Мусобиқаи кушоди шаҳрӣ аз намуди волейбол миёни ҷавондухтарон, ки ҳафтаи пеш дар шаҳри Хоруғ оғоз ёфт, чамъбаст гардид.

Аз рӯи холҳои умумӣ дар чор басти бозии финалӣ дастаи Мактаби варзишии Хоруғ бар тими Мактаби таҳсилоти ҳамагонии № 2 бо ҳисоби  3 : 1 (25 : 22, 24 :20, 22 : 24, 20 : 18) дастболо шуда, ғолиби мусобиқа эълон шуд.

Барои гирифтани мақоми сеюм дастаҳои Омӯзишгоҳи № 8 ва Донишгоҳи давлатии Хоруғ талош намуданд. Тими Омӯзишгоҳи № 8 дар се басти даври ниҳоӣ бо ҳисоби 3 : 0 (20 : 18, 23 : 20, 22 : 16) бар рақибаш ғолиб омада, соҳиби ҷойи сеюм гашт.

Дар фарҷоми бозӣ ғолибон бо мукофоти маблағӣ ва медалу ифтихорномаҳои Бахши, ҷавонон, варзиш ва сайёҳии шаҳри Хоруғ қадрдонӣ шуданд.