ВАРЗИШ
Ҷумъа 08 Декабр 2023 11:53
Аз 19-ум то 28-уми август дар Ҷумҳурии Қазоқистон Чемпионати ҷаҳон оид ба таеквондо баргузор гардид. Дар чорабинии мазкур дастаи яккачини Федератсияи таеквондо ИТФ-и Тоҷикистон низ иштирок карда, ба як қатор натиҷаҳои назаррас ноил гардиданд. Дар матлаби мазкур суҳбате намудем бо Мумин Нуров, яке аз варзишгарони ин риштаи варзиш ва иштирокчии чемпионат, ки бо ду медали биринҷӣ ба ватан баргашт.
- Чун лаззати пирӯзӣ хуш аст, биёед суҳбатро аз рақобати охирин оғоз менамоем. Аз рафти сабқатҳо каме сухан мекардед.
- Сабқати охирини ман ин Чемпионати ҷаҳон буд, ки дар Қазоқистон баргузор гардид. Чемпионат дар сатҳи бисёр ҳам баланд ташкил шуда, мо бо дасти пур аз ҷому нишон ба ватан баргаштем. Гирифтани ду медал бароям дас-товарди бузург ба ҳисоб мерафт. Дар ин чемпионат аз ду навъ, яке навъи “тули” ва дигаре “спаринг” иштирок карда, дар ҳарду ба гирифтани медали биринҷӣ сазовор гардидам.
- Барои ба ин натиҷа сазовор гардидан, бояд таҷрибаи хубе дошта бошед. Чанд сол аст, ки ба ин навъи варзиш машғулед?
- Ман ба ин навъи варзиш аз синни 8-солагӣ машғулам. Наздики 10 сол аст, ки аз намуди Таеквондо ИТФ баромад мекунам.
- То ҷое маълумот дорем, пеш аз варзишгар шудан модар шуморо барои навозанда шудан ба маркази кудакону наврасон бурданд. Ҳатто як сол дар он ҷо таҳсил кардед. Пас аз ин ҳама чӣ гуна меҳри навозандагӣ аз фикри шумо дур шуд?
- Модарам вақте дид, ман ба навозандагӣ меҳр дорам, маро ба маркази кӯдакону наврасон бурд, то дар онҷо ба орзуҳои кӯдакиам бирасам. Ин марказ маркази беҳтарин буд. Устодони хуб дошт. Ҳамаашон бо кудакон хело муомилаи самимӣ доштанд. Барои муваффақ шудани шогирдонашон талош мекарданд. Дар он вақтҳо писарони амакам Мурод ва Абубакр ба толори варзиш барои тамрини таеквондо ИТФ мерафтанд. Бо дархости онҳо ман ба тамошои тамринҳояшон рафтам. Пас аз чанд маротиба рафтан ба толори варзишӣ касби ояндаам аз навозанда ба варзишгар табдил ёфт. Бо ворид шудан ба дунёи варзиш дигар натавонистам дар бораи навозандагӣ фикр кунам. Ман дигар худро пурра дар варзиш дидан мехостам ва фикри навозанда шудан пурра аз зеҳнам берун шуд. Тамоми вуҷудамро ҳисси қаҳрамони ҷаҳон шудан аз ин навъи варзиш гирифта буд.
- Дар ин баробар падару модар ба варзишгар шудани шумо зид буданд. Чӣ гуна онҳоро розӣ кардед, то ба ин навъи варзиши хатарнок машғул шавед?
- Падару модарам ба варзишгар шудани ман боварӣ надоштанд. Ояндаи маро дар навозандагӣ медиданд. Вақте ки ба ин намуди варзиш машғул шуданамро ба онҳо гуфтам, дар аввал зид баромаданд. Аммо амакам Содиқ ба падару модарам суҳбат карда, онҳоро розӣ гардонд, то ба толори варзишӣ равам. Ҳамин тавр, падарам маро ба толоре бурд, ки писарони амакам ба тамрин машғул буданд. Баъди 3 моҳи тамрин тавонистам, камарбанди зардро гирифта, ба падару модарам собит созам, ки ман барои варзишгар шудан омодаам ва ҳозирам баҳри расидан ба ҳадафҳои худ аз ҳар монеае убур намоям. Баъд аз камарбанди зардро гирифтан, ҳамчунин дар Чемпионати Тоҷикистон баромад карда, ҷойи аввалро сазовор шудам. Пас аз ин муваффақият волидонам ба варзишгар шуданам розӣ шуданд.
