Аз 25 то 31 январ дар шаҳри Тошканд Чемпионати Ассотсиатсияи футболи Осиёи Марказӣ (CAFA) -2023 оид ба футзал баргузор мешавад. Сармураббии дастаи мунтахаби занонаи Тоҷикистон оид ба футзал Мустафо Афшорӣ ҳайати ниҳоии дастаро ҷиҳати ширкат дар ин чемпионат эълон кард.

Дар ин бора Федератсияи футболи Тоҷикистон хабар дод.

Ба иттилои манбаъ дастаи занонаи Тоҷикистон бо дастаҳои мунтахаби Ӯзбекистон (27 январ), Эрон (28 январ) ва Қирғизистон (30 январ) бозӣ мекунад. Мусобиқа аз рӯйи системаи даврӣ дар як марҳила баргузор гашта, тибқи шумораи бештари холҳо дастаи ғолиб муайян мегардад.

Ҳайати дастаи мунтахаби занонаи Тоҷикистон оид ба футзал барои ширкат дар чемпионати CAFA-2023:

Дарвозабонҳо: Сайёра Саидова, Рӯзигули Ҳасан, Муниса Гулова;

Бозигарон: Некубахт Худододова, Карина Мирзоева, Нисо Абдуллоева, Ҷонона Қурбонова, Шамсия Ҳусейнова, Малика Қаюмова, Мадина Фозилова, Лайло Ҳалимова, Беназир Ҷумъахонзода, Комила Расулова, Марҷона Файзуллоева.

Сармураббӣ: Мустафо Афшорӣ.