19 ноябр дар варзишгоҳи «Тоҷварз»-и шаҳри Душанбе 20 солагии Федератсияи айкидои Ҷумҳурии Тоҷикистон ҷашн гирифта шуд.

Дар он  аввалин раиси Федератсияи айкидо ва ҳамзамон асосгузори ин намуди варзиш дар Тоҷикистон, Абдумумин Давлатов иштирок намуд.

А.Давлатов бо намояндаи сафорати Ҷопон Ишии Киёше ва намояндаи сафорати Федератсияи Русия Наталия Капула ба тарзи тамринҳою дастовардҳои варзишгарони айкидои тоҷик ошно гардида ба онҳо дар фаъолияти минбаъдаашон бурдборӣ  таманно намуданд.

Дар баробари айкидо инчунин дастовардҳои варзишгарон аз рӯи намуди  ушу, ҷеткундо ва таэквандо ба ҳозирин пешниҳод гардида, мутахассисони соҳа аз қудрату тавоноии ҷавонони тоҷик, майлу шавқи онҳоро ба ин навъи варзиш ва ояндаи варзишҳои якҳарба суҳбат намуданд.

Федератсияи айкидо дар Тоҷикистон соли 1996 аз ҷониби Абдумумин Давлатов устоди ин риштаи варзиш расман таъсис ёфта, то имрӯз се роҳбар иваз намудааст.

Абдумумин Давлатов аз замони таъсисёбӣ то соли 2007,  аз соли 2007 то 2011 Муҳаббат Бегматов ва аз соли 2011 то инҷониб бошад роҳбарии Федератсияро Абдулазиз Шарипов ба зима доранд.