ВАРЗИШ
Панҷшанбе 25 Апрел 2024 08:06
То Бозиҳои олимпии Токио - 2020 рӯзҳои башумор мондаву 11 варзишгари тоҷик, 6 нафар мустақамин ва 5 нафар тариқи саҳмияи универсалии Кумитаи байналмилалии олимпӣ имкони иштирок дар ин бозиҳоро пайдо намудаанд.
11 варзишгаре, ки ба Бозиҳои XXXII олимпӣ роҳхат гирифтаанд, инҳоянд: Баҳодур Усмонов, Шаббос Негматуллоев, Сиёвуш Зуҳуров (аз намуди бокс), Гулсумбӣ Шарифова, Илдар Аҳмадиев (аз варзиши сабук), Сомон Маҳмадбеков, Акмал Муродов, Комроншоҳ Устопириён, Темур Раҳимов (аз намуди гӯштини ҷудо), Анастасия Тюрина ва Олимҷон Ишанов (аз намуди шиноварӣ).
Хонандагони рӯзномаи мо ва дӯстдорони варзиш пайваста бо мо дар тамос шуда, аз он ки онҳо умеди бештар бояд ба кӣ дошта бошанд, мепурсанд. Мо ҳам дар чунин як олимпиадаи олии сатҳи ҷаҳонӣ бетараф буда наметавонем ва ин навбат аз коршиносони соҳа доир ба он ки аз кадом варзишгари роҳхатгирифтаи тоҷик метавон умедвори медал шуд, пурсон шудем.
Ба андешаи Умаралӣ Сафаралӣ, сухангӯи Кумитаи миллии олимпии Тоҷикистон мо метавонем аз боксчиҳо ва ҷудокорон медалҳои олимпиро интизор шавем.
Сухангӯи КМО гуфт, ки дар варзиши сабук ва шиноварӣ медал ба даст овардан, бисёр мушкил аст. Чун мо варзишгароне надорем, ки дар сатҳи варзишгарони Амрикову Африқо ҳунарнамоӣ кунанд. Ӯ иброз дошт: “Аз 4 намояндаи ин ду намуди варзиш танҳо Гулсунбӣ Шарифова бо натиҷаҳои худ роҳхати Бозиҳои олимпиро гирифтааст. Се нафари дигар бо саҳмияи универсалӣ ба бозиҳо роҳ ёфтаанд. Яъне инҳо натавонистанд, дар марҳилаи интихобӣ меъёри муқаррарнамудаи федератсияи байналмилалиро риоя кунанд. Дар ин ду намуди варзиш ду категорияи варзишгарон мавҷуд аст, гурӯҳи “А” ва гурӯҳи “Б”, ки мутаассифона намояндаҳои мо ба ин ду гурӯҳ шомил нестанд. Бинобар ин, аз ин намудҳо медал ба даст овардан, душвор аст”.
Яҳё Маҳмаднабиев, рӯзнома-нигор ва корманди телевизиони “Варзиш” бар ин назар аст, ки Бозиҳои XXXII тобистонаи олимпӣ нисбат ба солҳои қаблӣ комилан фарқкунанда сурат мегирад. Яъне ба ҷуз масоили вобаста ба пандемия қувваозмоиҳо миёни варзишгарон боло меравад. Чун онҳо мисли қабл на 4 сол, балки 5 сол интизорӣ кашидаанду муштоқи муборизаанд. Ӯ иштироки 11 варзишгарро дар Бозиҳои олимпии Токио-2020, ки дар қиёс ба олимпиадаи Рио-2016 4 тан зиёд аст, фоли нек хонд.
“Албатта, дар олимпиада варзишгари тасодуфӣ роҳ намеёбад ва варзишгарони мо ҳам аз олами тасодуф нестанд, - гуфт Яҳё Маҳмаднабиев. – Агар ба Бозиҳои олимпии тобистонаи солҳои қаблӣ назар андозем, шурӯъ аз Бозиҳои олимпии Пекин-2008 то Рио-2016 варзишгарони мо дасти холӣ барнагаштаанд. Дар олимпиадаи навбатӣ боварии инҷониб ба ҷудокори номвари кишвар Темур Раҳимов бештар мебошад. Агар ба иштироки Темур дар мусобиқаҳои осиёӣ назар андозем, мебинем, ки дар ҳар мусобиқа сазовори нишон ва ё соҳиби ҷойи ифтихорӣ гардидааст. Дар ҳоли ҳозир ҷудокорони осиёӣ дар ҷаҳон назир надоранд ва баробари чунин бомаҳорат буданашон Темур борҳо садди роҳашон гардидааст. Умед ҳаст, ки ӯ бе дастовард ба кишвар бар нахоҳад гашт”.
