Дар доираи сафари корӣ раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Аҳтам Абдуллозода ҳамроҳ бо раиси ноҳияи Айнӣ аз майдончаи варзишии ноҳияи Айнӣ дидан намуданд. 

Зимни боздид гуфта шуд, ки майдончаи мазкур бо харҷи 500 ҳазор сомонӣ аз ҳисоби маблағҳои мақомоти иҷроияи ҳокимияти давлатии ноҳия бахшида ба ҷашни  30 – солагии Истиқлолияти давлатии Ҷумҳурии Тоҷикистон сохта ба истифода дода шудааст. Масоҳати майдонча 800 метри мураббаъро ташкил дода, зимни сохтмон масолеҳи баландсифат истифода гардидааст.