Бо ташаббуси Бахши кор бо ҷавонон ва варзиши шаҳри Бӯстон бахшида ба “Соли ҷавонон” чорабинии варзишии марафони велосипедронӣ баргузор гардид.

Дар расми ифтитоҳи мусобиқа муовини раиси шаҳри Бӯстон Ғафур Зоирӣ ширкат намуда, оид ба дастгирии давлатии варзиш ва тарбияи ҷисмонӣ ибрози назар намуда, баргузории силсиламусобиқаҳои варзиширо дар “Соли ҷавонон” фоли нек арзёбӣ намуд.

Тибқи иттилоъ, дар марафони велосипедронӣ зиёда аз 100 нафар наврасону ҷавонон ва бонувон ширкат варзида, ғолибон бо сипоснома ва туҳфаҳои хотиравӣ қадрдонӣ шуданд.

Хуршед МАВЛОН, “ҶТ”