Масъулони бошгоҳи “Аш-Шабоб”-и Арабистон эълом карданд, ки аз болои футболбози португалӣ Кристиан Роналдо барои рафтори номуносибаш бо ҳаводорони “Аш-Шабоб” ба Федератсияи байналмилалии футбол (FIFA) шикоят мекунанд.

Дар ин бора parstoday.ir хабар дода аст.

Ба иттилои манбаъ тими футболи “Ал-Наср” -и Арабистон дар ҳузури Роналдо муқобили тими “Аш-Шабоб” бо натиҷаи 3 бар 2 шикаст хӯрд ва дар ин дидор Роналдо ва Толиско барои “Ал-Наср” голзанӣ карданд, аммо дар ниҳоят тими “Аш-Шабоб” дар варзишгоҳи худ муваффақ шуд бозиро бо ҳисоби 3 бар 2 пирӯз шавад.

Масъулони бошгоҳи “Аш-Шабоб”-и Арабистон пас аз ин дидор муддаӣ шуданд, Роналдо бо ҳаводорони ин тим рафтори муносибе надоштааст ва қасд доранд аз ин бозикун ба Федератсияи байналмилалии футбол шикоят кунанд.

Роналдо дар рӯзҳои ахир дар бештари бозиҳо вокунишҳое ба ҳаводорони ҳариф дорад. Чанде қабл низ ин иттифоқ як бори дигар рух додаву арабистониҳо хоҳони бархӯрди ҷиддӣ бо вай шуда буданд.