Дар Ҷамоати деҳоти Ворухи шаҳри Исфара 28-уми сентябр ду майдончаи варзишии замонавӣ бо иштироки раиси вилояти Суғд Раҷаббой Аҳмадзода ба истифода дода шуд.

Майдончаҳои мазкур бо ташаббуси соҳибкорони маҳаллӣ сохта шуда, дар маросими кушодашавии онҳо намояндагони касбу кори гуногун, ҷавонону наврасон ва сокинони ҷамоати деҳоти Ворух иштирок намуда, аз иқдоми мазкур изҳори миннатдорӣ намуданд.

Зимни баромадҳо таъкид гардид, ки то имрӯз дар ҷамоати деҳоти Ворух 10 майдончаи варзишии замонавӣ бо саҳми соҳибкорони маҳаллӣ сохта ба истифода дода шуд, ки ин шоистаи таҳсин мебошад.