ВАРЗИШ
Якшанбе 08 Сентябр 2024 05:09
![1089](/upload/iblock/9d2/%D1%85%D0%B0%D0%B1%D0%B0%D1%80%D0%BD%D0%B8%D0%B3%D0%BE%D1%80%D0%BE%D0%BD%D0%B8.%D0%B2%D0%B0%D1%80%D0%B7%D0%B8%D1%88.jpg)
Бо ибтикори Ассотсиатсияи байналмилалии матбуоти варзишӣ (АИПС) ҳар сол 2 июл ҳамчун Рӯзи байналмилалии хабарнигори варзишӣ таҷлил мегардад.
Ассотсиатсияи байналмилалии матбуоти варзишӣ (International Sports Press Association, AIPS) ҳамчун ташкилоти байналмилалии касбии журналистон 2 июли соли 1924 дар Париж таъсис ёфтааст. Маҳз ин рӯз ҳамчун иди касбии хабарнигори варзишӣ аз соли 1995 таҷлил мешавад. Айни ҳол иттиҳодияҳои миллии хабарнигорони варзишии 159 кишвари ҷаҳон, аз ҷумла Тоҷикистон, узви АИПС мебошанд.
АИПС байни расонаҳои хабарии байналмилалӣ, варзишгарон ва сарпарастон миёнаравӣ мекунад, барои хабарнигорони навқалам маҷлису давраҳои бозомӯзӣ ташкил менамояд. Дафтари кории АИПС дар шаҳри Лозаннаи Швейтсария ҷойгир аст. Гианни Мерлои итолиёӣ президенти АИПС мебошад.
Раиси Ассотсиатсияи журналистони риштаи варзиши Тоҷикистон (АЖРВТ) Нарзулло Латифов мегӯяд, “Созмони мо 25-уми январи соли 2001 дар шаҳри Душанбе дар конфронси муассисон таъсис ёфтааст. АЖРВТ дар Конгресси 74-уми АИПС, ки моҳи марти соли 2011 дар шаҳри Сеули Кореяи Ҷанубӣ барпо гардид, ба узвияти Ассотсиатсияи байналмилалии матбуоти варзишӣ (АИПС) пазируфта шуд. Аҳдофи аслии АЖРВТ рушди журналистикаи варзишӣ, тарғиби тарбияи ҷисмонӣ, варзиш ва тарзи ҳаёти солим мебошад. Инчунин, АЖРВТ ба баландшавии дараҷаи касбии хабарнигорони варзишии ҷумҳурӣ мусоидат мекунад”.
Ба гуфтаи Нарзулло Латифов, АЖРВТ дар ҳамкорӣ бо Кумитаи миллии олимпии Тоҷикистон ҳар сол бахшида ба Рӯзи байналмилалии хабарнигори варзишӣ дар Душанбе ҳамоиши намояндагони васоити ахбори оммаро доир мекунад. Беҳтарин хабарнигорони соҳа бо ҷоизаҳо сарфароз мегарданд. Инчунин, хабарнигорон дар чорабиниҳои варзишӣ фаъолона ширкат варзида, на танҳо бо сухан, балки дар амал пайвастагии худро ба тарғиби тарбияи ҷисмонӣ, варзиш ва тарзи ҳаёти солим собит мекунанд.
Котиби генералии Кумитаи миллии олимпии мамлакат Баҳрулло Раҷабалиев дар паёми табрикиаш ба муносибати Рӯзи байналмилалии хабарнигори варзишӣ, аз ҷумла гуфтааст, “Ташаккур барои заҳмати шумо, барои муҳаббати шумо ба варзиш. Ба шарофати мақолаҳо, аксҳо ва гузоришҳои шумо моро ҳисси ифтихор аз варзишгаронамон, аз кишварамон фаро мегирад. Шумо барои ташвиқу тарғиби тарзи ҳаёти солим саҳми арзанда мегузоред. Бе кӯшишҳои шумо варзиш рангину шавқангез намешуд. Бо сухани худ шумо миллионҳо нафарро ба тарзи ҳаёти солим ҳидоят мекунед. Касби хабарнигори варзишӣ осон нест. Ҳодиса бояд чунин пешниҳод ва инъикос шавад, ки тамошобинону шунавандагон ва хонандагонро ба ваҷд биёрад”.
Ассотсиатсияи байналмилалии матбуоти варзишӣ (International Sports Press Association, AIPS) ҳамчун ташкилоти байналмилалии касбии журналистон 2 июли соли 1924 дар Париж таъсис ёфтааст. Маҳз ин рӯз ҳамчун иди касбии хабарнигори варзишӣ аз соли 1995 таҷлил мешавад. Айни ҳол иттиҳодияҳои миллии хабарнигорони варзишии 159 кишвари ҷаҳон, аз ҷумла Тоҷикистон, узви АИПС мебошанд.
АИПС байни расонаҳои хабарии байналмилалӣ, варзишгарон ва сарпарастон миёнаравӣ мекунад, барои хабарнигорони навқалам маҷлису давраҳои бозомӯзӣ ташкил менамояд. Дафтари кории АИПС дар шаҳри Лозаннаи Швейтсария ҷойгир аст. Гианни Мерлои итолиёӣ президенти АИПС мебошад.
Раиси Ассотсиатсияи журналистони риштаи варзиши Тоҷикистон (АЖРВТ) Нарзулло Латифов мегӯяд, “Созмони мо 25-уми январи соли 2001 дар шаҳри Душанбе дар конфронси муассисон таъсис ёфтааст. АЖРВТ дар Конгресси 74-уми АИПС, ки моҳи марти соли 2011 дар шаҳри Сеули Кореяи Ҷанубӣ барпо гардид, ба узвияти Ассотсиатсияи байналмилалии матбуоти варзишӣ (АИПС) пазируфта шуд. Аҳдофи аслии АЖРВТ рушди журналистикаи варзишӣ, тарғиби тарбияи ҷисмонӣ, варзиш ва тарзи ҳаёти солим мебошад. Инчунин, АЖРВТ ба баландшавии дараҷаи касбии хабарнигорони варзишии ҷумҳурӣ мусоидат мекунад”.
Ба гуфтаи Нарзулло Латифов, АЖРВТ дар ҳамкорӣ бо Кумитаи миллии олимпии Тоҷикистон ҳар сол бахшида ба Рӯзи байналмилалии хабарнигори варзишӣ дар Душанбе ҳамоиши намояндагони васоити ахбори оммаро доир мекунад. Беҳтарин хабарнигорони соҳа бо ҷоизаҳо сарфароз мегарданд. Инчунин, хабарнигорон дар чорабиниҳои варзишӣ фаъолона ширкат варзида, на танҳо бо сухан, балки дар амал пайвастагии худро ба тарғиби тарбияи ҷисмонӣ, варзиш ва тарзи ҳаёти солим собит мекунанд.
![](/upload/баҳрулло.раҷабалиев.jpg)
Эзоҳи худро нависед