ВАРЗИШ
Якшанбе 18 Август 2019 10:20
6355
Дар доираи баргузории тантанаҳои ҷашнӣ ба ифтихори Рӯзи варзишгарони Тоҷикистон бо мақсади арҷ гузоштан ба меҳнат ва заҳматҳои варзишгарону собиқадорони соҳаи варзиш, мураббиёну кормандони соҳа, ҷалби таваҷҷуҳи масъулин ва ҳавасмандгардонии онҳо 8 август раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдуллозода Аҳтам Рустам бо ҳайати кормандон ба дидорбинии ин ашхос рафтанд.

Раиси кумита ба собиқадорони соҳаи варзиш кумакҳои яквақтаинаи молӣ тақдим карда, зимни дидорбиниҳо аз ҳолу аҳволи онҳо аз наздик шинос шуданд.

Иқдоми мазкур дар доираи сиёсати оқилонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таҳти сарпарастии президенти Федератсияи футболи Тоҷикистон Рустами Эмомалӣ ташкил карда шуд.

Дар навбати худ собиқадорони соҳа аз шароитҳои фароҳамомада дар самти татбиқи сиёсати давлатии варзиш дар кишвар ба хубӣ истиқбол намуда, миннатдории самимии худро ба раиси кумита ва Пешвои варзишпарвари миллат муҳтарам Эмомалӣ Раҳмон баён намуданд.

Лозим ба ёдоварист, ки дар доираи сиёсати хирадмандонаи Пешвои миллат аёдати собиқадорони соҳа, беморон ва шахсони имконияташон маҳдуд дар арафаи иду ҷашнҳо ба ҳукми анъана даромада, масъулини соҳа пайваста аз ҳолу аҳволи ин қишри ҷомеа ҳамеша бохабар мешаванд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1

Август 2019 c.