ВАРЗИШ
Чоршанбе 01 Май 2024 09:19
ё чӣ гуна Карим Бензема рафторҳои бадашро раҳо кард?
Карим Бензема, собиқ бозингари бошгоҳи “Реал Мадрид”-и Испания ва тими миллии Фаронса мебошад, ки тайи солҳои охир машинаи ҳақиқии голзаниро мемонд. Агар дар вақтҳои охир Каримро наҷотбахши асосии бошгоҳи шоҳона ном барем, иштибоҳ нахоҳем кард, чун дар вазъияти буҳронии даста ӯ натанҳо сару калоба гум накард, балки ҳамтимонашро бо машаққатҳои зиёде дунболи худ кашонд. Агарчи бис-ёре аз варзишгарон пас аз сисолагӣ дар бораи хатми корнома андеша намоянд, вале Карим Бензима дар 33-солагӣ соҳиби беҳтарин ҷоизаи футболбозӣ, яъне тӯби тиллоӣ мегардад, ки ин дастовард севвумин орзуи ӯ буд. Карим замоне ба модараш ваъда дода буд, ки вақташ ояд ҳатман дар “Реал Мадрид” бозӣ мекунад ва баъдан барояш хона мехарад ва соҳиби тӯби тиллоӣ низ мешавад...
НАВРАСӢ ВА ҶАВОНӢ
Карим Мустафо Бензема соли 1987 дар шаҳри Лиони Фаронса дар оилаи муҳоҷирони алҷазоирӣ, ки аз даҳшати ҷанг ба Аврупо фирор карда буданд, таваллуд шудааст. Падару модари варзишгар Хафиду Воҳид 9 фарзандро дар шароити ниҳоят вазнини иқтисодӣ тарбият мекарданд, зеро оила дар як маҳаллаи камбизоат ва номусоид барои зистан, ки аксар мардонаш дузду роҳзан буданд, бо номи Брон зиндагӣ мекард. Пайвастани Бензема ҳам ба олами футбол маҳз аз ҳамин маҳалла падид омад, зеро мавсуф дар бошгоҳи маҳаллии “Брон Терралион” сайқали маҳорат намуда, то ба сатҳи як футболбози касбӣ расид.
Дар бошгоҳи маҳаллӣ Карим бо бозии худ аз дигарон фарқ мекард ва маҳз ин омил ӯро ба Академияи футболи бошгоҳи Лион “Сент-Луи Сен-Бруно” бурд. Ҳамлагари оянда баробари омӯзиши қоидаву қавонини футбол, инчунин, дар илмомӯзӣ ҳам аз ҳаммаслаконаш як қадам пеш буд.
ОҒОЗИ КОРНОМАИ БУЗУРГ (“ЛИОН”)
Дар синни 17-солагӣ Карим ба ҳайати захиравии бошгоҳи “Лион” (Фаронса) ворид карда шуд, аммо ӯ дар курсии захиравӣ дер нанишаст, чун маҳораташ зуд аз ҷониби ҳайати мураббиён кашф гардида, натанҳо ба ҳайати асосӣ гузашт, балки ҳамлавари асосии даста интихоб гардид. Моҳи январи соли 2005 бошад, бозингар аввалин маротиба ба Чемпионати Фаронса баромад.
РЕАЛ МАДРИД
Пас аз санҷиши ҳайати мураббиён дар мавсими 2006 - 2007 дар “Лион” ҳам ҳангомаофарӣ намуда, дар 11 бозӣ 11 гол зад. Баъд аз ин бошгоҳҳои бузурги Аврупо ба истеъдоди ҷавон таваҷҷуҳ пайдо карданд, аммо Карим гуфт, ки ният дорад, дар Лигаи қаҳрамонҳои Ассотсиатсияи футболи Иттиҳоди Аврупо (УЕФА) ғолиб гашта, дар ҳайати бошгоҳи зодгоҳаш ин корро анҷом диҳад. Вале соли 2009 бошгоҳи “Лион” ба пешниҳоди 35 миллион еврои “Реал Мадрид” ҷавоби рад дода натавонист. Ва ҳамин тавр Карим Бензема ба Испания кӯч баст, ки яксола маошаш 5 миллион евро муқаррар гардида буд.
