14 апрел, бо ташаббуси Раёсати кор бо ҷавонон ва варзиши вилояти Хатлон дар шаҳри Бохтар машқи пагоҳирӯзӣ ва солимгардонӣ таҳти унвони “Зебоӣ, тавоноӣ ва доноӣ аз варзиш аст” бо иштироки васеи сокинон баргузор гардид.

Бино ба маълумоти Раёсати кор бо ҷавонон ва варзиши вилоят дар шаҳри Бохтар 1480 нафар шаҳрвандон, аз он 295 нафар бонувон, 245 нафар дастпарварони мактабҳои варзишӣ, 555 нафар сокинону ҷавонон ва 680 нафар кормандони ташкилоту муассисаҳо дар машқҳои пагоҳирӯзӣ иштирок намуда, дар тарғибу ташвиқи тарзи ҳаёти солим саҳми хешро гузоштанд.

Инчунин, дар ин рӯз бо ташаббуси Раёсат дар шаҳри Бохтар 2 мусобиқаи вилоятӣ, волейбол байни мардон ва баскетбол байни бонувон доир гардид. Дар натиҷа ғолибони мусобиқа бо диплом ва медал сарфароз гардонида шуда, барои иштирок дар мусобиқаҳои ҷумҳуриявӣ роҳхат гирифтанд.