Абдулло Маҳмадализода, сардори Раёсати тарбияи ҷисмонӣ ва варзиши Кумитаи кор бо ҷавонон ва варзиш низ андешаҳои болоро дастгирӣ карда, гуфт, “Аз ҷиҳати таҷриба, омодагӣ ва натиҷаҳо аз боксчиён ба Баҳодур Усмонов ва Шаббос Негматуллоев ва аз ҷудокорон бошад, ба Темур Раҳимов метавон умеди бештар баст. Чун дар риштаи бокс қувваозмоӣ намудан ва мустақиман роҳ ёфтан ба Бозиҳои олимпӣ кори осон нест. Муштзанҳои мо, ки аз шурӯъ натиҷаҳои хуб нишон доданд, дар сафи аввал ба гирифтани роҳхат мушарраф гардиданд. Темур Раҳимов низ дар ра-дабандии ҷаҳонӣ дар вазни худ мавқеи намоён дораду нисбат ба ҳамвазнҳои худ тавонотар аст”.
Аз ин таҳлилҳо бармеояд, ки варзишгарони риштаи ҷудо ва бокс имкони ба даст овардани медалҳои олимпиро доранд. Эшон дар такя ба натиҷаҳои то имрӯз нишондодаи ин варзишгарон медал интизоранд.
Бояд иқрор шуд, ин варзишгароне, ки номашон вирди забони коршиносони соҳа аст, аз муваффақтарин варзишгарони қитъаи Осиёанд. Ва умед бастани коршиносон ба онҳо то ҷое мантиқист.
Тавре медонем, Темур Раҳимов ва Сомон Маҳмадбеков дар мусобиқаҳои пеш аз Бозиҳои олимпӣ солҳои 2019 - 2021 мақомҳои ифтихориро сазовор шудаанд. Комроншоҳ Устопириён низ 2 маротиба қаҳрамонии Осиёро ба даст овардааст ва инчунин ӯ иштирокчии Бозиҳои олимпӣ дар соли 2016 ба шумор рафта, таҷрибаи кофӣ дорад. Нишондодҳои Шаббос Негматуллоев низ хуб арзёбӣ мешавад. Ӯ соли 2019 чемпиони ҷаҳон байни донишҷӯён оид ба бокс гардида, соли равон медали биринҷии Чемпионати Осиёро соҳиб гардидааст. Баҳодур Усмонов ҳам бо усулҳои нотакрори варзишиаш борҳо шарафи Тоҷикистонро дар мусобиқаҳои байналмилалӣ ҳимоя кардааст. Аз ин рӯ, метавон гуфт, ки натиҷаҳои хуб ба даст меорад.
Аммо дар ин миён андешаҳое низ ҳастанд, ки моро умеди бештар медиҳанд. Мавзуна Чориева, дорандаи медали биринҷии Бозиҳои олимпии Лондон - 2012 мегӯяд, ки интизории медал аз касе пешгӯишаванда нест. Мо аз ҳамаи иштирокчиён умедвор ҳастем. “Ин вобаста аст ба ҳолати рӯҳиву равонӣ ва омодагии варзишгар. Вақте рӯи майдони набард мебароӣ, махсусан дар майдони мусобиқаҳои сатҳи баланд аксар нафарро ҳаяҷону изтироб фаро мегирад. Варзишгарони мо бояд аз ҳама ҷиҳат омода бошанд, худро озод ҳис кунанд, танҳо ҳушу хаёл ва неруяшон дар як ҷо бошад, ин ҳам пирӯзӣ. Паҳлавонони моро зарур аст, дар фикри муҳориба ва ғолибият ба пеш ҳаракат намоянд. Ҳар як нафар саргузаште дорад ва кӯшиш мекунад, дар ҷомеа ҳамчун ҷавони номвару номдор муаррифӣ шавад. Албатта ин чорабинии муҳим дар ҷаҳони варзиш барои иштирокчиёни мо як имконияти хубест дар роҳи расидан ба қуллаи мурод. Яъне як лаҳза ва ё чанд дақиқаи тақдирсоз метавонад, номи онҳоро на як ё ду сол, балки 100 солаҳо машҳур нигоҳ дорад”, - афзуд М. Чориева.
Мо низ барои муваффақияти ҳар як иштирокчии Бозиҳои олимпӣ, ки дар умум шарафи варзишии кишвари азизи моро ҳимоя мекунанд, барору комёбӣ мехоҳем ва умедворем, ки дар ростои ба анҷом расидани Бозиҳои олимпии Токио – 2020 Тоҷикистон дорандаи боз 11 медали олимпӣ мегардад.