Соли 2010 Карим ҳангоми бозӣ дар ҳайати “Реал Мадрид” дар Лигаи қаҳрамонҳо голи 300-уми бошгоҳи шоҳонаро ба самар расонид.
Бар замми кӯшишу заҳматҳои бардавом дар аввал бозии Карим аз ҷониби мухлисони “Реал Мадрид” сахт танқид мегардид ва маҳорати ӯ бештар зери сояи Роналдо мемонд. Вале ба замми ҳамаи ин ҳайати роҳбарияти бошгоҳ аз ӯ ҷудо шудан намехос-танд.
Дар мавсими 2016-2017 Карим ба ҳисоби миёна дар ҳар 170 дақиқа як гол задааст. Дар ҳайати “Реал Мадрид” футболбоз орзуи ғолиб шудан дар Лигаи чемпионҳои УЕФА-ро дошт ва орзуи ӯ натанҳо як бор, балки чор маротиба амалӣ гардид. Бояд гуфт, ки Бензема дуввумин бозингар дар таърихи футбол пас аз Лионел Месси мебошад, ки дар 13 бозӣ пайи ҳам гол задааст. Дар мавсими 2016-2017 бошад, варзишгар дар тамоми мусобиқаҳо 48 бозӣ анҷом дода, ба задани 19 гол ва 9 партофти головар даст ёфтааст.
Тирамоҳи соли 2017 Карим Бензема шартномаашро бо клуби шоҳона тамдид кард. Дар ҳамин ҳол, ба иттилои France Football, музди моҳонаи бозингари фаронсавӣ тибқи созишномаи нав 1 миллион еврои дигар зиёд гардид.
Моҳи январи соли 2019, ҳангоми рақобат бо Севиля Карим зимни бархӯрд бо Марк Бартра маҷрӯҳ шуд. Пас аз афтиши ноҷо ангушти дасти рости варзишгар шикаст. Ба навиштаи расонаҳо, осеби ангушти Карим танҳо тавассути ҷарроҳӣ барқарор мегардид, аммо ӯ ҷарроҳиро напазируфт, чун нигарон буд, ки пас аз ҷарроҳӣ метавонанд ӯро ба рухсатӣ равон кунанд. Ҳамлагари содиқ тасмим гирифт, ки аз рақобат дур нашавад, бинобар ин ба ҷои амалиёти ҷарроҳӣ ба истифода аз ширешпарда дасташро баста ба рақобатҳо идома дод ва то кунун дасти рости Карим бастааст ва ангушти шикастааш дигар барқарор нашуд.
НАҶОТБАХШИ “РЕАЛ...”
Соли 2018-2019 вазъияти бошгоҳи шоҳона ниҳоят бад гардид. Аз даст додани мураббии кордон Зенидин Зидан ва ҳамлагар Криштиану Роналду воқеан зарбаи шадид барои бошгоҳ буд. Бо вуҷуди ин, дар Чемпионати Испания соли 2019/2020, футболбоз омори хуб нишон дод. Оғози бомуваффақият аввалин голи Реал Мадрид дар ин мусобиқа буд, ки Карим ба самар расонид. Моҳи феврали соли 2020 Бензема шартномаашро бо даста то соли 2022 тамдид кард ва дар моҳи март дар бозии 500-уми худ дар ҳайати даста ширкат кард.
ТИМИ МИЛЛИИ ФАРОНСА
Ҳанӯз дар соли 2004, Карим ба тими миллии Фаронса шомил шуда, бо он дар Чемпионати Аврупо байни футболбозони то 17 - сола ғолиб омад ва сипас дар қаҳрамонии то 18-солаҳо низ ғалаба ба даст овард. Дар соли 2005 бошад, бозингар дар ҳайати тими миллии Фаронса барандаи Ҷоми Меридиан шуд.