- Шумо дар боло қайд кардед, ки дидани писарони амакатон дар ин ҷода сабаб шуд, то шумо рӯй ба варзиш оваред. Айни замон онҳо низ ба варзиш машғуланд ё тарки ин соҳа карданд?
- Писарони амакам роҳи варзишро идома надоданд. Айни ҳол онҳо дар муҳоҷирати меҳнатӣ қарор доранд ва дар оила танҳо ман ба ин навъи варзиш машғулам.
- Яке аз орзуҳои асосии шумо ин қаҳрамони олимпӣ шудан буд. Аммо ин навъи варзиш ба бозиҳои олимпӣ шомил нест. Оё шумо аз аввал медонистед, ки таеквандо ИТФ ба Бозиҳои олимпӣ шомил нест? Агар ҳа, пас чаро ба навъи ВТФ нагузаштед, зеро он ба Бозиҳои олимпӣ шомил аст?
- Мутаассифона, ман намедонистам, ки ин намуди таеквондо ба Бозиҳои олимпӣ шомил нест. Дар ин баробар дар аввал ҳадафам танҳо аз намуди варзиши таеквандо варзишгар шудан ва ба дастаи яккачини Федератсия шомил шудан буд. Бароям муҳим набуд, ки ин намуд ба Бозиҳои олимпӣ шомил аст ё не. Ин орзу баъдтар дар дилам пайдо шуд.
- Оё ба он боварӣ доред, ки рӯзе ин навъи варзиш ба Бозиҳои олимпӣ шомил мешавад ва орзуи деринаи шумо амалӣ гашта, медали ин мусобиқаро ба гардан меовезед?
- Бале! Инсон набояд ҳеҷ вақт ноумед шавад. Ман боз ҳам ҳаракат карда истодаам, то дар ин ҷода ба пешравиҳо даст ёбам ва худро дар ҳолати хуби варзишӣ нигоҳ дорам. Умедворам, ки рӯзе навъи таеквондо низ ба Бозиҳои олимпӣ шомил мешавад ва ман барои кишварам нишони заррини Бозиҳои олимпиро хоҳам овард.
- Дар аввали фаъолияти варзишии худ нисбат ба ҳамсолон ҷисман хурдтар ба назар мерасидед. Оё ин дар рафти сабқатҳо ба шумо монеа намешуд?
- Дар дуввумин Чемпионати ҷумҳуриявӣ аз намуди таеквондо, ки дар шаҳри Турсунзода баргузор гашт, ба ду ҳарифам пирӯз гаштам. Аммо дар сабқати сеюм аз ҳарифи худ шикаст хӯрдам. Қади баланди ҳариф дар ин сабқат ба нафъи ӯ корро ҳал карда, шонси пирӯзии маро кам гардонд. Пас аз ин сабқат бисёртар талош кардам ва минбаъд бештар бо нафарони қадбаланд тамрин мекардам, то тавонам дар чунин ҳолатҳо аз худ дифоъ карда, дар ин баробар пирӯзӣ ба даст орам.
- Каме пеш дар мавриди иваз кардани камарбанд ҳарф задед. Оё гуфта метавонед, ки иваз кардани камарбанд чӣ маънӣ дорад ва барои аз як камарбанд ба камарбанди дигар гузаштан, кадом масирҳоро бояд тай кард?
