Масъулини Бахши кор бо ҷавонон ва варзиши ноҳияи Ванҷ дар клуби варзишии “Вастан” - и ноҳия бо ҷавону варзишгарон мулоқот карданд.

Чорабинӣ зери унвони “Ҷавонону варзишгарон зидди ифротгарорӣ” бо мақсади пешгирии шомилшавии шаҳрвандон ба созмону ҳаракатҳои террористиву экстремистӣ, ба Ватан баргардонидани шахсони гумроҳшуда, рӯ овардани ҷавонон ба ҳаёти солим ва ҷалби онҳо ба зиндагии шоиста гузаронида шуд.

Ҳамчунин мудири бахш Масрур Ғайратов ба ҳозирин нуктаҳои асосии Паёми навбатии Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон фаҳмонда шарҳ дода қайд кард, ки дар раванди ҷаҳонишавии босуръат ҷавонони мо бояд аз ҳарвақта бештар зирак бошанд ва дар пешбурди корҳои сиёсӣ, маърифатӣ – фарҳангӣ ҳиссагузор бошанд.

Дар фарҷом ба варзишгароне, ки имсол дар мусобиқаҳои гуногун шарафи ноҳияро ҳимоя намуданд, медалу ифтихорномаҳо тақдим гашт.