Исфандиёр Амакҷонов, "ҶТ"
11 варзишгаре, ки ба Бозиҳои XXXII олимпӣ роҳхат гирифтаанд, инҳоянд: Баҳодур Усмонов, Шаббос Негматуллоев, Сиёвуш Зуҳуров (аз намуди бокс), Гулсумбӣ Шарифова, Илдар Аҳмадиев (аз варзиши сабук), Сомон Маҳмадбеков, Акмал Муродов, Комроншоҳ Устопириён, Темур Раҳимов (аз намуди гӯштини ҷудо), Анастасия Тюрина ва Олимҷон Ишанов (аз намуди шиноварӣ).
Хонандагони рӯзномаи мо ва дӯстдорони варзиш пайваста бо мо дар тамос шуда, аз он ки онҳо умеди бештар бояд ба кӣ дошта бошанд, мепурсанд. Мо ҳам дар чунин як олимпиадаи олии сатҳи ҷаҳонӣ бетараф буда наметавонем ва ин навбат аз коршиносони соҳа доир ба он ки аз кадом варзишгари роҳхатгирифтаи тоҷик метавон умедвори медал шуд, пурсон шудем.
Ба андешаи Умаралӣ Сафаралӣ, сухангӯи Кумитаи миллии олимпии Тоҷикистон мо метавонем аз боксчиҳо ва ҷудокорон медалҳои олимпиро интизор шавем.
Сухангӯи КМО гуфт, ки дар варзиши сабук ва шиноварӣ медал ба даст овардан, бисёр мушкил аст. Чун мо варзишгароне надорем, ки дар сатҳи варзишгарони Амрикову Африқо ҳунарнамоӣ кунанд. Ӯ иброз дошт: “Аз 4 намояндаи ин ду намуди варзиш танҳо Гулсунбӣ Шарифова бо натиҷаҳои худ роҳхати Бозиҳои олимпиро гирифтааст. Се нафари дигар бо саҳмияи универсалӣ ба бозиҳо роҳ ёфтаанд. Яъне инҳо натавонистанд, дар марҳилаи интихобӣ меъёри муқаррарнамудаи федератсияи байналмилалиро риоя кунанд. Дар ин ду намуди варзиш ду категорияи варзишгарон мавҷуд аст, гурӯҳи “А” ва гурӯҳи “Б”, ки мутаассифона намояндаҳои мо ба ин ду гурӯҳ шомил нестанд. Бинобар ин, аз ин намудҳо медал ба даст овардан, душвор аст”.
Яҳё Маҳмаднабиев, рӯзнома-нигор ва корманди телевизиони “Варзиш” бар ин назар аст, ки Бозиҳои XXXII тобистонаи олимпӣ нисбат ба солҳои қаблӣ комилан фарқкунанда сурат мегирад. Яъне ба ҷуз масоили вобаста ба пандемия қувваозмоиҳо миёни варзишгарон боло меравад. Чун онҳо мисли қабл на 4 сол, балки 5 сол интизорӣ кашидаанду муштоқи муборизаанд. Ӯ иштироки 11 варзишгарро дар Бозиҳои олимпии Токио-2020, ки дар қиёс ба олимпиадаи Рио-2016 4 тан зиёд аст, фоли нек хонд.
“Албатта, дар олимпиада варзишгари тасодуфӣ роҳ намеёбад ва варзишгарони мо ҳам аз олами тасодуф нестанд, - гуфт Яҳё Маҳмаднабиев. – Агар ба Бозиҳои олимпии тобистонаи солҳои қаблӣ назар андозем, шурӯъ аз Бозиҳои олимпии Пекин-2008 то Рио-2016 варзишгарони мо дасти холӣ барнагаштаанд. Дар олимпиадаи навбатӣ боварии инҷониб ба ҷудокори номвари кишвар Темур Раҳимов бештар мебошад. Агар ба иштироки Темур дар мусобиқаҳои осиёӣ назар андозем, мебинем, ки дар ҳар мусобиқа сазовори нишон ва ё соҳиби ҷойи ифтихорӣ гардидааст. Дар ҳоли ҳозир ҷудокорони осиёӣ дар ҷаҳон назир надоранд ва баробари чунин бомаҳорат буданашон Темур борҳо садди роҳашон гардидааст. Умед ҳаст, ки ӯ бе дастовард ба кишвар бар нахоҳад гашт”.
