Бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва бо дастгирии бевоситаи Раиси вилояти Суғд муҳтарам Раҷаббой Аҳмадзода дар ҳудуди вилоят бори нахуст ба ифтихори таҷлили сазовори “Рӯзи пойтахт” мусобиқаҳои оммавӣ, варзишӣ, ва солимгардонӣ таҳти унвони “Пойтахт – тараннумгари мазаффариятҳои мо ҷавонон ва варзишгарон” доир гардид.

Мусобиқаҳои мазкур бо мақсади оммавигардонии варзиш, тарғибу ташвиқи тарзи ҳаёти солим, ҷалби ҷавонону наврасон ба варзиш ва пешгирии онҳо аз омилҳои номатлуб бо иштироки беш аз 43 500 нафар тамошобинон (15 000 нафар духтарон) ва 15 350 нафар ҷавонону наврасон, варзишгарони номии вилоят (4 600 нафар духтарон) гузаронида шуд.