ВАРЗИШ
Панҷшанбе 02 Май 2024 01:44
ё Шавкате, ки дар олами бокс нотакрор аст
Шавкат Раҳимов, муштзани номдору номовар, ки дар корномаи касбиаш боре ҳам доғи мағлубият сабт нагардидааст, солҳост шарафи бокси тоҷикро дар арсаи гетӣ бар дӯш дорад. Ӯ ҳоло дар ғурбат ба сар мебарад.
Номбурда 14-уми августи соли 1994 дар шаҳри Бохтари вилояти Хатлон ба дунё омадааст. Ҳамагӣ 11 сол дошт, ки ба тамринҳо оғоз намуд. Ӯ дар ҳайати тими миллии бокси Тоҷикистон аз нимаи аввали соли 2010 ҳунарнамоиро оғоз намуда, то соли 2014 миёни наврасони Осиё дар самти бокси ғайриҳирфавӣ ҳангомаҳои зиёдеро ба миён оварда буд, ки беҳтарин натиҷааш қаҳрамони секаратаи Тоҷикистон ва барандаи бисёркаратаи мусобиқоти байналмилалӣ ва осиёӣ маҳсуб меёбанд.
Шавкат аз соли 2015 инҷониб ба бокси касбӣ гузашта, дар Русия тамрину фаъолият мекунад. Дар ҳоли ҳозир тибқи гузориши Созмони байналмилалии бокс (IBO) унвони қаҳрамони ҷаҳонро дорад.
МУАРРИФИИ КИШВАР ДАР САТҲИ БАЙНАЛМИЛАЛӢ
Дар арсаи байналмилалӣ баромад кардани Шавкат ба соли 2011 рост меояд, ки ӯ Тоҷикистонро дар мусобиқаи қаҳрамонии ҷаҳон байни наврасон, ки шаҳри Остонаи Қазоқистон мизбонаш буд, намояндагӣ кард.
Ӯ соли 2013 дар вазни то 59 кг дар шаҳри Душанбе қаҳрамони Тоҷикистон шуда, худи ҳамон сол аз ҳайати асосии дастаи мунтахаби Тоҷикистон барандаи медали нуқраи Ҷоми Губернатор дар шаҳри Санкт-Петербург шуд. Барандаи ёдбуди Исмоил Ҳамзаалиев дар Хуҷанд ва медали биринҷӣ дар ёдбуди Галим Жарилгапов дар Караганда, инчунин чемпиони ҷаҳон дар Алмаато гардидани Шавкат бузургтарин дастовардҳо дар соли 2013 маҳсуб меёбад.
Соли 2014 дар ҷадвали чемпионати миллии Тоҷикистон беҳтарин буд. Ҳамзамон дар соли мазкур соҳиби медали биринҷӣ дар чемпионати ҷаҳонии донишҷӯён дар Ёқутистон ва ғолиби Ҷоми ҷаҳонии кишварҳои истеҳсолкунандаи нафтӣ дар Белоярск гардид. Ин ҳама пирӯзиҳо ӯро марҳила ба марҳила ба бокси ҳирфавӣ наз-дик мекард. Дар чемпионати Тоҷикистон соли 2015 Шавкат аз вазни сабук ба вазни миёна гузашта, дар ин категорияи вазн ҳам ҳамаи рақибонашро шикаст дод ва ба ин тартиб соҳиби медали тилло шуд.
Қаҳрамони мо ҳамеша мехост дар Бозиҳои олимпӣ иштирок намояд ва соли 2015, ки дар ҳолати хуби варзишӣ қарор дошт, беҳтарин имконият барояш буд, то иштирокчии Бозиҳои олимпии Рио- де-Жанейро- 2016 гардад. Аммо ғайриинтизор дар марҳилаи интихобӣ натавонист ба марҳилаи дигар барояд. Бо ҳамин роҳи олимпиада барои Шавкат ба охир расид.
КОРНОМАИ КАСБӢ
Соли 2015 Шавкат Раҳимов тасмим гирифт, ки аз сатҳи як муштзани ҳаваскор ба сатҳи муштзани ҳирфавӣ гузариш кунад. Ба ҳамин хотир макони тамрини хешро аз Тоҷикистон ба Федератсияи Русия иваз кард. Варзишгар дар майдони касбии бокс аз моҳи декабри соли 2015 баромад карданро оғоз намуд. Ҳоло ӯ дар Русия, умдатан дар Екатеринбург ва Челябинск тамрин намуда, аз номи Тоҷикистон ва ширкати промоушении Герман Титови Урал баромад мекунад.