Дар мавсими 2006-2007 Бензема аввалин маротиба аз ҳайати асосии тими миллии Фаронса баромад намуда, то финали Ҷоми ҷаҳон (2006) роҳ ёфт, аммо дар финал Италия ба таври баҳсбарангез Фаронсаро шикаст дод.
Соли 2008 варзишгар дар Чемпионати Аврупо ширкат кард, ки барои тими Фаронса бебарор оғоз гардид. Мунтахаби кишвар зуд аз Чемпионат берун шуд ва Бензема барои задани ҳатто як гол фурсат наёфт.
Соли 2015 барои футболбоз дар тими мунтахаби Фаронса соли бебарор буд, зеро ҳамлагар бо далели моҷарои дӯстонаш, ки дар он Бензема ҳам даст дошт, аз ҳаққи бозӣ дар тими миллӣ маҳрум шуд.
Истеъдод, таҷриба ва заҳмати Бензема ҷои ӯро дар тими миллӣ баръало холӣ нишон медод. Сарфи назар аз он, ки сарнавишти ҳамлагар бояд дар моҳи октябри соли 2021 дар ҷараёни баҳсҳои додгоҳӣ ҳал мешуд, аммо 23 июн Карим бори аввал пас аз 6 соли дур будан аз ҳайати тими мунтахаб дигарбора ба майдон омад ва ба дарвозаи Португалия 2 гол зад.
МОҶАРОҲОИ ХАТАРЗО
Баробари футболбози бомаҳорату нотакрор будани Бензема, инчунин корномаи ӯ холӣ аз ҳангомаву овозаҳо нест, ки борҳо метавонистанд бозингарро аз футбол дур намоянд.
Барои мисол, нахустин бор корномаи футболбоз аз сабаби ишқварзӣ бо духтари ноболиғ бо номи Закия Дахар зери хатар монд. Бенземаро ҳукми зиндон таҳдид мекард, аммо духтарак баъдтар эътироф кард, ки Каримро дар бораи синну солаш фиреб дод ва аз ӯ шикоят надорад. Соли 2015 роҳбарияти тими миллии Фаронса Бенземаро пас аз ҷанҷол бо футболбоз Мате Валбуена ва таҳдид карданаш аз бозиҳо маҳрум кард. Ин дафъа, айбномаҳо хеле ҷиддитар буданд ва чуноне дар боло ҳам ишора намудем, варзишгар барои ин кирдораш 6 сол натавонист аз ҳайати тими миллии Фаронса баромад намояд.
ҲАЁТИ ШАХСӢ
Дар ҷавониаш Бензема духтаронро зуд - зуд иваз мекард. Дар назари аввал интихоби футболбоз духтарони сиёҳпӯст буданд, ки овозхони шинохтаи Фаронса Рианна ҳам дар ин қатор буд, аммо баъдан варзишгар бо чанд хонуми сафедпӯст низ робита барқарор кард.
Бояд иқрор шуд, ки ягона нафаре, ки Банземаро аз духтарбозӣ боз дошт, ин модели фаронсавӣ Кора Готе буд. Кора тавонист бо хулқу рафтори намуна як нафари авбошу саркашро ба доираи одамият дарорад. Рӯзноманигорон низ қайд мекунанд, ки муносибатҳо бо Кора ба хислати Бензема таъсири мусбат расонид.
Моҳи майи соли 2017 футболбоз соҳиби пасар гардид, ки ба ӯ Иброҳим ном ниҳоданд. Ин оила дар як хонаи боҳашамат дар маҳаллаи элитаи Ла Финкаи Мад-рид зиндагӣ мекунад.
