Дар ноҳияи Айнӣ майдончаи варзишии муҷаҳҳаз бо тамоми шароитҳои замони муосир ба истифода дода шуд.

Майдонча аз ҷониби мақомоти иҷроияи ҳокимияти давлатии ноҳия бо  харҷи беш аз 500 ҳазор сомонӣ бунёд гардида, мутобиқ ба стандартҳои байналмилалист.

Дар маросими кушодашавии майдончаи варзишӣ раиси ноҳияи Айнӣ Муродзода Муқим ва сардори Раёсати тарбияи ҷисмонӣ ва инкишофи варзиши Кумитаи кор бо ҷавонон ва варзиши назди Ҳукумати Ҷумҳурии Тоҷикистон Бозор Носиров иштирок ва суханронӣ намуданд.

Зимни суханрониҳо гуфта шуд, ки иншооти мазкур бо сифати баланд бунёд гардида, минбаъд ҷавонону варзишгарон ва дӯстдорони варзиш метавонанд, аз ин майдончаи варзишии муосир ба таври васеъ истифода намоянд.