Моҳи ноябри соли 2016 ӯ аз рӯи маълумоти Созмони ҷаҳонии бокс (WBO) унвони холии қаҳрамони байни ҷавононро дар вазни миёна ҳимоя намуд ва барои дифои нахусткамарбанд варзишгари Рус Мусаиб Асадовро аз сари роҳ бардошт.
Дар соли 2017 ӯ унвони қаҳрамони Шурои бокси Авруосиё ва Уқёнуси Оромро ба даст овард ва ба шарофати як силсила намоишҳои муваффақона, аз рӯи Соз-мони байналмилалии бокс (IBO) унвони қаҳрамонии ҷаҳонро низ байни ҷавонон ба номаш сикка зад. Барои ба даст овардани унвони қаҳрамонии ҷаҳон ибтидо рақибаш бояд Дэвид Соуседо аз Аргентина мебуд, вале рақиб бо иллати ба меъёр надаровардани вазни хеш аз ҳаққи рақобат маҳрум гашт ва ӯро намояндаи Мексика Эмануэл Лопес иваз кард.
Рақобати Шавкат Раҳимов ва Лопес дар таърихи 9-уми сентябри соли 2017 баргузор гардид, ки бисёр тезу тунд ҷараён гирифт. Бархӯрди варзишгарон тамоми 12 пайт давом кард, ки дар натиҷа доварон бо қарори якдилона пирӯзиро ба Раҳимов доданд.
Ӯ соли 2018 унвони қаҳрамониро дигарбора ҳимоя кард, ки ин дафъа рақиби ӯ аз Африқои Ҷанубӣ Малколм Классен бо рекорди (33-7-2) интихоб гардида буд. Малколм ҳам ба замми доштани таҷрибаи ғанӣ муқобили Шавкати беҳамто истодагарӣ карда натавонист ва дар пайтҳои охири рақобат бо накаути техникӣ мағлуб гардид.
Соли 2019 Раҳимов бори дигар унвони худро ҳифз кард ва дар раунди чорум бар муштзани Африқои Ҷанубӣ Рофхива Маэму пирӯз шуда, пайи ҳам чаҳор маротиба ҳимояи унвони қаҳрамонӣ кард. Дар мавсими соли 2019 муштзани дигари Африқои Ҷанубӣ Азинга Фузилеро дар ҳаштум раунд ноком карда, ҳуқуқи мубориза барои унвони қаҳрамонии IBF дар вазни миёнаро ба даст овард.
Моҳи феврали соли 2021 барои унвони холӣ IBF мубориза бурда буд, аммо роқобаташ бо Ҷозеф Диаси амрикоӣ бо натиҷаи мусовӣ анҷом ёфт. Шавкат барои дигарбора мубориза бурдан, барои камарбанди IBF ва чемпиони вазни сабук гардидан, 11-уми декабри соли 2021 бо варзишгари узбекистонбӣ Сардор Музаффаров рақобат намуда, ӯро дар пайти 10-ум бо нокаути техникӣ мағлуб намуд.
ТАМРИН ДАР СОҲИЛИ ТУРГАЯК
Кӯли бузурги Тургаяк яке аз мавзеъҳои хушбоду ҳавои қаторкӯҳҳои Урал, ки Шавкат барои мусобиқаи дарпешистода он ҷо тамрин мекунад, аз ҷиҳати иқлим шабеҳи Тоҷикистон аст ва дар он манзараи шабеҳи ватан барои қаҳрамони мо бисёр хушоянд аст.
Ҳамарӯза тамрини ӯ он ҷо сипарӣ мегардад. Рӯзноманигорону блогнависон ҳам ӯро танҳо дар ин ҷо пайдо карда, бобати фаъолияташ филму барномаҳо таҳия мекунанд.
Манзили қаҳрамони мо каме дуртар аз кӯли Тургаяк воқеъ гардидааст. Баробари ворид гардидан ба манзили хоксоронаи қаҳрамон рахти хоби одие ба чашм мехӯрад, ки дар як гӯшааш Парчами Тоҷикистон ҳамеша овезон аст ва баробари вориди утоқ гардидан, нахуст ливои меҳан ба чашм мехӯрад, ки ин аз ҳувиятшинос будани ӯ шаҳодат медиҳад.
АМАЛИШАВИИ ОРЗУИ БУЗУРГ
Кӯшишу заҳмати пайвастааш ва мақсади ба даст овардани камарбанди чемпионии IBF дар вазни сабук билохир рӯзи 6-уми ноябри соли 2022 дар шаҳри Абу-Дабии Арабистони Сауди амалӣ гардид. Варзишгари тоҷик дар ин дидор мебоист бо варзишгари бритониёӣ Ҷо Кордин мубориза мебурд, аммо бо иллати ҷароҳат бардоштани Кордин ӯро ҳамватанаш Зелфа Барреттро иваз намуд, ки ниҳоят хатарноку ботаҷриба буд. Зеро дар корномаи касбии ӯ аз 28 рақобати гузаронидааш танҳо ду маротиба мувоҷҷеҳи шикаст гардида буд.