- Дар варзиши таеквондо баъд аз се моҳи тамрин варзишгар бояд имтиҳон супорад. Агар аз санҷиш гузашта тавонад, ба ӯ муяссар мешавад, то камарбанди худро иваз кунад. Иваз кардани камарбанд ба маънои як зина боло рафтан ва касбитар шудан дар ин навъи варзиш маҳсуб меёбад. Камарбанди сафед аввалин камарбандест, ки бо дохил шудани варзишгар ба толори варзишии таеквондо супорида мешавад. Ман низ аз аввал бо камарбанди сафед баромад мекардам. Пас аз се моҳи тамрин тавонистам аз имтиҳон ба хубӣ гузашта, ба гирифтани камарбанди зард даст ёбам. Кӯшиш мекардам, ки зуд - зуд камарбандамро иваз кунам. Зеро бо ин кор шавқам нисбати варзиши интихобнамудаам боз ҳам зиёдтар мешуд. Ҳамин тавр, камарбанди сабзро ба даст овардам. Дар бисёр чемпионатҳо бо ин камарбанд рақобат кардам. Бо тавсияи устодам Султонов Аслиддин барои ба даст овардани камарбанди кабуд низ имтиҳон супорида, муваффақ шудам. Пас аз чанде дар кишвар чемпионат аз ин навъи варзиш баргузор гашт ва устодам гуфт, ки агар ман дар чемпионати мазкур ҷои аввалро бо камарбанди кабуд ба даст оварам, ӯ ба ман камарбанди сурхро туҳфа хоҳад кард. Ин боис шуд, то дар сабқати мазкур бештар ва ҷиддитар талош намоям. Аз ду навъи таеквондо ИТФ ҳам аз навъи тули ва ҳам спаринг тавонистам, мақоми аввалро касб намоям ва дар баробари нишонҳои заррини сабқат боз ба гирифтани камарбанди сурх даст ёфтам. Дар таеквондо аз ҳама камарбанди беҳтарин ин камарбанди сиёҳ аст. Ман ба ин камарбанд пас аз ду соли тамрин ва иштирок дар чемпионатҳо даст ёфтам. Айни замон бо камарбанди сиёҳи дараҷаи 1 баромад карда истодаам ва кӯшишам барои он аст, ки камарбанди сиёҳи дараҷаи 2-ро ба даст орам.
- Пас аз як моҳи ба даст овардани камарбанди зард дар кишвар мусобиқаи таеквондо баргузор гардид, ки шумо дар вазни 24 кг миёни наврасони синну соли 8-9 сола ба майдон баромадед. Ин чӣ гуна мусобиқа буд ва бо кадом дастовард ба анҷом расид?
- Вақте ки камарбанди зардро гирифтам, ҳеҷ кас боварӣ надошт, ки дар чемпионат ҷойи аввалро мегирам. Барои ҷойи аввалро гирифтан, ҳар рӯз машқ мекардам. Дар рафти тамрин хело хаста ва беҳол мешудам. Аммо боз ҳам кӯшишҳои худро дучанд мекардам, то дар чемпионат пирӯзӣ ба даст оварда, ба ҳама собит созам, ки ман барои ин варзиш офарида шадаам. Вақте дар чемпионат баромад кардам, дар аввал каме ба таҳлука афтода, худро гум кардам. Дар ин ҳолат устодам ба ман ёрӣ дод. Ӯ гуфт ту метавонӣ, ҳаракат кун, худро нишон деҳ ва рақибони худро мағлуб намо. Ҳамин тавр, рақиби аввал ва дуюмро шикаст дода, ба даври ниҳоӣ баромадам. Дар ин давр бошад, ҳарифамро дар сонияҳои охир бо ҳисоби 3 бар 1 шикаст дода, сазовори ҷойи аввал гардидам.
- Шомилшавии шумо ба дас-таи яккачин чӣ гуна ба амал омад?
- Ман бо дастгирии устодам ва талошҳои хеш тавонистам ба чемпионати ҷаҳон роҳ ёбам. Ҳамроҳи чанде аз рафиқонам ба ин чемпионат рафтем. Ман дар сабқатҳо ба гирифтани нишони биринҷӣ даст ёфтам. Пас аз бозгашт Мирсаид Яҳёев, президенти Федератсияи таеквондо ИТФ маро ба дастаи яккачин даъват намуд. Ин орзуи ягонаи ман ҳангоми ба варзиш шомил шуданам буд, ки соли 2019 ҷомаи амал пӯшид.
- Соли 2018 низ дар Ҷумҳурии Узбекистон аз ду навъи таеквондо ИТФ иштирок карда, ба гирифтани як нишони тилло ва як биринҷӣ даст ёфтед. Каме дар бораи ин сабқат суҳбат мекардед.
