Бо мақсади тарғибу ташвиқи тарзи ҳаёти солим, ҷалб намудани наврасону ҷавонон ва калонсолон ба машғулияти мунтазами  варзишиву муайян намудани дастаи мунтахаби Ҷумҳурии Тоҷикистон оид ба шоҳмот дар толори Мактаб - интернати ҷумҳуриявии ноҳияи Рӯшон мусобиқаи ҷумҳуриявӣ оид ба шоҳмот шуруъ гашт.

Ба иттилои Қаландар Давлатмамадов, мудири Бахши кор бо ҷавонон ва варзиши ноҳия мусобиқа тибқи тақвими ягонаи чорабиниҳои оммавию варзишии Кумитаи кор бо ҷавонон ва варзиши назди Ҳукумати Ҷумҳурии Тоҷикистон байни мардон сурат гирифта, он дар таърихи соҳибистиқлолии кишвар бори аввал аст, ки дар ноҳияи Рӯшон баргузор мегардад.

Чорабинии варзишӣ бо ширкати дастаҳои "Душанбе 1", "Душанбе 2", "Хатлон 1", "Хатлон 2", "Суғд", "Бадахшон" оғоз гардида, он то санаи 26 июли соли ҷорӣ идома меёбад ва ғолибонро медал, ифтихорнома ва дигар туҳфаҳо интизор аст.