ВАРЗИШ
Сешанбе 30 Апрел 2024 03:13
Баҳодур Усмонов. Исми ошно барои тамоми пиру барно. Хусусан пас аз ғолибияте, ки чанд рӯз пеш ба даст овард, ин исм дигарбора миёни мардум маҳбубтар шуд. Ӯ тавонист бо талошу заҳматҳои ниҳоят зиёд кореро анҷом диҳад, ки тӯли 12 сол ҳеҷ як варзишгари тоҷик қодир ба иҷрои он набуд.
Баҳодур бо қавииродагӣ ва матонати зиёд медали биринҷии Чемпионати ҷаҳон оид ба боксро, ки дар шаҳри Тошканди Ҷумҳурии Узбекистон баргузор гашт, ба даст оварда, дигарбора саҳифаҳои таърихи варзиши кишварро варақ зад. Дар ин роҳ ӯро монеаҳои зиёде пешорӯй буд. Хушбахтона, Баҳодур ба ин монеаҳо таслим нашуд ва ба мақсади хеш расид. Ӯ бо як боварии баҳодурона ба сабқатҳо баромада, ҳарифони худро яке пушти дигаре шикаст дод, то ба ин нуқта бирасад.
Баҳодур то роҳ ёфтан ба даври ниманиҳоии мусобиқа аз ҳарифони пуртаҷрибае чун Алекс Исенди аз Танзания, Муҳаммад Алкасба аз Урдун, Нодир Абдулзақ аз Марокаш гузашт. Ҳарчанд ин рақибон ҳарифони одӣ ба шумор намерафтанд, аммо дар муқобили зарбаҳои Баҳодур оҷиз буданд ва имконе ҳам барои пирӯзӣ надоштанд. Ин парчамбардори кишвари мо дар даври чаҳорякниҳоӣ бо Хунатип Пудничи тайландӣ нерусанҷӣ намуда, бо ҳисоби 5 бар 0 ғолибияти томро ба даст овард. Ӯ дар даври ниманиҳоӣ шикаст хӯрда бошад ҳам, тавонист барои кишвари мо боз як нишони биринҷӣ аз Чемпионати ҷаҳон оид ба бокс ба армуғон орад. Ин армуғон барои соҳаи варзиши кишвар ҳадяи деринтизор ба шумор мерафт.
Баҳодур мутаваллиди соли 1997 буда, айни замон 26 сол дорад. Ба дунёи бокс ҳамчун муштзани ҳаваскор ворид шуда, дар як муддати кутоҳ тавонист, ки мавқеи худро дар миёни варзишгарони Тоҷикистон ва берун аз он пайдо намояд. Ӯ дар радабандии “BoxRec” дар зинаи 63-юм (майи соли 2023) қарор дорад ва ба ТОП - 65 варзишгари ҷаҳонӣ ворид шудааст. Ҳамчунин дар байни муштзанҳои тоҷик дар вазни сабук дар ҷои 1-ум мебошад. Ӯ дар вазнҳои сабук ва якум баромад намуда, узви дастаи мунтахаби Тоҷикистон оид ба бокс аст.
Шуруъ аз соли 2019 ин варзишгари умедбахши кишвар дар майдонҳои бузурги бокс шарафу шони Тоҷикистонро ҳимоя менамояд. Моҳи апрели соли 2019 дар Бангкок (Таиланд) Чемпионати Осиё баргузор гашт, ки Баҳодур дар он ширкат варзид. Ӯ дар даври чаҳорякфинал ҳарифи туркмани худ Тоғрулбек Паззиевро шикаст дод ва ба даври ниманиҳоӣ роҳ ёфт. Дар ин давр Баҳодур аз худ маҳорати баланд нишон дода, бо қарори якдилонаи доварон Санаталӣ Толтаеви пуртаҷрибаи қазоқро шикаст дод. Пас аз шикаст додани ин рақиби сарсахт ӯ ба финали мусобиқа роҳ ёфт ва дар ин сабқат аз рӯи бартарияти холҳо Убад ал-Қасбеҳии урдуниро мувоҷҷеҳи шикаст намуда, унвони қаҳрамони Осиёро моли худ кард.
Моҳи сентябри ҳамон мавсим бошад, Баҳодур дар Чемпионати ҷаҳон дар Екатеринбург зери вазни 63 кг баромад намуд. Ӯ дар даври 1/32 финал аз рӯи холҳо варзишгари украинӣ Александр Железняк ва дар 1/16 финал Тиг-рулхон Эрдемири туркро мағлуб кард. Аммо толеъ ин бор ба рӯи ӯ нахандид ва дар сабқати даври 1/8 финал аз ҳарифи ботаҷрибаи фаронсавии худ Софян Умия шикаст хӯрд.