- Дар ин сабқатҳо низ аз намуди тули ва спаринг баромад кардам. Дар навъи тули ҳарифони ман аз давлати мизбон буданд, ки онҳоро шикаст додам. Бо шикаст додани ду варзишгар аз давлати Узбекистон ман ба гирифтани нишони заррини сабқат аз намуди тули сазовор гардидам.
Дар навъи спаринг бошад, мақоми сеюм насибам гашт. Дар ин сабқат низ ду рақиби худ - яке аз Қазоқистон ва дигаре аз Узбекистонро шикаст додам. Дар даври ниҳоӣ бошад, бо дӯсти худам сабқат карда, аз ӯ шикаст хӯрдам.
- Айни замон дар куҷо таҳсил доред?
- Ман аз соли 2022 донишҷӯи Донишкадаи тарбияи ҷисмонии Тоҷикистон ба номи С. Раҳимов мебошам. Айни ҳол дар курси 2-юм мехонам.
- Дастовардҳои шумо пас аз дохил шудан ба Донишкадаи тарбияи ҷисмонӣ кадомҳояд?
- Пас аз дохилшавӣ ба донишкада дар чемпионатҳои ҷумҳуриявӣ, осиёӣ ва байналмилалӣ иштирок кардам, ки ин бароям бисёр дастовардҳои назаррас ва хуб буд. Дар ин баробар ба гирифтани унвони устоди дараҷаи байналмилалӣ аз ин навъи варзиш аз тарафи Кумитаи кор бо ҷавонон ва варзиш даст ёфтам.
- Айни замон дар корномаи варзишиатон чанд медал доред?
- Миқдори мусобиқоти иштироккардаи ман хеле зиёд аст. Дар чемпионатҳои зиёде иштирок карда, танҳо берун аз Тоҷикистон ба гирифтани зиёда аз 20 медал сазовор шудаам.
- Нақшаҳои ояндаатон чӣ гуна аст?
- Соли 2025 дар Италия Чемпионати ҷаҳон аз намуди таеквондо ИТФ баргузор мегардад. Дастаи яккачини таеквондо ИТФ омодагии худро баҳри иштирок дар чорабинии мазкур дида истодааст. Ман низ ҳамчун яке аз варзишгарони ин даста умедворам, ки дар ин мусобиқа низ маҳорати хуб нишон дода, бо дастовардҳои назаррас ба Тоҷикистон баргардам.
Ҳошим РАҲМАТУЛЛОЕВ, “ҶТ”
- Чун лаззати пирӯзӣ хуш аст, биёед суҳбатро аз рақобати охирин оғоз менамоем. Аз рафти сабқатҳо каме сухан мекардед.
- Сабқати охирини ман ин Чемпионати ҷаҳон буд, ки дар Қазоқистон баргузор гардид. Чемпионат дар сатҳи бисёр ҳам баланд ташкил шуда, мо бо дасти пур аз ҷому нишон ба ватан баргаштем. Гирифтани ду медал бароям дас-товарди бузург ба ҳисоб мерафт. Дар ин чемпионат аз ду навъ, яке навъи “тули” ва дигаре “спаринг” иштирок карда, дар ҳарду ба гирифтани медали биринҷӣ сазовор гардидам.
- Барои ба ин натиҷа сазовор гардидан, бояд таҷрибаи хубе дошта бошед. Чанд сол аст, ки ба ин навъи варзиш машғулед?
- Ман ба ин навъи варзиш аз синни 8-солагӣ машғулам. Наздики 10 сол аст, ки аз намуди Таеквондо ИТФ баромад мекунам.
- То ҷое маълумот дорем, пеш аз варзишгар шудан модар шуморо барои навозанда шудан ба маркази кудакону наврасон бурданд. Ҳатто як сол дар он ҷо таҳсил кардед. Пас аз ин ҳама чӣ гуна меҳри навозандагӣ аз фикри шумо дур шуд?
