13 март дар шаҳри Москваи Федератсияи Россия мулоқоти Ризо Назарзода, муовини якуми раиси Кумитаи ҷавонон, варзиш ва сайёҳӣ бо Борис Гришин, директори департаменти сиёсати давлатии соҳаи варзиш ва муносибатҳои байналмилалии Вазорати варзиши Федератсияи Россия доир гардид.

Мулоқоти мазкур дар заминаи ба имзо расидани якдигарфаҳмӣ миёни Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон ва Вазорати варзиши Федератсияи Россия дар соҳаи тарбияи ҷисмонӣ ва варзиш доир гардид. Ҷонибҳо доир ба ҳалли масъаҳое, ки дар доираи сафари расмии Президенти Федератсияи Россия Владимир Путин ба Ҷумҳурии Тоҷикистон дар моҳи феврали соли ҷорӣ ба мувофиқа расиданд.

Дар рафти мулоқот масоили ҳамкориҳои Ҷумҳурии Тоҷикистон ва Федератсияи Россия дар соҳаи тарбияи ҷисмонӣ ва варзиш, аз ҷумла рушди оммавияти варзиш ва таҳкими муносибатҳои сифатан нави ҳамкориро баррасӣ намуданд.

Ҳамчунин баъда аз мулоқот Ризо Назарзода аз Осорхонаи давлатии варзиши Федератсияи Россия дидан намуд.
    
Шералӣ АЗИМӢ “ҶТ”