ВАРЗИШ
Чоршанбе 17 Июл 2024 06:22
1433
Дирӯз, 24 август, дар Боғи “Пойтахт” бахшида ба 25-солагии Истиқлолияти давлатии Тоҷикистон нахустин Бозиҳои миллии варзишгарони маъюб баргузор гардид.

Дар он ду тим аз вилояти Суғд ва ду тим аз шаҳри Душанбе оид ба баскетбол ва волейбол бо аробачаҳои маъюбӣ ҳунару маҳорат намоиш доданд.

Намояндагони Кумитаи ҷавонон, варзиш ва сайёҳӣ, Кумитаи миллии олимпӣ, ташкилоти байналмилалии «Operation Mercy», Иттиҳодияи миллии маъюбони Тоҷикистон ширкат доштанд.

Зикр шуд, ки Ҳукумати ҷумҳурӣ баҳри дастгирии маъюбон тамоми тадбирҳоро андешида, таҳти ғамхории доимии Пешвои миллат, муҳтарам Эмомалӣ Раҳмон қарор доранд. Дар оянда Иттиҳодияи миллии маъюбони Тоҷикистон бо Федератсияи баскетболи Тоҷикистон ҳамкориро зич намуда, ба Бозиҳои миллии варзишгарони маъюб аз тамоми шаҳру ноҳияҳои ҷумҳурӣ нафарони имконияташон маҳдуд ҷалб карда мешаванд. Инчунин, дар назар аст, ки дар оянда тими мунтахаби Тоҷикистон таъсис дода мешавад ва онҳо дар бозиҳои паралимпии байналмилалӣ ширкат намуда, шаъну шарафи ватани азизамонро боло мебардоранд.

Баҳри болидарӯҳии иштирокчиён барномаи фарҳангӣ низ пешниҳод шуд.

Эзоҳи худро нависед



Рамзҳо дар расм