- Модарам вақте дид, ман ба навозандагӣ меҳр дорам, маро ба маркази кӯдакону наврасон бурд, то дар онҷо ба орзуҳои кӯдакиам бирасам. Ин марказ маркази беҳтарин буд. Устодони хуб дошт. Ҳамаашон бо кудакон хело муомилаи самимӣ доштанд. Барои муваффақ шудани шогирдонашон талош мекарданд. Дар он вақтҳо писарони амакам Мурод ва Абубакр ба толори варзиш барои тамрини таеквондо ИТФ мерафтанд. Бо дархости онҳо ман ба тамошои тамринҳояшон рафтам. Пас аз чанд маротиба рафтан ба толори варзишӣ касби ояндаам аз навозанда ба варзишгар табдил ёфт. Бо ворид шудан ба дунёи варзиш дигар натавонистам дар бораи навозандагӣ фикр кунам. Ман дигар худро пурра дар варзиш дидан мехостам ва фикри навозанда шудан пурра аз зеҳнам берун шуд. Тамоми вуҷудамро ҳисси қаҳрамони ҷаҳон шудан аз ин навъи варзиш гирифта буд.
- Дар ин баробар падару модар ба варзишгар шудани шумо зид буданд. Чӣ гуна онҳоро розӣ кардед, то ба ин навъи варзиши хатарнок машғул шавед?
- Падару модарам ба варзишгар шудани ман боварӣ надоштанд. Ояндаи маро дар навозандагӣ медиданд. Вақте ки ба ин намуди варзиш машғул шуданамро ба онҳо гуфтам, дар аввал зид баромаданд. Аммо амакам Содиқ ба падару модарам суҳбат карда, онҳоро розӣ гардонд, то ба толори варзишӣ равам. Ҳамин тавр, падарам маро ба толоре бурд, ки писарони амакам ба тамрин машғул буданд. Баъди 3 моҳи тамрин тавонистам, камарбанди зардро гирифта, ба падару модарам собит созам, ки ман барои варзишгар шудан омодаам ва ҳозирам баҳри расидан ба ҳадафҳои худ аз ҳар монеае убур намоям. Баъд аз камарбанди зардро гирифтан, ҳамчунин дар Чемпионати Тоҷикистон баромад карда, ҷойи аввалро сазовор шудам. Пас аз ин муваффақият волидонам ба варзишгар шуданам розӣ шуданд.
- Шумо дар боло қайд кардед, ки дидани писарони амакатон дар ин ҷода сабаб шуд, то шумо рӯй ба варзиш оваред. Айни замон онҳо низ ба варзиш машғуланд ё тарки ин соҳа карданд?
- Писарони амакам роҳи варзишро идома надоданд. Айни ҳол онҳо дар муҳоҷирати меҳнатӣ қарор доранд ва дар оила танҳо ман ба ин навъи варзиш машғулам.
- Яке аз орзуҳои асосии шумо ин қаҳрамони олимпӣ шудан буд. Аммо ин навъи варзиш ба бозиҳои олимпӣ шомил нест. Оё шумо аз аввал медонистед, ки таеквандо ИТФ ба Бозиҳои олимпӣ шомил нест? Агар ҳа, пас чаро ба навъи ВТФ нагузаштед, зеро он ба Бозиҳои олимпӣ шомил аст?
- Мутаассифона, ман намедонистам, ки ин намуди таеквондо ба Бозиҳои олимпӣ шомил нест. Дар ин баробар дар аввал ҳадафам танҳо аз намуди варзиши таеквандо варзишгар шудан ва ба дастаи яккачини Федератсия шомил шудан буд. Бароям муҳим набуд, ки ин намуд ба Бозиҳои олимпӣ шомил аст ё не. Ин орзу баъдтар дар дилам пайдо шуд.
- Оё ба он боварӣ доред, ки рӯзе ин навъи варзиш ба Бозиҳои олимпӣ шомил мешавад ва орзуи деринаи шумо амалӣ гашта, медали ин мусобиқаро ба гардан меовезед?
- Бале! Инсон набояд ҳеҷ вақт ноумед шавад. Ман боз ҳам ҳаракат карда истодаам, то дар ин ҷода ба пешравиҳо даст ёбам ва худро дар ҳолати хуби варзишӣ нигоҳ дорам. Умедворам, ки рӯзе навъи таеквондо низ ба Бозиҳои олимпӣ шомил мешавад ва ман барои кишварам нишони заррини Бозиҳои олимпиро хоҳам овард.