Ҳар як шикаст, таҷрибаест барои пирӯзиҳои оянда. Баҳодур низ аз ин шикаст на руҳафтода, балки таҷрибаи дучанд гирифта, роҳи худро дар ин ҷода идома дод ва беш аз пеш қавитар шуд.
Фаъолияти касбии Баҳодур дар варзиши бокс аз соли 2020 оғоз гардид. Яке аз сабқатҳои нахустини ӯ дар ин давра ба 24 декабри соли 2020 рост меояд. Сабқати мазкур дар шаҳри Москваи Русия доир гардид, ки рақиби муштзани тоҷик Вилдан Минасови рус интихоб гардида буд. Сабқат дар вазни 61 кг баргузор гашт. Дар ин дидор Баҳодур аз аввал бартарӣ нишон дода, бо ҳисоби 4 -0 дар нахустин дидор рӯи ринги касбӣ рақибашро мағлуб кард.
Моҳи марти соли 2020 дар шаҳри Уммони Урдун дар мусобиқаи интихобии олимпӣ аз кишварҳои Осиё иштирок кард. Дар мусобиқаи мазкур нахуст шуда, дар даври 1/8 ниҳоии мусобиқа муштзани Непал Сунилро шикаст дод. Вале дар чор-якфинал бо қарори якдилонаи доварон аз Убод ал-Касбеҳи ботаҷрибаи урдунӣ шикаст хӯрд. Баъд аз он дар мусобиқаи иловагӣ дар байни мағлубшудагон Ризоии эрониро шикаст дода, тавонист барои худ роҳи рафтан ба Бозиҳои олимпии соли 2020-ро ҳамвор намояд.
Ҳамчунин, қабл аз иштирок дар Бозиҳои олимпӣ Баҳодур моҳи майи соли 2021 дар вазни то 64 кг барандаи медали биринҷии Чемпионати Осиё дар Дубай (АМА) шуд. Дар сабқатҳои мазкур ӯ дар даври чорякниҳоӣ ба Ҷон Пол Пануаяни филиппинӣ пирӯз шуд, аммо дар нимфинал аз муштзани ҳиндӣ Шива Тапу бо бартарии холҳо мағлуб шуд ва ҳамин тавр барандаи нишони биринҷии Чемпионати Осиё гардид.
Моҳи июли соли 2021 Бозиҳои олимпӣ дар Токио баргузор гашт, ки Баҳодур увзе аз иштирокчиёни ин сабқатҳои бонуфузи ҷаҳонӣ буд. Ҳарчанд Баҳодур саъю талош намуд, аммо Бозиҳои олимпӣ барои ӯ бенатиҷа ҷамъбаст гардид. Дар сабқатҳои мазкур Баҳодур муҳорибаро аз даври 1/16 финали мусобиқот оғоз кард. Дар ин давр ӯ Эдвин де лос Сантос аз Доминиканро мағлуб кард, аммо дар даври 1/8 финали мусобиқа аз муштзани варзидаи узбак Элнур Абдураимов шикаст хӯрд.
Айнан ҳамин гуна дар Чемпионати ҷаҳон, ки моҳҳои октябр - ноябри соли 2021 дар Белград (Сербия) баргузор гашт, дар вазни то 63,5 кг иштирок карда, марҳилаи 1/16 финалро бо шикаст додани Иля Шакирови рус пушти сар намуд, аммо дар 1/8 финал аз Вонсуван Сомчаи таиландӣ мағлуб шуд.
Давраи беҳтарини фаъолияти варзишии Баҳодур ба мавсими 2022-2023 рост омад. Моҳи ноябри соли 2022 барандаи медали биринҷии Чемпионати Осиё дар Аммони Урдун дар вазни то 63,5 кг гардид. Ҳамчунин, дар таърихи 6-уми августи соли 2022 муштзанони рус Тиган Узлян ва Димитрий Хасиевро мағлуб карда, чор ғалабаи пайдарҳами худро дар бокси касбӣ ба даст овард.
Баҳодур дар ҳамаи сабқатҳои худ бо боварӣ ба майдон меомад ва инро худ низ дар яке аз мусоҳибаҳояш таъкид кардааст.
“Ман пеш аз он, ки бо рақиби худ вориди майдони рақобат гардам, дар бораи ӯ маълумоти зиёде пайдо мекунам. Муҳорибаҳои пешинаашро тамошо мекунам, то бо сабки рақобати ӯ шинос шавам. Ин ба ман имконият медиҳад, то ҳангоми муҳориба бо боварӣ ба худ ба майдон бароям”.
Ба таъкиди Мирзо Шамсиев, мураббии ӯ, айни замон Баҳодур пас аз сазовор шудан ба медали биринҷии Чемпионати ҷаҳон омодагии худро барои иштирок дар Бозиҳои олимпӣ соли 2024, ки қарор аст дар Париж баргузор гардад, хубтару беҳтар менамояд. Зеро тибқи умедвориҳо ӯ бояд дар ин сабқатҳо иштирок карда, натиҷаи назаррасро ба даст оварад.
