Дар толори Мактаби варзишии №1-и ноҳияи Ашт мусобиқаи кушоди ноҳиявӣ оид ба бокс миёни ҷавонон ва наврасони соли таваллудашон 2002-2008 баргузор гардид.

Ба таъкиди масъулин мақсад аз баргузории мусобиқа байни ҷавонон ва наврасон ин баланд бардоштани маҳорати касбии варзишгарон ва ривоҷу равнақ додани ин намуди варзиш дар ноҳия мебошад.

Дар мусобиқа беш аз 50 нафар ҷавонон ва наврасон аз ноҳияи Ашт ва аз шаҳри Хуҷанд 15 нафар варзишгарон иштирок намуда, пас аз қувваозмоиҳо ғолибон бо медал ва диплом қадрдонӣ гардиданд.