Дар толори варзишии ноҳияи Б.Ғафуров бо ташаббуси Бахши кор бо ҷавонон ва варзиш ва дастгирии мақомоти иҷроияи ҳокимияти давлатии ноҳия мусобиқаи кушоди ноҳиявӣ оид ба бокс байни наврасон ва ҷавонон бахшида ба гиромидошти устод Аглухов Тоир баргузор гардид.

Дар мусобиқаи мазкур беш аз 170 нафар варзишгарони шаҳри Душанбе, вилояти Хатлон ва шаҳру ноҳияи Конибодом, Исфара, Истаравшан, Хуҷанд, Ҷаббор Расулов, Ашт, Мастчоҳ, Бӯстон, Шаҳристон, Спитамен ва Бобоҷон Гафуров иштирок ва қувваозмоӣ намуданд.

Мусобиқаи мазкур 9-12 апрел доир гардида, ғолибону ҷоизадорон бо медалу диплом ва туҳфаҳои хотиравӣ қадрдонӣ гардиданд.