КОРНОМАИ БЕНЗЕМА ДАР СОЛҲОИ ОХИР
Бозӣ бо ПСЖ дар даври 1/8 ниҳоии Лигаи чемпионҳо яке аз муҳимтарин бозиҳо дар фаъолияти Карим Бензема ба ҳисоб мерафт. Ин якчанд сабаб дорад. Аввалан, ин ки 500-умин бозии Карим дар ҳайати аввали бошгоҳи Мадрид буд, ки ӯро дар таърихи бошгоҳ ба дуюмин хориҷие баровард, ки 500 бозӣ анҷом додааст. Сониян, ҳамлагар дар 17 дақиқаи қисми дуюм хет-трик намуда, ба дастааш ғалаба овард. Ин ба ӯ имкон дод, ки дар феҳрасти беҳтарин нишонзанҳои бошгоҳ ҷои 3-юмро ишғол кунад. Илова бар ин, вай куҳансолтарин бозингари ин Лига шуд, ки 3 гол задааст - ин рекорд қаблан ба Оливе Жиру тааллуқ дошт.
Дар мусоҳиба ҳам Бензема эҳсосоти шодии худро аз ғалабаи муҳиму тақдирсоз пинҳон накард. Бо назардошти он ки ПСЖ пас аз 45 дақиқаи аввал пешсаф буд, ин кори осон набуд. Карим тавонист мавҷи бозиро дигар карда, исбот кунад, ки “Реал Мадрид” зинда аст.
Дастоварди бузургу таърихии дигари Бензима дар соли 2022 ин ғолиб гардидан дар Лигаи чемпионҳо буд, ки мадридиҳо дар финал “Ливерпул”-ро мағлуб намуданд. Бозингари фаронсавӣ тавонист дар ҳайати бошгоҳи шоҳона бори панҷум ҷоми Лигаи чемпионҳоро болои сар бардорад.
ВИДОЪ БО “РЕАЛ МАДРИД”
Рӯзи 4-уми июни имсол барои мухлисони бошгоҳи шоҳонаи “Реал Мадрид” чун рӯзи шуме ба ёд хоҳад монд. Дар ин рӯз нобиғаи ҳақиқии даста Карим Бензема ба таври ҳамешагӣ тарки даста намуд. Барои видоъ бо бозингари рӯъёҳои хеш, ки пас аз рақобати “Реал Мадрид” ва “Атлетико Билбао” (1-1) иттифоқ афтод, ҳазорон ҳаводори фаронсавӣ ашки талх мерехтанд.
Яҳё МАҲМАДНАБИЕВ, “ҶТ”
Карим Бензема, собиқ бозингари бошгоҳи “Реал Мадрид”-и Испания ва тими миллии Фаронса мебошад, ки тайи солҳои охир машинаи ҳақиқии голзаниро мемонд. Агар дар вақтҳои охир Каримро наҷотбахши асосии бошгоҳи шоҳона ном барем, иштибоҳ нахоҳем кард, чун дар вазъияти буҳронии даста ӯ натанҳо сару калоба гум накард, балки ҳамтимонашро бо машаққатҳои зиёде дунболи худ кашонд. Агарчи бис-ёре аз варзишгарон пас аз сисолагӣ дар бораи хатми корнома андеша намоянд, вале Карим Бензима дар 33-солагӣ соҳиби беҳтарин ҷоизаи футболбозӣ, яъне тӯби тиллоӣ мегардад, ки ин дастовард севвумин орзуи ӯ буд. Карим замоне ба модараш ваъда дода буд, ки вақташ ояд ҳатман дар “Реал Мадрид” бозӣ мекунад ва баъдан барояш хона мехарад ва соҳиби тӯби тиллоӣ низ мешавад...
НАВРАСӢ ВА ҶАВОНӢ
Карим Мустафо Бензема соли 1987 дар шаҳри Лиони Фаронса дар оилаи муҳоҷирони алҷазоирӣ, ки аз даҳшати ҷанг ба Аврупо фирор карда буданд, таваллуд шудааст. Падару модари варзишгар Хафиду Воҳид 9 фарзандро дар шароити ниҳоят вазнини иқтисодӣ тарбият мекарданд, зеро оила дар як маҳаллаи камбизоат ва номусоид барои зистан, ки аксар мардонаш дузду роҳзан буданд, бо номи Брон зиндагӣ мекард. Пайвастани Бензема ҳам ба олами футбол маҳз аз ҳамин маҳалла падид омад, зеро мавсуф дар бошгоҳи маҳаллии “Брон Терралион” сайқали маҳорат намуда, то ба сатҳи як футболбози касбӣ расид.
