ВАРЗИШ
Ҷумъа 10 Июл 2020 03:33
1299
Анвар Юнусов, муштзани маъруфи тоҷик муҳорибаи якуми худро дар Бозиҳои XXXI тобистонаи олимпӣ дар шаҳри Рио-де-Жанейрои Бразилия шаби 7 август соати 02:15 ба вақти Душанбе ба пирӯзӣ анҷом дод.

Анвар дар вазни 60 кило варзишгари Чин Ҷун Шанро бо ҳисоби 3:0 шикаст дод.

Аз ин пеш Анвар бо Ҷун Шан ду муҳориба анҷом дода буданд. Рақобати аввал дар мусобиқаи интихобии Осиё бо пирӯзии Ҷун Шан хотима ёфтааст. Вохӯрии дуюм дар шаҳри Бокуи Озарбойҷон дар мусобиқаи ҷаҳонии олимпӣ ба нафъи Анвар Юнусов ҷамбаст гардида буд.

Ҳарифи навбатии Анвар дар даври баъдӣ муштзани бразилӣ Робсон Консеикао аст. Ин вохӯрӣ 9 август, соати 18:20 ба вақти маҳаллӣ (соати 02:20 шаби 10 август ба вақти Душанбе) доир мегардад.

Ёдовар мешавем, ки Робсон Консеикао, ҳарифи навбатии Анвар бар асоси қуръакашӣ бидуни иштирок дар даври аввал ба даври дувум роҳ ёфтааст. Робсон барандаи медали нуқраи мусобиқаи қаҳрамонии ҷаҳон (соли 2013, Алматии Қазоқистон) ва медали биринҷии ҳамин мусобиқа (соли 2015, Доҳаи Қатар) мебошад.

Ин пирӯзии Анвар миёни варзишгарони тоҷик, ки дар Оилимпиадаи Рио-2016 иштирок доранд аввалин ба шумор меравад.

Тоҷикистонро дар ин маракаи муҳими варзишӣ ҳафт варзишгар - Дилшод Назаров(варзиши сабук, гурзандозӣ),Комроншоҳи Устопириёнва Муҳаммадмурод Абдураҳмонов (ҳарду дзюдо), Анвар Юнусов (бокс), Олим Қурбоновва Анастасия Тюрина (ҳарду аз рӯи намуди шиноварӣ ба масофаи 50 метр бо тарзи озод) ва Кристина Пронженко (давидан ба масофаи 200 метр) намояндагӣ доранд.

Тақвими мусобиқоти варзишгарони тоҷик дар Рио-2016

Бар асоси тақвими Бозиҳои XXXI тобистонаи олимпӣ варзишгарони тоҷик дар мусобиқот аз 6-ум то 19-уми август ширкат мекунанд:

9 август, бокс
Анвар ЮНУСОВ, дар вазни -60 кг

10 август, ҷудо
Комроншоҳи УСТОПИРИЁН, дар вазни -90 кг

12 август, ҷудо
Муҳаммадмурод АБДУРАҲМОНОВ, дар вазни +100 кг

11-12 август, шиноварӣ
Олим ҚУРБОНОВ, бо тарзи озод дар масофаи 50 метр миёни мардон

12-13 август, шиноварӣ
Анастасия ТЮРИНА, бо тарзи озод дар масофаи 50 метр миёни занон

15-17 август, варзиши сабук
Кристина ПРОНЖЕНКО, давидан ба масофаи 200 метр миёни занон

17, 19 август, гурзандозӣ
Дилшод НАЗАРОВ

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
29 30 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

Июл 2020 c.