Рақобат дар варишгоҳи бузурги “Etihad Arena” оғоз гардид. Зелфа Барреттро ба замми таҷрибаи зиёд доштанаш муқобили Шавкати оҳанинбозӯ коре карда натавонист. Чун ӯ аз оғози рақобат ташаббусро ба даст гирифта, дар пайти 9-ум рақибро ба фарши ринг яксон кард ва нахустин тоҷике гардид, ки камарбанди бонуфузи IBF-ро дар вазни сабук ба даст овард.
ИЗҲОРИ МИННАТДОРӢ
Пас аз ба даст овардани камарбанди IBF истиқболи Шавкат дар фурудгоҳи байналмилалии шаҳри Душанбе ба тантанаи ҳақиқӣ мубаддал гардид. Баробари масъулини соҳа, инчунин даҳҳо ҳаводори варзишгар ба истиқболаш омада, қаҳрамони хешро самимона пешвоз гирифтанд.
Истиқболи Шавкат хушку холӣ анҷом наёфт, чун шаҳрдори варзишпарвари шаҳри Душанбе муҳтарам Рустами Эмомалӣ ба варзишгар чун нишони қадрдонӣ манзили дуҳуҷрагӣ бо тамоми таҷҳизоташ туҳфа кард.
ДАР ҚАТОРИ БАРГУЗИДАГОН
Ҳоло Шавкат барои фатҳи бештари қуллаҳои варзишӣ аз таҳи дил заҳмат мекашад. Маҳз чунин заҳматаш буд, ки соли 2022 Созмони ҷаҳонии бокс ӯро ба қатори баргузидагони бокси ҷаҳон ҳамсони Мэнни Пакяо, Виталий Киличко, Флойд Майвезер, Майк Тайсон ва Муҳаммад Алии нотакрор ворид намуд, ки барои миллати мо дастоварди бузурги таърихӣ дар олами бокс аст.
Яҳё МАҲМАДНАБИЕВ,“ҶТ”
Шавкат Раҳимов, муштзани номдору номовар, ки дар корномаи касбиаш боре ҳам доғи мағлубият сабт нагардидааст, солҳост шарафи бокси тоҷикро дар арсаи гетӣ бар дӯш дорад. Ӯ ҳоло дар ғурбат ба сар мебарад.
Номбурда 14-уми августи соли 1994 дар шаҳри Бохтари вилояти Хатлон ба дунё омадааст. Ҳамагӣ 11 сол дошт, ки ба тамринҳо оғоз намуд. Ӯ дар ҳайати тими миллии бокси Тоҷикистон аз нимаи аввали соли 2010 ҳунарнамоиро оғоз намуда, то соли 2014 миёни наврасони Осиё дар самти бокси ғайриҳирфавӣ ҳангомаҳои зиёдеро ба миён оварда буд, ки беҳтарин натиҷааш қаҳрамони секаратаи Тоҷикистон ва барандаи бисёркаратаи мусобиқоти байналмилалӣ ва осиёӣ маҳсуб меёбанд.
Шавкат аз соли 2015 инҷониб ба бокси касбӣ гузашта, дар Русия тамрину фаъолият мекунад. Дар ҳоли ҳозир тибқи гузориши Созмони байналмилалии бокс (IBO) унвони қаҳрамони ҷаҳонро дорад.
МУАРРИФИИ КИШВАР ДАР САТҲИ БАЙНАЛМИЛАЛӢ
Дар арсаи байналмилалӣ баромад кардани Шавкат ба соли 2011 рост меояд, ки ӯ Тоҷикистонро дар мусобиқаи қаҳрамонии ҷаҳон байни наврасон, ки шаҳри Остонаи Қазоқистон мизбонаш буд, намояндагӣ кард.
Ӯ соли 2013 дар вазни то 59 кг дар шаҳри Душанбе қаҳрамони Тоҷикистон шуда, худи ҳамон сол аз ҳайати асосии дастаи мунтахаби Тоҷикистон барандаи медали нуқраи Ҷоми Губернатор дар шаҳри Санкт-Петербург шуд. Барандаи ёдбуди Исмоил Ҳамзаалиев дар Хуҷанд ва медали биринҷӣ дар ёдбуди Галим Жарилгапов дар Караганда, инчунин чемпиони ҷаҳон дар Алмаато гардидани Шавкат бузургтарин дастовардҳо дар соли 2013 маҳсуб меёбад.
