ВАРЗИШ
Чоршанбе 28 Феврал 2024 09:44
2558
 Шоми дирӯз, 8 март дар бозии ҷавобии 1/8 ниҳоии Лигаи қаҳрамонҳо дастаи “Барселона”-и Испания дар варзишгоҳи “Камп Нов” тими “ПСЖ”-и Фаронсаро бо ҳисоби калон 6-1 шикаст дода, аз рақобатҳои минбадаи Лигаи чемпионҳои Аврупо маҳрум намуд.

Дар бозии аввал дастаи “ПСЖ” дар варзишгоҳи «Парк де Пренс»-и Париж тими “Барселона”-ро бо ҳисоби 4-0 шикаст дода, мухлисони “Барселона”-ро аз дидори дуюм дилсард намуда буд. Ин бозӣ барои мухлисони дастаи “Барселона” орзуе буд, ки тими дӯстдоштаашон дар хонаи худ ғолиб меояду рақобати Лигаи чемпионҳоро идома медиҳад.

Нимҳимоятгари дастаи “Барселона” Иван Ракитич пас аз бозӣ ба журналистон иброз дошт: “То ҳол ман бовар намекунам, ки мо дастаи рақибро бо ҳисоби 6 -1 шикаст додем ва роҳхати бозиҳои минбадаро ба даст овардем”.

Бозингарони дастаи “Барселона” пас аз мағлубияти калон дар Лигаи қаҳрамонҳо хостанд, ки охири мавсими соли 2016/2017 сармураббиашон Луис Энрике ба истеъфо равад. Бино ба маълумоти радиои Испания “COPE” дар рақобати аввали 1/8 ниҳоии Лигаи чемпионҳои Аврупо футболбозони «Барселона» дар муҳити на он қадар хуб қарор доштанд ва ин сабаб гардид, ки даста бо натиҷаи 4:0 шикаст хӯрад.

Энрике.gif

Луис Энрике сармураббии дастаи “Барселона” пас аз ғалаба таъкид намуд: “Ин шоми хотирмон буд бароям. Дар панҷ дақиқа 3 гол хеле тамошобоб аст. Барои даста чизе лозим буд ба даст овардем, ман миннатдорам аз бозингарони даста ва мухлисон. Дар охири мавсим ман ин дастаро тарк менамоям ва ин қарорро қабул намудаам”.

Дар дақиқи 3-уми бозӣ ҳамлагари каталония Луис Суарес аз иштибоҳи дарвозабони “ПСЖ” истифода бурда, голи аввалини дидорро вориди дарвозаи ҳариф намуд. Дар қисми аввали бозӣ бозингарони дастаи “Барселона” бар ҳимоятгарони рақиб бисёр фишор оварданд ва ин сабаб шуд, ки фаронсавиҳо голи дуюмро ба дарвозаи худ зананд ва ҳисоб 2-0 дастаҳо ба танаффус баромаданд. Дар қисми дуюми бозӣ барои тими “Барселона” лозим буд, ки барои идомаи рақобатҳо дар Лигаи чемпионҳо 3 голи дигар ба ҳадаф расонад.

Дар қисми 50-уми рақобат ҳимоятгарони “ПСЖ” дар муқобили ҳамлагари бразилиявӣ Неймар бозиро дағалона вайрон намуданд, ки довар зарбаи 11 метра таъин намуд ва ин фурсатро Мессӣ моҳирона истифода бурд.   

Рере.gif

Эдвин Каванӣ ҳамлагари фаронсавиҳо дар дақиқаи 62 дидор голи ягонаи дастаашро вориди дарвозаи ҳариф намуда,  мухлисони тими “Барселона”-ро руҳафтода намуд, зеро дар 30 дақиқаи боқимонда  3 гол задан кори саҳлу осон набуд. Дақиқаи 88-уми бозӣ ҳамаи бозингарони тими “Барселона” ба хати ҳамла омадаанд ва Неймар голи чоруми дастаашро вориди дарвозаи рақиб намуд. Нимҳимоятгарони тими “ПСЖ” дар дақиқаи 90-уми бозӣ бо Луис Суарес қоидаи бозиро вайрон намуд ва довар зарбаи дуюми 11 метра таъин намуд. Неймар голи дуюми худро вориди дарвозаи Трамп намуд. Дар қисми дуюми бозӣ довар 5 дақиқа вақти иловагӣ таъин намуд ва дигар бозингарони “ПСЖ” натавонистанд хати ҳимояро нигоҳ доранд, зеро ҳамаи бозигнарони “Барселона” ба ҳуҷум рӯ оварда буданд. Ниҳоят ҳимоятгари “Барселона” Серхи Роберто баъди партофти Неймар голи шашуми дастаашро ба ҳадаф расонид ва дастаи “Барселона” ба даври 4/1 финал роҳ ёфт.

Бозии дигари ҷавобии даври 1/8 ниҳоии Лигаи қаҳрамонҳо байни дастаҳои “Боруссия”-и Олмон ва “Бенфика”-и Португалия баргузор гардид. Дар ин дидор “Боруссия” тавонист дар хонааш ба дарвозаи португалиягиҳо 4 тӯби бе ҷавоб занад.   

Шаҳбози АСОМИДДИН, "ҶТ"                                    



Эзоҳи худро нависед



Рамзҳо дар расм