Бо мақсади тарғиби тарзи ҳаёти солим, дарёфти чеҳраҳои нави варзишӣ барои ҷалб намудан ба варзиши касбӣ , мустаҳкам намудани риштаи дӯстӣ миёни ҷавонони деҳот, аз 13 то 15 декабр дар толори варзишии ноҳияи Ҷаббор Расулов даври вилоятии мусобиқаи волейбол байни деҳаҳо ва маҳаллаҳои аҳолинишини шаҳру ноҳияҳои вилоят баргузор шуд.

Пас аз қувваозмоиҳо дастаҳои ноҳияи Ашт ва Бобоҷон Ғафуров ба даври ниҳоӣ баромада, барои зинаҳои ифтихорӣ миёни ҳам рақобати шадид намуданд.

Дар натиҷа дастаи ноҳияи Ашт ҷои аввал, дастаи ноҳияи Бобоҷон Ғафуров ҷои дуюм ва дастаи ноҳияи Ҷаббор Расулов ҷои сеюмро соҳиб гардида, ғолибон бо Ҷом, медал, диплом ва туҳфаҳои хотиравӣ сарфароз гардонида шуданд.