Соли 2014 дар ҷадвали чемпионати миллии Тоҷикистон беҳтарин буд. Ҳамзамон дар соли мазкур соҳиби медали биринҷӣ дар чемпионати ҷаҳонии донишҷӯён дар Ёқутистон ва ғолиби Ҷоми ҷаҳонии кишварҳои истеҳсолкунандаи нафтӣ дар Белоярск гардид. Ин ҳама пирӯзиҳо ӯро марҳила ба марҳила ба бокси ҳирфавӣ наз-дик мекард. Дар чемпионати Тоҷикистон соли 2015 Шавкат аз вазни сабук ба вазни миёна гузашта, дар ин категорияи вазн ҳам ҳамаи рақибонашро шикаст дод ва ба ин тартиб соҳиби медали тилло шуд.
Қаҳрамони мо ҳамеша мехост дар Бозиҳои олимпӣ иштирок намояд ва соли 2015, ки дар ҳолати хуби варзишӣ қарор дошт, беҳтарин имконият барояш буд, то иштирокчии Бозиҳои олимпии Рио- де-Жанейро- 2016 гардад. Аммо ғайриинтизор дар марҳилаи интихобӣ натавонист ба марҳилаи дигар барояд. Бо ҳамин роҳи олимпиада барои Шавкат ба охир расид.
КОРНОМАИ КАСБӢ
Соли 2015 Шавкат Раҳимов тасмим гирифт, ки аз сатҳи як муштзани ҳаваскор ба сатҳи муштзани ҳирфавӣ гузариш кунад. Ба ҳамин хотир макони тамрини хешро аз Тоҷикистон ба Федератсияи Русия иваз кард. Варзишгар дар майдони касбии бокс аз моҳи декабри соли 2015 баромад карданро оғоз намуд. Ҳоло ӯ дар Русия, умдатан дар Екатеринбург ва Челябинск тамрин намуда, аз номи Тоҷикистон ва ширкати промоушении Герман Титови Урал баромад мекунад.
Моҳи ноябри соли 2016 ӯ аз рӯи маълумоти Созмони ҷаҳонии бокс (WBO) унвони холии қаҳрамони байни ҷавононро дар вазни миёна ҳимоя намуд ва барои дифои нахусткамарбанд варзишгари Рус Мусаиб Асадовро аз сари роҳ бардошт.
Дар соли 2017 ӯ унвони қаҳрамони Шурои бокси Авруосиё ва Уқёнуси Оромро ба даст овард ва ба шарофати як силсила намоишҳои муваффақона, аз рӯи Соз-мони байналмилалии бокс (IBO) унвони қаҳрамонии ҷаҳонро низ байни ҷавонон ба номаш сикка зад. Барои ба даст овардани унвони қаҳрамонии ҷаҳон ибтидо рақибаш бояд Дэвид Соуседо аз Аргентина мебуд, вале рақиб бо иллати ба меъёр надаровардани вазни хеш аз ҳаққи рақобат маҳрум гашт ва ӯро намояндаи Мексика Эмануэл Лопес иваз кард.
Рақобати Шавкат Раҳимов ва Лопес дар таърихи 9-уми сентябри соли 2017 баргузор гардид, ки бисёр тезу тунд ҷараён гирифт. Бархӯрди варзишгарон тамоми 12 пайт давом кард, ки дар натиҷа доварон бо қарори якдилона пирӯзиро ба Раҳимов доданд.
Ӯ соли 2018 унвони қаҳрамониро дигарбора ҳимоя кард, ки ин дафъа рақиби ӯ аз Африқои Ҷанубӣ Малколм Классен бо рекорди (33-7-2) интихоб гардида буд. Малколм ҳам ба замми доштани таҷрибаи ғанӣ муқобили Шавкати беҳамто истодагарӣ карда натавонист ва дар пайтҳои охири рақобат бо накаути техникӣ мағлуб гардид.
Соли 2019 Раҳимов бори дигар унвони худро ҳифз кард ва дар раунди чорум бар муштзани Африқои Ҷанубӣ Рофхива Маэму пирӯз шуда, пайи ҳам чаҳор маротиба ҳимояи унвони қаҳрамонӣ кард. Дар мавсими соли 2019 муштзани дигари Африқои Ҷанубӣ Азинга Фузилеро дар ҳаштум раунд ноком карда, ҳуқуқи мубориза барои унвони қаҳрамонии IBF дар вазни миёнаро ба даст овард.