Дар бошгоҳи маҳаллӣ Карим бо бозии худ аз дигарон фарқ мекард ва маҳз ин омил ӯро ба Академияи футболи бошгоҳи Лион “Сент-Луи Сен-Бруно” бурд. Ҳамлагари оянда баробари омӯзиши қоидаву қавонини футбол, инчунин, дар илмомӯзӣ ҳам аз ҳаммаслаконаш як қадам пеш буд.
ОҒОЗИ КОРНОМАИ БУЗУРГ (“ЛИОН”)
Дар синни 17-солагӣ Карим ба ҳайати захиравии бошгоҳи “Лион” (Фаронса) ворид карда шуд, аммо ӯ дар курсии захиравӣ дер нанишаст, чун маҳораташ зуд аз ҷониби ҳайати мураббиён кашф гардида, натанҳо ба ҳайати асосӣ гузашт, балки ҳамлавари асосии даста интихоб гардид. Моҳи январи соли 2005 бошад, бозингар аввалин маротиба ба Чемпионати Фаронса баромад.
РЕАЛ МАДРИД
Пас аз санҷиши ҳайати мураббиён дар мавсими 2006 - 2007 дар “Лион” ҳам ҳангомаофарӣ намуда, дар 11 бозӣ 11 гол зад. Баъд аз ин бошгоҳҳои бузурги Аврупо ба истеъдоди ҷавон таваҷҷуҳ пайдо карданд, аммо Карим гуфт, ки ният дорад, дар Лигаи қаҳрамонҳои Ассотсиатсияи футболи Иттиҳоди Аврупо (УЕФА) ғолиб гашта, дар ҳайати бошгоҳи зодгоҳаш ин корро анҷом диҳад. Вале соли 2009 бошгоҳи “Лион” ба пешниҳоди 35 миллион еврои “Реал Мадрид” ҷавоби рад дода натавонист. Ва ҳамин тавр Карим Бензема ба Испания кӯч баст, ки яксола маошаш 5 миллион евро муқаррар гардида буд.
Соли 2010 Карим ҳангоми бозӣ дар ҳайати “Реал Мадрид” дар Лигаи қаҳрамонҳо голи 300-уми бошгоҳи шоҳонаро ба самар расонид.
Бар замми кӯшишу заҳматҳои бардавом дар аввал бозии Карим аз ҷониби мухлисони “Реал Мадрид” сахт танқид мегардид ва маҳорати ӯ бештар зери сояи Роналдо мемонд. Вале ба замми ҳамаи ин ҳайати роҳбарияти бошгоҳ аз ӯ ҷудо шудан намехос-танд.
Дар мавсими 2016-2017 Карим ба ҳисоби миёна дар ҳар 170 дақиқа як гол задааст. Дар ҳайати “Реал Мадрид” футболбоз орзуи ғолиб шудан дар Лигаи чемпионҳои УЕФА-ро дошт ва орзуи ӯ натанҳо як бор, балки чор маротиба амалӣ гардид. Бояд гуфт, ки Бензема дуввумин бозингар дар таърихи футбол пас аз Лионел Месси мебошад, ки дар 13 бозӣ пайи ҳам гол задааст. Дар мавсими 2016-2017 бошад, варзишгар дар тамоми мусобиқаҳо 48 бозӣ анҷом дода, ба задани 19 гол ва 9 партофти головар даст ёфтааст.
Тирамоҳи соли 2017 Карим Бензема шартномаашро бо клуби шоҳона тамдид кард. Дар ҳамин ҳол, ба иттилои France Football, музди моҳонаи бозингари фаронсавӣ тибқи созишномаи нав 1 миллион еврои дигар зиёд гардид.
