи аз Австралия бо 1,4 миллион евро, Риесуке Кожима аз Ҷопон бо 1,2 миллион евро ва Брендон Нозава аз Ҷопон ҳамроҳ бо Бум-Кун Сонг аз Кореяи Ҷанубӣ, ки ҳар кадом 1 миллион евро арзиш доранд, зинаҳои баъдиро ишғол мекунанд.
Яҳё МАҲМАДНАБИЕВ, “ҶТ”
Хабарҳои дигар
Рӯзнома
Эзоҳи худро нависед