Моҳи феврали соли 2021 барои унвони холӣ IBF мубориза бурда буд, аммо роқобаташ бо Ҷозеф Диаси амрикоӣ бо натиҷаи мусовӣ анҷом ёфт. Шавкат барои дигарбора мубориза бурдан, барои камарбанди IBF ва чемпиони вазни сабук гардидан, 11-уми декабри соли 2021 бо варзишгари узбекистонбӣ Сардор Музаффаров рақобат намуда, ӯро дар пайти 10-ум бо нокаути техникӣ мағлуб намуд.
ТАМРИН ДАР СОҲИЛИ ТУРГАЯК
Кӯли бузурги Тургаяк яке аз мавзеъҳои хушбоду ҳавои қаторкӯҳҳои Урал, ки Шавкат барои мусобиқаи дарпешистода он ҷо тамрин мекунад, аз ҷиҳати иқлим шабеҳи Тоҷикистон аст ва дар он манзараи шабеҳи ватан барои қаҳрамони мо бисёр хушоянд аст.
Ҳамарӯза тамрини ӯ он ҷо сипарӣ мегардад. Рӯзноманигорону блогнависон ҳам ӯро танҳо дар ин ҷо пайдо карда, бобати фаъолияташ филму барномаҳо таҳия мекунанд.
Манзили қаҳрамони мо каме дуртар аз кӯли Тургаяк воқеъ гардидааст. Баробари ворид гардидан ба манзили хоксоронаи қаҳрамон рахти хоби одие ба чашм мехӯрад, ки дар як гӯшааш Парчами Тоҷикистон ҳамеша овезон аст ва баробари вориди утоқ гардидан, нахуст ливои меҳан ба чашм мехӯрад, ки ин аз ҳувиятшинос будани ӯ шаҳодат медиҳад.
АМАЛИШАВИИ ОРЗУИ БУЗУРГ
Кӯшишу заҳмати пайвастааш ва мақсади ба даст овардани камарбанди чемпионии IBF дар вазни сабук билохир рӯзи 6-уми ноябри соли 2022 дар шаҳри Абу-Дабии Арабистони Сауди амалӣ гардид. Варзишгари тоҷик дар ин дидор мебоист бо варзишгари бритониёӣ Ҷо Кордин мубориза мебурд, аммо бо иллати ҷароҳат бардоштани Кордин ӯро ҳамватанаш Зелфа Барреттро иваз намуд, ки ниҳоят хатарноку ботаҷриба буд. Зеро дар корномаи касбии ӯ аз 28 рақобати гузаронидааш танҳо ду маротиба мувоҷҷеҳи шикаст гардида буд.
Рақобат дар варишгоҳи бузурги “Etihad Arena” оғоз гардид. Зелфа Барреттро ба замми таҷрибаи зиёд доштанаш муқобили Шавкати оҳанинбозӯ коре карда натавонист. Чун ӯ аз оғози рақобат ташаббусро ба даст гирифта, дар пайти 9-ум рақибро ба фарши ринг яксон кард ва нахустин тоҷике гардид, ки камарбанди бонуфузи IBF-ро дар вазни сабук ба даст овард.
ИЗҲОРИ МИННАТДОРӢ
Пас аз ба даст овардани камарбанди IBF истиқболи Шавкат дар фурудгоҳи байналмилалии шаҳри Душанбе ба тантанаи ҳақиқӣ мубаддал гардид. Баробари масъулини соҳа, инчунин даҳҳо ҳаводори варзишгар ба истиқболаш омада, қаҳрамони хешро самимона пешвоз гирифтанд.
Истиқболи Шавкат хушку холӣ анҷом наёфт, чун шаҳрдори варзишпарвари шаҳри Душанбе муҳтарам Рустами Эмомалӣ ба варзишгар чун нишони қадрдонӣ манзили дуҳуҷрагӣ бо тамоми таҷҳизоташ туҳфа кард.
ДАР ҚАТОРИ БАРГУЗИДАГОН
Ҳоло Шавкат барои фатҳи бештари қуллаҳои варзишӣ аз таҳи дил заҳмат мекашад. Маҳз чунин заҳматаш буд, ки соли 2022 Созмони ҷаҳонии бокс ӯро ба қатори баргузидагони бокси ҷаҳон ҳамсони Мэнни Пакяо, Виталий Киличко, Флойд Майвезер, Майк Тайсон ва Муҳаммад Алии нотакрор ворид намуд, ки барои миллати мо дастоварди бузурги таърихӣ дар олами бокс аст.
Яҳё МАҲМАДНАБИЕВ,“ҶТ”
Хабарҳои дигар
Рӯзнома
Эзоҳи худро нависед