Моҳи январи соли 2019, ҳангоми рақобат бо Севиля Карим зимни бархӯрд бо Марк Бартра маҷрӯҳ шуд. Пас аз афтиши ноҷо ангушти дасти рости варзишгар шикаст. Ба навиштаи расонаҳо, осеби ангушти Карим танҳо тавассути ҷарроҳӣ барқарор мегардид, аммо ӯ ҷарроҳиро напазируфт, чун нигарон буд, ки пас аз ҷарроҳӣ метавонанд ӯро ба рухсатӣ равон кунанд. Ҳамлагари содиқ тасмим гирифт, ки аз рақобат дур нашавад, бинобар ин ба ҷои амалиёти ҷарроҳӣ ба истифода аз ширешпарда дасташро баста ба рақобатҳо идома дод ва то кунун дасти рости Карим бастааст ва ангушти шикастааш дигар барқарор нашуд.
НАҶОТБАХШИ “РЕАЛ...”
Соли 2018-2019 вазъияти бошгоҳи шоҳона ниҳоят бад гардид. Аз даст додани мураббии кордон Зенидин Зидан ва ҳамлагар Криштиану Роналду воқеан зарбаи шадид барои бошгоҳ буд. Бо вуҷуди ин, дар Чемпионати Испания соли 2019/2020, футболбоз омори хуб нишон дод. Оғози бомуваффақият аввалин голи Реал Мадрид дар ин мусобиқа буд, ки Карим ба самар расонид. Моҳи феврали соли 2020 Бензема шартномаашро бо даста то соли 2022 тамдид кард ва дар моҳи март дар бозии 500-уми худ дар ҳайати даста ширкат кард.
ТИМИ МИЛЛИИ ФАРОНСА
Ҳанӯз дар соли 2004, Карим ба тими миллии Фаронса шомил шуда, бо он дар Чемпионати Аврупо байни футболбозони то 17 - сола ғолиб омад ва сипас дар қаҳрамонии то 18-солаҳо низ ғалаба ба даст овард. Дар соли 2005 бошад, бозингар дар ҳайати тими миллии Фаронса барандаи Ҷоми Меридиан шуд.
Дар мавсими 2006-2007 Бензема аввалин маротиба аз ҳайати асосии тими миллии Фаронса баромад намуда, то финали Ҷоми ҷаҳон (2006) роҳ ёфт, аммо дар финал Италия ба таври баҳсбарангез Фаронсаро шикаст дод.
Соли 2008 варзишгар дар Чемпионати Аврупо ширкат кард, ки барои тими Фаронса бебарор оғоз гардид. Мунтахаби кишвар зуд аз Чемпионат берун шуд ва Бензема барои задани ҳатто як гол фурсат наёфт.
Соли 2015 барои футболбоз дар тими мунтахаби Фаронса соли бебарор буд, зеро ҳамлагар бо далели моҷарои дӯстонаш, ки дар он Бензема ҳам даст дошт, аз ҳаққи бозӣ дар тими миллӣ маҳрум шуд.
Истеъдод, таҷриба ва заҳмати Бензема ҷои ӯро дар тими миллӣ баръало холӣ нишон медод. Сарфи назар аз он, ки сарнавишти ҳамлагар бояд дар моҳи октябри соли 2021 дар ҷараёни баҳсҳои додгоҳӣ ҳал мешуд, аммо 23 июн Карим бори аввал пас аз 6 соли дур будан аз ҳайати тими мунтахаб дигарбора ба майдон омад ва ба дарвозаи Португалия 2 гол зад.
МОҶАРОҲОИ ХАТАРЗО
Баробари футболбози бомаҳорату нотакрор будани Бензема, инчунин корномаи ӯ холӣ аз ҳангомаву овозаҳо нест, ки борҳо метавонистанд бозингарро аз футбол дур намоянд.
Барои мисол, нахустин бор корномаи футболбоз аз сабаби ишқварзӣ бо духтари ноболиғ бо номи Закия Дахар зери хатар монд. Бенземаро ҳукми зиндон таҳдид мекард, аммо духтарак баъдтар эътироф кард, ки Каримро дар бораи синну солаш фиреб дод ва аз ӯ шикоят надорад. Соли 2015 роҳбарияти тими миллии Фаронса Бенземаро пас аз ҷанҷол бо футболбоз Мате Валбуена ва таҳдид карданаш аз бозиҳо маҳрум кард. Ин дафъа, айбномаҳо хеле ҷиддитар буданд ва чуноне дар боло ҳам ишора намудем, варзишгар барои ин кирдораш 6 сол натавонист аз ҳайати тими миллии Фаронса баромад намояд.
