Дар шаҳри Бангкоки Тайланд аз 18 то 26-уми январ дуюм нашри Чемпионати Осиё оид ба бокс миёни ҷавонони то 22-сола доир мегардад.
Дар ин бора Кумитаи миллии олимпии Тоҷикистон хабар додааст.

Бино ба гуфти манбаъ ҷиҳати иштирок дар мусобиқа 243 варзишгар аз 21 давлати қора сабти ном гардидаанд. Аз ҷумла, Федератсияи бокси Тоҷикистон 7 варзишгар – 6 мард ва 1 занро ба Тайланд сафарбар намудааст, ки инҳоянд:

-57кг – Хусравхон Раҳимов
-60кг – Абубакр Муродзода
-71кг – Довуд Маҳкамов
-75кг – Абдумалик Болтаев
-80кг – Шаҳбоз Ҳаитов
+92кг – Асадбек Маннонов
-60кг – Бибинишастамо Холова

Бояд гуфт, ки варзишгаронро дар ин сафар мураббиён - Маҳмадҷон Сулаймонов ва Хуршед Абдуллоев ҳамроҳӣ менамоянд.