Бошгоҳи “Сеул”-и Куриёи Ҷанубӣ хоҳони ба дастаи хеш ҷалб намудани дифогари тими миллии Тоҷикистон Ваҳдат Ҳанонов шудааст.

Дар ин бора саҳифаи Goal.tj хабар медиҳад.

Дастаи “Сеул” аз ситораҳои номдори футбол таркиб ёфтааст. Дар ҳолати пайвастани Ҳанонов ба ин даста, ӯ бо собиқ бозингари дастаи “Манчестер Юнайтед” Ҷесси Лингард бозӣ хоҳад кард.

Бояд гуфт, ки баъд аз баромади арзандаи тими миллии кишвар дар Ҷоми Осиё-2023 таваҷҷуҳ ба бозингарони тими мунтахаб аз ҷониби кишварҳои Осиё зиёд гардидааст.

Дар ин миён метавон гуфт, ки баробари Ваҳдат Ҳанонов ба Алишер Шукуров ва Рустам Ятимов низ бисёре аз бошгоҳҳои қора бо чашми харидорӣ менигаранд.

Ваҳдат Ҳанонови 24-сола сар аз соли 2021 шарафи бошгоҳи “Персеполис”-и Эронро ҳимоя мекунад.

Яҳё МАҲМАДНАБИЕВ, “ҶТ”