ҲАЁТИ ШАХСӢ
Дар ҷавониаш Бензема духтаронро зуд - зуд иваз мекард. Дар назари аввал интихоби футболбоз духтарони сиёҳпӯст буданд, ки овозхони шинохтаи Фаронса Рианна ҳам дар ин қатор буд, аммо баъдан варзишгар бо чанд хонуми сафедпӯст низ робита барқарор кард.
Бояд иқрор шуд, ки ягона нафаре, ки Банземаро аз духтарбозӣ боз дошт, ин модели фаронсавӣ Кора Готе буд. Кора тавонист бо хулқу рафтори намуна як нафари авбошу саркашро ба доираи одамият дарорад. Рӯзноманигорон низ қайд мекунанд, ки муносибатҳо бо Кора ба хислати Бензема таъсири мусбат расонид.
Моҳи майи соли 2017 футболбоз соҳиби пасар гардид, ки ба ӯ Иброҳим ном ниҳоданд. Ин оила дар як хонаи боҳашамат дар маҳаллаи элитаи Ла Финкаи Мад-рид зиндагӣ мекунад.
КОРНОМАИ БЕНЗЕМА ДАР СОЛҲОИ ОХИР
Бозӣ бо ПСЖ дар даври 1/8 ниҳоии Лигаи чемпионҳо яке аз муҳимтарин бозиҳо дар фаъолияти Карим Бензема ба ҳисоб мерафт. Ин якчанд сабаб дорад. Аввалан, ин ки 500-умин бозии Карим дар ҳайати аввали бошгоҳи Мадрид буд, ки ӯро дар таърихи бошгоҳ ба дуюмин хориҷие баровард, ки 500 бозӣ анҷом додааст. Сониян, ҳамлагар дар 17 дақиқаи қисми дуюм хет-трик намуда, ба дастааш ғалаба овард. Ин ба ӯ имкон дод, ки дар феҳрасти беҳтарин нишонзанҳои бошгоҳ ҷои 3-юмро ишғол кунад. Илова бар ин, вай куҳансолтарин бозингари ин Лига шуд, ки 3 гол задааст - ин рекорд қаблан ба Оливе Жиру тааллуқ дошт.
Дар мусоҳиба ҳам Бензема эҳсосоти шодии худро аз ғалабаи муҳиму тақдирсоз пинҳон накард. Бо назардошти он ки ПСЖ пас аз 45 дақиқаи аввал пешсаф буд, ин кори осон набуд. Карим тавонист мавҷи бозиро дигар карда, исбот кунад, ки “Реал Мадрид” зинда аст.
Дастоварди бузургу таърихии дигари Бензима дар соли 2022 ин ғолиб гардидан дар Лигаи чемпионҳо буд, ки мадридиҳо дар финал “Ливерпул”-ро мағлуб намуданд. Бозингари фаронсавӣ тавонист дар ҳайати бошгоҳи шоҳона бори панҷум ҷоми Лигаи чемпионҳоро болои сар бардорад.
ВИДОЪ БО “РЕАЛ МАДРИД”
Рӯзи 4-уми июни имсол барои мухлисони бошгоҳи шоҳонаи “Реал Мадрид” чун рӯзи шуме ба ёд хоҳад монд. Дар ин рӯз нобиғаи ҳақиқии даста Карим Бензема ба таври ҳамешагӣ тарки даста намуд. Барои видоъ бо бозингари рӯъёҳои хеш, ки пас аз рақобати “Реал Мадрид” ва “Атлетико Билбао” (1-1) иттифоқ афтод, ҳазорон ҳаводори фаронсавӣ ашки талх мерехтанд.
Яҳё МАҲМАДНАБИЕВ, “ҶТ”
Хабарҳои дигар
Рӯзнома
Эзоҳи худро нависед