Дар шаҳри Нижневартовскии Федератсияи Русия Ҷоми 18-уми ҷаҳон оид ба бокс миёни мардону занони аз 19 то 40-сола ҷараён дорад.

Дар рӯзи сеюми рақобатҳо дар доираи Ҷоми ҷаҳон оид ба бокс Миҷгона Самадова, бонуварзишгари муштзани тоҷик, ки кишвари моро дар ин мусобиқа дар вазни 57кг намояндагӣ дорад, ба финали он баромад.

Миҷгона Самадова, ки дар даври аввали Ҷоми ҷаҳон оид ба бокс бар вазишгари Муғулистон Мичидма Эрденедалай пирӯз шуда буд, дар марҳилаи ¼-ниҳоӣ бо намояндаи Лаҳистон Серафин Моника сабқат карда, дар ин вохӯрӣ ҳам ӯ бар ҳарифаш пирӯзӣ ба даст овард.

Миҷгона дар даври ½-финал бо қарори доварон бар варзишгари рус Малика Шаҳидова дастболо шуда, ба марҳилаи финалӣ роҳхат гирифт. Акнун ӯ дар финал бо варзишгари дигари мизбон санаи 11 декабр рақобат хоҳад кард.