Рӯйхати ҷавонтарин футболбозони Евро-2024 муайян гардид, ки дар он нимҳимоятгари испанӣ Ламин Ямал садрнишини ҷадвал аст.

Ламин Ямал ягона навраси Евро-2024 аст, ки 16-сол дорад, дигарон бошанд аллакай аз 18 гузаштаанд. Гуфта мешавад, ки Ямал ҷузъи муҳими тими миллии Испания буда, аввалин маротиба дар Евро бозӣ мекунад.

Бояд гуфт, ки Ямал то кунун дар ҳайати тими миллии Испания ҳафт маротиба бозӣ карда, ба задани ду гол ва се партофти головар мешарраф гардидааст, ки ин барои як навраси 16-сола натиҷаи хуб арзёбӣ мегардад.

Дар руйхати ҷавонтаринҳои Евро-2024 номи ҳуҷумкори бошгоҳи Реал Мадрид ва тими мунтахаби Англия Ҷуд Беллингем низ шомил гардидааст. Ба гуфти мутахасисони самти варзиш хосатан футбол, Беллингем яке аз беҳтарин истеъдодҳои ҷавон аст. Ситораи Мадрид дар баробари Килиан Мбаппе (ҳар кадомаш 180 миллион евро) гаронтарин футболбози ҷаҳон аст.

Яҳё МАҲМАДНАБИЕВ, “ҶТ”