Муассисаи давлатии Маркази такмили ихтисоси кормандони соҳаи тарбияи ҷисмонӣ ва варзиш, ки дар назди Кумитаи кор бо ҷавонон ва варзиши назди Ҳукумат ташкил шудааст, соли ҷорӣ аввалин курси такмили ихтисосро анҷом дод.

Дар нахустин курси такмили ихтисос 12 нафар директорони мактабҳои варзишӣ ва мутахассисони соҳа аз ҳар манотиқи ҷумҳурӣ ширкат намуданд. Пас аз анҷоми машғулиятҳо ба иштирокчиёни он шаҳодатномаи такмили ихтисос супурда шуд.

Ба иттилооти Фирӯз Юсуфзода, директори маркази мазкур муассиса нақша дорад, ки дар як сол 20 машғулият ба роҳ монда, 234 нафар мутахассисони соҳаро барои баланд бардоштани савияи донишу малака ҷалб намояд. Ҳамчунин солҳои минбаъда курсҳои сайёҳӣ ба роҳ монда шуда, аз хориҷ мутахассисон даъват хоҳанд шуд.