- Дар аввали фаъолияти варзишии худ нисбат ба ҳамсолон ҷисман хурдтар ба назар мерасидед. Оё ин дар рафти сабқатҳо ба шумо монеа намешуд?
- Дар дуввумин Чемпионати ҷумҳуриявӣ аз намуди таеквондо, ки дар шаҳри Турсунзода баргузор гашт, ба ду ҳарифам пирӯз гаштам. Аммо дар сабқати сеюм аз ҳарифи худ шикаст хӯрдам. Қади баланди ҳариф дар ин сабқат ба нафъи ӯ корро ҳал карда, шонси пирӯзии маро кам гардонд. Пас аз ин сабқат бисёртар талош кардам ва минбаъд бештар бо нафарони қадбаланд тамрин мекардам, то тавонам дар чунин ҳолатҳо аз худ дифоъ карда, дар ин баробар пирӯзӣ ба даст орам.
- Каме пеш дар мавриди иваз кардани камарбанд ҳарф задед. Оё гуфта метавонед, ки иваз кардани камарбанд чӣ маънӣ дорад ва барои аз як камарбанд ба камарбанди дигар гузаштан, кадом масирҳоро бояд тай кард?
- Дар варзиши таеквондо баъд аз се моҳи тамрин варзишгар бояд имтиҳон супорад. Агар аз санҷиш гузашта тавонад, ба ӯ муяссар мешавад, то камарбанди худро иваз кунад. Иваз кардани камарбанд ба маънои як зина боло рафтан ва касбитар шудан дар ин навъи варзиш маҳсуб меёбад. Камарбанди сафед аввалин камарбандест, ки бо дохил шудани варзишгар ба толори варзишии таеквондо супорида мешавад. Ман низ аз аввал бо камарбанди сафед баромад мекардам. Пас аз се моҳи тамрин тавонистам аз имтиҳон ба хубӣ гузашта, ба гирифтани камарбанди зард даст ёбам. Кӯшиш мекардам, ки зуд - зуд камарбандамро иваз кунам. Зеро бо ин кор шавқам нисбати варзиши интихобнамудаам боз ҳам зиёдтар мешуд. Ҳамин тавр, камарбанди сабзро ба даст овардам. Дар бисёр чемпионатҳо бо ин камарбанд рақобат кардам. Бо тавсияи устодам Султонов Аслиддин барои ба даст овардани камарбанди кабуд низ имтиҳон супорида, муваффақ шудам. Пас аз чанде дар кишвар чемпионат аз ин навъи варзиш баргузор гашт ва устодам гуфт, ки агар ман дар чемпионати мазкур ҷои аввалро бо камарбанди кабуд ба даст оварам, ӯ ба ман камарбанди сурхро туҳфа хоҳад кард. Ин боис шуд, то дар сабқати мазкур бештар ва ҷиддитар талош намоям. Аз ду навъи таеквондо ИТФ ҳам аз навъи тули ва ҳам спаринг тавонистам, мақоми аввалро касб намоям ва дар баробари нишонҳои заррини сабқат боз ба гирифтани камарбанди сурх даст ёфтам. Дар таеквондо аз ҳама камарбанди беҳтарин ин камарбанди сиёҳ аст. Ман ба ин камарбанд пас аз ду соли тамрин ва иштирок дар чемпионатҳо даст ёфтам. Айни замон бо камарбанди сиёҳи дараҷаи 1 баромад карда истодаам ва кӯшишам барои он аст, ки камарбанди сиёҳи дараҷаи 2-ро ба даст орам.
- Пас аз як моҳи ба даст овардани камарбанди зард дар кишвар мусобиқаи таеквондо баргузор гардид, ки шумо дар вазни 24 кг миёни наврасони синну соли 8-9 сола ба майдон баромадед. Ин чӣ гуна мусобиқа буд ва бо кадом дастовард ба анҷом расид?
