Дар ноҳияи Роштқалъа баҳри ба даст овардани Ҷоми Роштқалъа ва Ҷоми мудири Бахши кор бо ҷавонон ва варзиши ноҳия миёни 10 дастаи деҳаҳои ноҳия мусобиқаи футбол гузаронида шуд.

Ба мусобиқа асосан калонсолону хурдсолон ва ҷавонону наврасон ҷалб гашта, дар даври нимниҳоии он тими "Бижур" бар дастаи "Рождара" бо ҳисоби 2:1 ва дастаи "Тингхон" бар "Дирчид" бо ҳисоби 3:1 ғолиб омаданд.

Дар даври ниҳоӣ бошад, тимҳои "Бижур" - у "Тингхон" бозӣ карда, дар натиҷа "Бижур" дастаи рақибро бо ҳисоби 2:1 мағлуб намуду зинаи якум ва Ҷоми Роштқалъаро ба даст овард.

Ҳамин тавр Ҷоми мудири Бахшро беҳтарин бозингари мусобиқа Насим Ёғибеков соҳиб шуда, ба дарвозабони беҳтарин Балх Балхов, голзани беҳтарин Бунёдбеков Эраҷ, хурдтарини бозингар Исоев Мародбек ва калонсолтарин бозингар Асанқулиев Шердил ифтихорномаву мукофотпулӣ тақдим гардид.

Зуҳро Муллоҳукматова, мудири бахш инчунин ғолибонро бо медалҳо мушарраф намуда, дар мусобиқаҳои минбаъда барояшон тансиҳативу муваффақият таманно кард.