Абдулло Маҳмадализода, сардори Раёсати тарбияи ҷисмонӣ ва варзиши Кумитаи кор бо ҷавонон ва варзиш низ андешаҳои болоро дастгирӣ карда, гуфт, “Аз ҷиҳати таҷриба, омодагӣ ва натиҷаҳо аз боксчиён ба Баҳодур Усмонов ва Шаббос Негматуллоев ва аз ҷудокорон бошад, ба Темур Раҳимов метавон умеди бештар баст. Чун дар риштаи бокс қувваозмоӣ намудан ва мустақиман роҳ ёфтан ба Бозиҳои олимпӣ кори осон нест. Муштзанҳои мо, ки аз шурӯъ натиҷаҳои хуб нишон доданд, дар сафи аввал ба гирифтани роҳхат мушарраф гардиданд. Темур Раҳимов низ дар ра-дабандии ҷаҳонӣ дар вазни худ мавқеи намоён дораду нисбат ба ҳамвазнҳои худ тавонотар аст”.
Аз ин таҳлилҳо бармеояд, ки варзишгарони риштаи ҷудо ва бокс имкони ба даст овардани медалҳои олимпиро доранд. Эшон дар такя ба натиҷаҳои то имрӯз нишондодаи ин варзишгарон медал интизоранд.
Бояд иқрор шуд, ин варзишгароне, ки номашон вирди забони коршиносони соҳа аст, аз муваффақтарин варзишгарони қитъаи Осиёанд. Ва умед бастани коршиносон ба онҳо то ҷое мантиқист.
Тавре медонем, Темур Раҳимов ва Сомон Маҳмадбеков дар мусобиқаҳои пеш аз Бозиҳои олимпӣ солҳои 2019 - 2021 мақомҳои ифтихориро сазовор шудаанд. Комроншоҳ Устопириён низ 2 маротиба қаҳрамонии Осиёро ба даст овардааст ва инчунин ӯ иштирокчии Бозиҳои олимпӣ дар соли 2016 ба шумор рафта, таҷрибаи кофӣ дорад. Нишондодҳои Шаббос Негматуллоев низ хуб арзёбӣ мешавад. Ӯ соли 2019 чемпиони ҷаҳон байни донишҷӯён оид ба бокс гардида, соли равон медали биринҷии Чемпионати Осиёро соҳиб гардидааст. Баҳодур Усмонов ҳам бо усулҳои нотакрори варзишиаш борҳо шарафи Тоҷикистонро дар мусобиқаҳои байналмилалӣ ҳимоя кардааст. Аз ин рӯ, метавон гуфт, ки натиҷаҳои хуб ба даст меорад.
Аммо дар ин миён андешаҳое низ ҳастанд, ки моро умеди бештар медиҳанд. Мавзуна Чориева, дорандаи медали биринҷии Бозиҳои олимпии Лондон - 2012 мегӯяд, ки интизории медал аз касе пешгӯишаванда нест. Мо аз ҳамаи иштирокчиён умедвор ҳастем. “Ин вобаста аст ба ҳолати рӯҳиву равонӣ ва омодагии варзишгар. Вақте рӯи майдони набард мебароӣ, махсусан дар майдони мусобиқаҳои сатҳи баланд аксар нафарро ҳаяҷону изтироб фаро мегирад. Варзишгарони мо бояд аз ҳама ҷиҳат омода бошанд, худро озод ҳис кунанд, танҳо ҳушу хаёл ва неруяшон дар як ҷо бошад, ин ҳам пирӯзӣ. Паҳлавонони моро зарур аст, дар фикри муҳориба ва ғолибият ба пеш ҳаракат намоянд. Ҳар як нафар саргузаште дорад ва кӯшиш мекунад, дар ҷомеа ҳамчун ҷавони номвару номдор муаррифӣ шавад. Албатта ин чорабинии муҳим дар ҷаҳони варзиш барои иштирокчиёни мо як имконияти хубест дар роҳи расидан ба қуллаи мурод. Яъне як лаҳза ва ё чанд дақиқаи тақдирсоз метавонад, номи онҳоро на як ё ду сол, балки 100 солаҳо машҳур нигоҳ дорад”, - афзуд М. Чориева.
Мо низ барои муваффақияти ҳар як иштирокчии Бозиҳои олимпӣ, ки дар умум шарафи варзишии кишвари азизи моро ҳимоя мекунанд, барору комёбӣ мехоҳем ва умедворем, ки дар ростои ба анҷом расидани Бозиҳои олимпии Токио – 2020 Тоҷикистон дорандаи боз 11 медали олимпӣ мегардад.
Исфандиёр Амакҷонов, "ҶТ"
Хабарҳои дигар
Рӯзнома
Эзоҳи худро нависед