Ҳошим РАҲМАТУЛЛОЕВ, “ҶТ”
Баҳодур бо қавииродагӣ ва матонати зиёд медали биринҷии Чемпионати ҷаҳон оид ба боксро, ки дар шаҳри Тошканди Ҷумҳурии Узбекистон баргузор гашт, ба даст оварда, дигарбора саҳифаҳои таърихи варзиши кишварро варақ зад. Дар ин роҳ ӯро монеаҳои зиёде пешорӯй буд. Хушбахтона, Баҳодур ба ин монеаҳо таслим нашуд ва ба мақсади хеш расид. Ӯ бо як боварии баҳодурона ба сабқатҳо баромада, ҳарифони худро яке пушти дигаре шикаст дод, то ба ин нуқта бирасад.
Баҳодур то роҳ ёфтан ба даври ниманиҳоии мусобиқа аз ҳарифони пуртаҷрибае чун Алекс Исенди аз Танзания, Муҳаммад Алкасба аз Урдун, Нодир Абдулзақ аз Марокаш гузашт. Ҳарчанд ин рақибон ҳарифони одӣ ба шумор намерафтанд, аммо дар муқобили зарбаҳои Баҳодур оҷиз буданд ва имконе ҳам барои пирӯзӣ надоштанд. Ин парчамбардори кишвари мо дар даври чаҳорякниҳоӣ бо Хунатип Пудничи тайландӣ нерусанҷӣ намуда, бо ҳисоби 5 бар 0 ғолибияти томро ба даст овард. Ӯ дар даври ниманиҳоӣ шикаст хӯрда бошад ҳам, тавонист барои кишвари мо боз як нишони биринҷӣ аз Чемпионати ҷаҳон оид ба бокс ба армуғон орад. Ин армуғон барои соҳаи варзиши кишвар ҳадяи деринтизор ба шумор мерафт.
Баҳодур мутаваллиди соли 1997 буда, айни замон 26 сол дорад. Ба дунёи бокс ҳамчун муштзани ҳаваскор ворид шуда, дар як муддати кутоҳ тавонист, ки мавқеи худро дар миёни варзишгарони Тоҷикистон ва берун аз он пайдо намояд. Ӯ дар радабандии “BoxRec” дар зинаи 63-юм (майи соли 2023) қарор дорад ва ба ТОП - 65 варзишгари ҷаҳонӣ ворид шудааст. Ҳамчунин дар байни муштзанҳои тоҷик дар вазни сабук дар ҷои 1-ум мебошад. Ӯ дар вазнҳои сабук ва якум баромад намуда, узви дастаи мунтахаби Тоҷикистон оид ба бокс аст.
Шуруъ аз соли 2019 ин варзишгари умедбахши кишвар дар майдонҳои бузурги бокс шарафу шони Тоҷикистонро ҳимоя менамояд. Моҳи апрели соли 2019 дар Бангкок (Таиланд) Чемпионати Осиё баргузор гашт, ки Баҳодур дар он ширкат варзид. Ӯ дар даври чаҳорякфинал ҳарифи туркмани худ Тоғрулбек Паззиевро шикаст дод ва ба даври ниманиҳоӣ роҳ ёфт. Дар ин давр Баҳодур аз худ маҳорати баланд нишон дода, бо қарори якдилонаи доварон Санаталӣ Толтаеви пуртаҷрибаи қазоқро шикаст дод. Пас аз шикаст додани ин рақиби сарсахт ӯ ба финали мусобиқа роҳ ёфт ва дар ин сабқат аз рӯи бартарияти холҳо Убад ал-Қасбеҳии урдуниро мувоҷҷеҳи шикаст намуда, унвони қаҳрамони Осиёро моли худ кард.
Моҳи сентябри ҳамон мавсим бошад, Баҳодур дар Чемпионати ҷаҳон дар Екатеринбург зери вазни 63 кг баромад намуд. Ӯ дар даври 1/32 финал аз рӯи холҳо варзишгари украинӣ Александр Железняк ва дар 1/16 финал Тиг-рулхон Эрдемири туркро мағлуб кард. Аммо толеъ ин бор ба рӯи ӯ нахандид ва дар сабқати даври 1/8 финал аз ҳарифи ботаҷрибаи фаронсавии худ Софян Умия шикаст хӯрд.
Ҳар як шикаст, таҷрибаест барои пирӯзиҳои оянда. Баҳодур низ аз ин шикаст на руҳафтода, балки таҷрибаи дучанд гирифта, роҳи худро дар ин ҷода идома дод ва беш аз пеш қавитар шуд.
