ВАРЗИШ
Ҷумъа 29 Март 2024 02:59
Дар толори Қасри фарҳанги ноҳияи Бобоҷон Ғафуров бо ташаббуси Бахши кор бо ҷавонон ва варзиши ноҳия бо ҷалби собиқадорони соҳаи варзиш, кормандони мактабҳои варзишӣ ва варзишгарони ноҳия Рӯзи варзишгарони Тоҷикистон таҷлил карда шуд.
Зимни баромадҳо қайд гардид, ки Истиқлолияти давлатӣ ҳамчун дастоварди олии мардуми сарбаланди тоҷик ҷиҳати рушди соҳаи варзиш чун дигар соҳаҳои мухталифи хоҷагии халқ заминаи мусоид фароҳам овард. Давлат ва Ҳукумати кишвар шуруъ аз солҳои аввали истиқлолият барои пешрафти соҳаи варзиш ва фароҳам овардани шароити арзанда барои варзишгарон ташаббусҳои наҷибро роҳандозӣ намуд. Рӯзи варзишгарон, ки ҳамасола дар қаламрави мамлакат санаи 10 - уми август мутантан қайд мешавад, далел аз таваҷҷуҳ ба соҳаи варзиш ва дастгирии варзишгарон аст.
Дар фарҷоми чорабинӣ собиқадорону беҳтаринҳои соҳаи варзиш қадрдонӣ шуданд.
Эзоҳи худро нависед