Ҷоми Амрико-2024 аз 20 июн то 14 июли соли 2024 дар Иёлоти Муттаҳида баргузор мешавад.

Дар аввал мебоист дар Эквадор 48-умин мусобиқаи асосии футбол байни мардони дастаҳои Амрикои Ҷанубӣ баргузор мешуд. Аммо дар моҳи ноябри соли 2022 ин кишвар расман аз баргузории мусобиқа худдорӣ кард. Дар робита ба ин, созмондиҳандагон тасмим гирифтанд, ки мусобиқаро ба ИМА интиқол диҳанд.

Барандаи феълии Ҷоми Амрико тими миллии Аргентина мебошад. Дар рақобатҳои Копа аслан ду тими мунтахаб, Уругвай ва Аргентина пешсафанд. Ҳардуи ин дастаҳо 15 маротиба Ҷоми Амрикои Ҷанубиро болои сар бардоштаанд.

Бояд гуфт, ки дар Ҷоми Амрико-2024 16 даста иштирок хоҳад кард. Ҷоизаи умуми Копа Америка-2024 бошад, дар соли равон 30 миллион долларро ташкил медиҳад. Ҳар як иштирокчӣ дар марҳилаи гурӯҳӣ 1 миллион доллар мегирад ва дар ҳолати ба плей-оф (1/4 финал, ҳашт даста) баромадан 1,5 миллион доллари дигарро соҳиб мегардад. Пардохтҳои минбаъда вобаста ба ишғоли ҷой тақсим карда мешаванд. Барои мисол дастаҳое, ки соҳиби мақомҳои намоён мегарданд, чунин дастмузд хоҳанд гирифт:

- 10 миллион доллар ба ғолиб.
- Ҷойи дуюм 5 миллион доллар.
- Ҷойи сеюм 3 миллион доллар.
- Ҷойи чаҳорум 2 миллион доллар.
- Чорякфинал 1,5 миллион доллар.