Фаъолияти касбии Баҳодур дар варзиши бокс аз соли 2020 оғоз гардид. Яке аз сабқатҳои нахустини ӯ дар ин давра ба 24 декабри соли 2020 рост меояд. Сабқати мазкур дар шаҳри Москваи Русия доир гардид, ки рақиби муштзани тоҷик Вилдан Минасови рус интихоб гардида буд. Сабқат дар вазни 61 кг баргузор гашт. Дар ин дидор Баҳодур аз аввал бартарӣ нишон дода, бо ҳисоби 4 -0 дар нахустин дидор рӯи ринги касбӣ рақибашро мағлуб кард.
Моҳи марти соли 2020 дар шаҳри Уммони Урдун дар мусобиқаи интихобии олимпӣ аз кишварҳои Осиё иштирок кард. Дар мусобиқаи мазкур нахуст шуда, дар даври 1/8 ниҳоии мусобиқа муштзани Непал Сунилро шикаст дод. Вале дар чор-якфинал бо қарори якдилонаи доварон аз Убод ал-Касбеҳи ботаҷрибаи урдунӣ шикаст хӯрд. Баъд аз он дар мусобиқаи иловагӣ дар байни мағлубшудагон Ризоии эрониро шикаст дода, тавонист барои худ роҳи рафтан ба Бозиҳои олимпии соли 2020-ро ҳамвор намояд.
Ҳамчунин, қабл аз иштирок дар Бозиҳои олимпӣ Баҳодур моҳи майи соли 2021 дар вазни то 64 кг барандаи медали биринҷии Чемпионати Осиё дар Дубай (АМА) шуд. Дар сабқатҳои мазкур ӯ дар даври чорякниҳоӣ ба Ҷон Пол Пануаяни филиппинӣ пирӯз шуд, аммо дар нимфинал аз муштзани ҳиндӣ Шива Тапу бо бартарии холҳо мағлуб шуд ва ҳамин тавр барандаи нишони биринҷии Чемпионати Осиё гардид.
Моҳи июли соли 2021 Бозиҳои олимпӣ дар Токио баргузор гашт, ки Баҳодур увзе аз иштирокчиёни ин сабқатҳои бонуфузи ҷаҳонӣ буд. Ҳарчанд Баҳодур саъю талош намуд, аммо Бозиҳои олимпӣ барои ӯ бенатиҷа ҷамъбаст гардид. Дар сабқатҳои мазкур Баҳодур муҳорибаро аз даври 1/16 финали мусобиқот оғоз кард. Дар ин давр ӯ Эдвин де лос Сантос аз Доминиканро мағлуб кард, аммо дар даври 1/8 финали мусобиқа аз муштзани варзидаи узбак Элнур Абдураимов шикаст хӯрд.
Айнан ҳамин гуна дар Чемпионати ҷаҳон, ки моҳҳои октябр - ноябри соли 2021 дар Белград (Сербия) баргузор гашт, дар вазни то 63,5 кг иштирок карда, марҳилаи 1/16 финалро бо шикаст додани Иля Шакирови рус пушти сар намуд, аммо дар 1/8 финал аз Вонсуван Сомчаи таиландӣ мағлуб шуд.
Давраи беҳтарини фаъолияти варзишии Баҳодур ба мавсими 2022-2023 рост омад. Моҳи ноябри соли 2022 барандаи медали биринҷии Чемпионати Осиё дар Аммони Урдун дар вазни то 63,5 кг гардид. Ҳамчунин, дар таърихи 6-уми августи соли 2022 муштзанони рус Тиган Узлян ва Димитрий Хасиевро мағлуб карда, чор ғалабаи пайдарҳами худро дар бокси касбӣ ба даст овард.
Баҳодур дар ҳамаи сабқатҳои худ бо боварӣ ба майдон меомад ва инро худ низ дар яке аз мусоҳибаҳояш таъкид кардааст.
“Ман пеш аз он, ки бо рақиби худ вориди майдони рақобат гардам, дар бораи ӯ маълумоти зиёде пайдо мекунам. Муҳорибаҳои пешинаашро тамошо мекунам, то бо сабки рақобати ӯ шинос шавам. Ин ба ман имконият медиҳад, то ҳангоми муҳориба бо боварӣ ба худ ба майдон бароям”.
Ба таъкиди Мирзо Шамсиев, мураббии ӯ, айни замон Баҳодур пас аз сазовор шудан ба медали биринҷии Чемпионати ҷаҳон омодагии худро барои иштирок дар Бозиҳои олимпӣ соли 2024, ки қарор аст дар Париж баргузор гардад, хубтару беҳтар менамояд. Зеро тибқи умедвориҳо ӯ бояд дар ин сабқатҳо иштирок карда, натиҷаи назаррасро ба даст оварад.
Ҳошим РАҲМАТУЛЛОЕВ, “ҶТ”
Хабарҳои дигар
Рӯзнома
Эзоҳи худро нависед