ВАРЗИШ
Панҷшанбе 26 Май 2022 07:24
4374
Даври нуҳуми чемпионати кишвар оид ба футбол миёни дастаҳои лигаи олӣ бо бозии тимҳои “Истиқлол”-и шаҳри Душанбе ва “Панҷшер”-и ноҳияи Ҷалолиддини Балхӣ хотима ёфт.

Дидори мазкур, 21-уми май, дар Варзишгоҳи марказии шаҳри Душанбе баргузор шуда, бо ғалабаи бошгоҳи “Истиқлол” 1:0 хотима ёфт. Голи ягонаи бозиро дар дақиқаи 12-ум ҳамлагари душанбегиҳо Николай Зенко ба ҳадаф расонд.

Дастпарварони Мубин Эргашев, сармураббии тими “Барқчӣ”-и шаҳри Ҳисор дар ин давр дастаи “Хатлон”-и шаҳри Бохтарро пазируфта, бо ҳисоби 1:0 мағлуб намуданд. Дар дақиқаи 72-ум ҳимоятгари “Барқчӣ” Ваҳдат Ҳанонов бо задани голи ғалабаовар ба дастааш дар ин мавсим аввалин пирӯзӣ овард.

Бозии миёни дастаҳои “Хуҷанд”-и шаҳри Хуҷанд ва “Кӯктош”-и ноҳияи Рӯдакӣ бо ҳисоби 2:0 ба поён расид. Ин рақобат рӯзи 19-уми май дар Варзишгоҳи “20-солагии Истиқлолияти Тоҷикистон”-и шаҳри Хуҷанд доир гардид. Ҳарду голи соҳибони майдон дар қисми аввали бозӣ вориди дарвозаи Баҳовиддин Холиқов гардид. Аввалин шуда Ҷаҳонгир Эргашев дар дақиқаи 10-ум дастаашро ба пеш баровард ва пас аз ду дақиқа Фарҳод Тоҳиров ҳисоби бозиро 2-0 намуда, ғалабаи бошгоҳашро таъмин намуд.

Бозии марказии ин давр миёни дастаҳои “Регар-ТадАЗ”-и шаҳри Турсунзода ва ССКА “Помир”-и шаҳри Душанбе дар варзишгоҳи “ТАЛКО-Арена”-и шаҳри Турсунзода баргузор гардида, мусовӣ 2:2 ба поён расид. Дар дақиқаи 3-уми қисми аввал Фирӯз Қараев нимҳимоятгари регариҳо тӯби аввалинро вориди дарвозаи Алиакбар Аҳакӣ намуда, дастаашро пешсаф намуд. Футболбозони артиши Помир дар дақиқаи 37-ум ҳисобро баробар карданд. Муаллифи гол Шамсиддин Қосимов дониста шуд. Пас 5 дақиқаи Абдухалил Боронов голи дуюми ССКА “Помир”-ро ба номи худ сабт намуд. Қисми аввал бо ғалабаи меҳмонон 1-2 ба анҷом расид. Дар дақиқаи 64-уми қисми дуюми бозӣ голи задаи Фирӯз Қараев ҳисобро мусовӣ намуд.

Баъди натиҷагирии даври нуҳум дастаҳои “Хуҷанд”-и шаҳри Хуҷанд ва “Истиқлол”-и шаҳри Душанбе (8 бозӣ), бо 20-имтиёзӣ пешсафи ҷадвали мусобиқа мебошанд. Дастаи “Хатлон”-и шаҳри Бохтар бо 13 хол дар зинаи сеюм қарор дорад.

Бозиҳои даври 10-ум

24 май (панҷшанбе)

“Хуҷанд” – “Истиқлол”

Хуҷанд, варзишгоҳи “20-солагии Истиқлолияти Тоҷикистон”

26 май (шанбе)

“Кӯктош” – “Хатлон”

Рӯдакӣ, варзишгоҳи “Нефтяник”

ССКА “Помир” – “Барқчӣ”

Ҳисор, Варзишгоҳи марказӣ

27 май (якшанбе)

“Панҷшер” – “Регар-ТадАЗ”

Ҷалолиддини Балхӣ, варзишгоҳи ба номи Уктам Маматов

Оғози бозиҳо – соати 17:00

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

Май 2022 c.