- Вақте ки камарбанди зардро гирифтам, ҳеҷ кас боварӣ надошт, ки дар чемпионат ҷойи аввалро мегирам. Барои ҷойи аввалро гирифтан, ҳар рӯз машқ мекардам. Дар рафти тамрин хело хаста ва беҳол мешудам. Аммо боз ҳам кӯшишҳои худро дучанд мекардам, то дар чемпионат пирӯзӣ ба даст оварда, ба ҳама собит созам, ки ман барои ин варзиш офарида шадаам. Вақте дар чемпионат баромад кардам, дар аввал каме ба таҳлука афтода, худро гум кардам. Дар ин ҳолат устодам ба ман ёрӣ дод. Ӯ гуфт ту метавонӣ, ҳаракат кун, худро нишон деҳ ва рақибони худро мағлуб намо. Ҳамин тавр, рақиби аввал ва дуюмро шикаст дода, ба даври ниҳоӣ баромадам. Дар ин давр бошад, ҳарифамро дар сонияҳои охир бо ҳисоби 3 бар 1 шикаст дода, сазовори ҷойи аввал гардидам.
- Шомилшавии шумо ба дас-таи яккачин чӣ гуна ба амал омад?
- Ман бо дастгирии устодам ва талошҳои хеш тавонистам ба чемпионати ҷаҳон роҳ ёбам. Ҳамроҳи чанде аз рафиқонам ба ин чемпионат рафтем. Ман дар сабқатҳо ба гирифтани нишони биринҷӣ даст ёфтам. Пас аз бозгашт Мирсаид Яҳёев, президенти Федератсияи таеквондо ИТФ маро ба дастаи яккачин даъват намуд. Ин орзуи ягонаи ман ҳангоми ба варзиш шомил шуданам буд, ки соли 2019 ҷомаи амал пӯшид.
- Соли 2018 низ дар Ҷумҳурии Узбекистон аз ду навъи таеквондо ИТФ иштирок карда, ба гирифтани як нишони тилло ва як биринҷӣ даст ёфтед. Каме дар бораи ин сабқат суҳбат мекардед.
- Дар ин сабқатҳо низ аз намуди тули ва спаринг баромад кардам. Дар навъи тули ҳарифони ман аз давлати мизбон буданд, ки онҳоро шикаст додам. Бо шикаст додани ду варзишгар аз давлати Узбекистон ман ба гирифтани нишони заррини сабқат аз намуди тули сазовор гардидам.
Дар навъи спаринг бошад, мақоми сеюм насибам гашт. Дар ин сабқат низ ду рақиби худ - яке аз Қазоқистон ва дигаре аз Узбекистонро шикаст додам. Дар даври ниҳоӣ бошад, бо дӯсти худам сабқат карда, аз ӯ шикаст хӯрдам.
- Айни замон дар куҷо таҳсил доред?
- Ман аз соли 2022 донишҷӯи Донишкадаи тарбияи ҷисмонии Тоҷикистон ба номи С. Раҳимов мебошам. Айни ҳол дар курси 2-юм мехонам.
- Дастовардҳои шумо пас аз дохил шудан ба Донишкадаи тарбияи ҷисмонӣ кадомҳояд?
- Пас аз дохилшавӣ ба донишкада дар чемпионатҳои ҷумҳуриявӣ, осиёӣ ва байналмилалӣ иштирок кардам, ки ин бароям бисёр дастовардҳои назаррас ва хуб буд. Дар ин баробар ба гирифтани унвони устоди дараҷаи байналмилалӣ аз ин навъи варзиш аз тарафи Кумитаи кор бо ҷавонон ва варзиш даст ёфтам.
- Айни замон дар корномаи варзишиатон чанд медал доред?
- Миқдори мусобиқоти иштироккардаи ман хеле зиёд аст. Дар чемпионатҳои зиёде иштирок карда, танҳо берун аз Тоҷикистон ба гирифтани зиёда аз 20 медал сазовор шудаам.
- Нақшаҳои ояндаатон чӣ гуна аст?
- Соли 2025 дар Италия Чемпионати ҷаҳон аз намуди таеквондо ИТФ баргузор мегардад. Дастаи яккачини таеквондо ИТФ омодагии худро баҳри иштирок дар чорабинии мазкур дида истодааст. Ман низ ҳамчун яке аз варзишгарони ин даста умедворам, ки дар ин мусобиқа низ маҳорати хуб нишон дода, бо дастовардҳои назаррас ба Тоҷикистон баргардам.
Ҳошим РАҲМАТУЛЛОЕВ, “ҶТ”
Хабарҳои дигар
Рӯзнома
Эзоҳи худро нависед