Бахшида ба Рӯзи варзишгарон, 9 август, дар Қасри фарҳанги ноҳияи Бобоҷон Ғафуров аз тарафи Бахши кор бо ҷавонон ва варзиш ва бо дастгирии мақомоти иҷроияи ҳокимияти давлатии ноҳия чорабинии фарҳангӣ баргузор гардид.

Дар чорабинӣ нахуст иштирокчиён аз намоиши дастовардҳои варзишгарони ноҳия дидан намуда, ба ҳунару маҳорати онҳо аҳсант хондад.

Зимни ифтитоҳи чорабинии фарҳангӣ дар ибтидо табрикоти Раиси ноҳия мӯҳтарам Зариф Назирӣ ба муносибати Рӯзи варзишгарон қироат гардида, сипас доир ба саҳми арзандаи варзишгарони ноҳия дар муаррифии обрӯву нуфузи кишвар дар арсаи ҷаҳонӣ суханрониҳо сурат гирифт.

Баъдан аз ҷониби масъулин барои саҳми арзанда дар рушди тарбияи ҷисмонӣ ва варзиш, тарғиби тарзи ҳаёти солим ва нишондиҳандаи баланди варзишӣ ба 22 нафар варзишгарон, мураббиён ва собиқадорони варзиш туҳфаҳои хотиравӣ ва сипоснома супорида шуд.