Бозиҳои “Ҷоми Формула 55”, ки бо ибтикори ширкати букмекерии “Формула 55” ва Федератсияи футболи вилояти Хатлон бахшида ба ҷашни 30-солагии Истиқлоли давлатии Ҷумҳурии Тоҷикистон роҳандозӣ шуда буд, ҷамъбаст гардид.

Барои ишғоли ҷойи сеюм дастаи “Вавилон-М” бо дастаи “АБМХ” вохӯрӣ анҷом дод. Қисми асосии вохӯрӣ бо ҳисоби 3:3 поён ёфт. Ғолиб аз рӯйи зарбаҳои шашметра муайян гардид. Дастаи “Вавилон-М” бо ҳисоби 3:1 пирӯз гардида, соҳиби мақоми сеюм гардид.

Барои ба даст овардани “Ҷоми Формула-55” дастаи бонки “Эсхата” бо дастаи "ZET-Mobile" мубориза намуданд. Бозӣ бо ҳисоби 4:4 хотима ёфт ва аз рӯйи зарбаҳои шашметра дастаи бонки “Эсхата” бо ҳисоби 6:5 ғалаба намуда, барандаи “Ҷоми Формула-55” дар соли 2021 гардид.

Дар фарҷоми мусобиқа ғолиби ҷойи сеюм бо медалҳои биринҷӣ ва бо маблағи 1555 сомонӣ, ғолиби ҷойи дуюм бо медалҳои нуқра ва бо маблағи 3555 сомонӣ ва ғолиби ҷойи аввал бо медалҳои тилло ва бо маблағи 5555 сомонӣ қадрдонӣ шуданд.