Дар Бозиҳои олимпии соли 2020, ки дар Токио – пойтахти Ҷопон баргузор мегардад, панҷ намуди варзиш - бейсбол, серфинги, кӯҳнавардӣ, каратэ ва скейтбординг ворид карда шуданд.

Ин тасмим дар ҷаласаи Кумитаи байналмилалии олимпӣ 3 август дар шаҳри Рио-де-Жанейрои Бразил – макони Бозиҳои олимпии соли 2016 гирифта шуд.

- Ин бозиҳои варзишӣ  дар Токио метавонанд яке аз беназиртарин дар таърихи Бозиҳои олимпӣ гарданд, - гуфт раиси Кумитаи тадорукоти Бозиҳои олимпии соли 2020 дар Токио Ёширо Морӣ.

Дар робита ба ворид намудани намудҳои нави варзиш дар барномаи олимпӣ, маҷмӯи медалҳо 18 адад зиёд гардида, барои он 474 варзишгар мубориза мебаранд.