ВАРЗИШ
Ҷумъа 24 Январ 2025 02:07
Дилшод Назаров қаҳрамони Бозиҳои ХХХI тобистонаи олимпии Рио-Де-Жанейрои Бразилия имрӯз, 26 август ба Ватан расид.
Ба истиқболи қаҳрамон зиёда аз 7000 (ҳафт ҳазор ) мардуми кишвар дар назди Фурудгоҳи пойтахт ҷамъ омаданд. Қаҳрамони варзиши кишварро Аҳтам Абдуллозода, раиси Кумитаи ҷавонон, варзиш ва сайёҳӣ, Рустами Эмомалӣ, роҳбари Оҷонсии назорати давлатии молиявӣ ва мубориза бо коррупсия, Абдуҷаббор Раҳмонзода, мушовири Президенти Ҷумҳурии Тоҷикистон ва дигар намояндагони Дастгоҳи иҷроияи Президент пешвоз гирифтаанд.
Дилшод Назаров баъди истиқболи гарми издиҳоми мардум, ки ба хотири дидорбинии ӯ ҷамъ омада буданд таъкид намуд, - Ин пирӯзии натанҳо ман, балки пирӯзии мардуми Тоҷикистон аст. Ман дар ҳузури ҳамаи Шумо сараввал минадории худамро ба Пешвои миллат, муҳтарам Эмомалӣ Раҳмон мерасонам барои ғамхориҳои бевоситаашон нисбати варзиши кишвар. Чӣ тавре ваъда дода будам, ки ба медал бармегардам, ба ваъдаи додаам вафо кардам. Ин мувафақиятро бо пуштибонии мардуми тоҷик ва дастгирию ғамхории бевоситаи Пешвои миллат ба даст овардам гуфт,-Дилшод Назаров
Баъди истиқболи мардум Асосгузори сулҳу ваҳдати миллӣ, Пешвои миллат, муҳтарам Эмомалӣ Раҳмон Дилшод Назаровро ба хотири ин дастоварди бузургаш дар Қасри миллат ба ҳузур пазируфта, ба ӯ Ордени Шараф дараҷаи I ва 300 000 сомонӣ мукофоти пулӣ супорид.
Инчунин ба хотири қаҳрамонии ин фарзанди тоҷик дар Амфитеатри Душанбе барномаи фарҳангӣ-фароғатӣ бо иштироки сарояндаҳои маҳбуби кишвар Нигина Амонқулова, Зикруллоҳ Ҳакимов, Ситораи Кароматулло, Хуҷастаи Мирзовалӣ, Сироҷиддин Фозилов баргузор гардид, ки Дилшод Назаров меҳмони олиқадри чорабинии мазкур буд.
Ёдовар мешавем, ки даври ниҳоии мусобиқаи гурзандозӣ шаби 19 - уми август соати 21:05 дақиқа бо вақти маҳаллӣ ва соати 5:05 дақиқа бо вақти Душанбе дар Варзишгоҳи олимпии шаҳри Рио-де-Жанейрои Бразилия шуруъ шуд. Дилшод Назаров гурзро ба масофаи 78,68 метр ҳаво дод ва аз ҳама рақибонаш пеш гузашт.
Дилшод Назаров аввалин варзишгари тоҷик аст, ки ба Бозиҳои тобистонаи олимпии соли 2016 дар Рио-де-Жанейрои Бразилия роҳхат гирифта буд. Ӯ моҳи майи соли гузашта дар мусобиқоти ҷаҳонии силсилаи Гран-При оид ба гурзандозӣ дар Ҷумҳурии Чех бо натиҷаи 79 метру 36 сантиметр мақоми дувумро касб кард ва ба Бозиҳои олимпӣ дар Рио-де-Жанейро роҳхат гирифт.
Гурзандози маъруфи тоҷик Дилшод Назаров 6 майи соли 1982 дар шаҳри Душанбе таваллуд шудааст. Ӯ барандаи медали нуқраи мусобиқоти қаҳрамонии ҷаҳон дар соли 2015 дар Пекин, ғолиби Бозиҳои осиёии солҳои 2006, 2010 ва 2014, қаҳрамони секаратаи Осиё (солҳои 2009, 2013, 2015), қаҳрамони дукаратаи Осиё байни наврасон (солҳои 1999 ва 2001) мебошад.
Дилшод Назаров аз моҳи январи соли 2014-ум муовини раиси Кумитаи ҷавонон, варзиш ва сайёҳии Тоҷикистон, инчунин раиси Федератсияи варзиши сабуки Тоҷикистон аст. Оиладор ва соҳиби ду фарзанд мебошад.
Ба истиқболи қаҳрамон зиёда аз 7000 (ҳафт ҳазор ) мардуми кишвар дар назди Фурудгоҳи пойтахт ҷамъ омаданд. Қаҳрамони варзиши кишварро Аҳтам Абдуллозода, раиси Кумитаи ҷавонон, варзиш ва сайёҳӣ, Рустами Эмомалӣ, роҳбари Оҷонсии назорати давлатии молиявӣ ва мубориза бо коррупсия, Абдуҷаббор Раҳмонзода, мушовири Президенти Ҷумҳурии Тоҷикистон ва дигар намояндагони Дастгоҳи иҷроияи Президент пешвоз гирифтаанд.
Дилшод Назаров баъди истиқболи гарми издиҳоми мардум, ки ба хотири дидорбинии ӯ ҷамъ омада буданд таъкид намуд, - Ин пирӯзии натанҳо ман, балки пирӯзии мардуми Тоҷикистон аст. Ман дар ҳузури ҳамаи Шумо сараввал минадории худамро ба Пешвои миллат, муҳтарам Эмомалӣ Раҳмон мерасонам барои ғамхориҳои бевоситаашон нисбати варзиши кишвар. Чӣ тавре ваъда дода будам, ки ба медал бармегардам, ба ваъдаи додаам вафо кардам. Ин мувафақиятро бо пуштибонии мардуми тоҷик ва дастгирию ғамхории бевоситаи Пешвои миллат ба даст овардам гуфт,-Дилшод Назаров
Баъди истиқболи мардум Асосгузори сулҳу ваҳдати миллӣ, Пешвои миллат, муҳтарам Эмомалӣ Раҳмон Дилшод Назаровро ба хотири ин дастоварди бузургаш дар Қасри миллат ба ҳузур пазируфта, ба ӯ Ордени Шараф дараҷаи I ва 300 000 сомонӣ мукофоти пулӣ супорид.
Инчунин ба хотири қаҳрамонии ин фарзанди тоҷик дар Амфитеатри Душанбе барномаи фарҳангӣ-фароғатӣ бо иштироки сарояндаҳои маҳбуби кишвар Нигина Амонқулова, Зикруллоҳ Ҳакимов, Ситораи Кароматулло, Хуҷастаи Мирзовалӣ, Сироҷиддин Фозилов баргузор гардид, ки Дилшод Назаров меҳмони олиқадри чорабинии мазкур буд.
Ёдовар мешавем, ки даври ниҳоии мусобиқаи гурзандозӣ шаби 19 - уми август соати 21:05 дақиқа бо вақти маҳаллӣ ва соати 5:05 дақиқа бо вақти Душанбе дар Варзишгоҳи олимпии шаҳри Рио-де-Жанейрои Бразилия шуруъ шуд. Дилшод Назаров гурзро ба масофаи 78,68 метр ҳаво дод ва аз ҳама рақибонаш пеш гузашт.
Дилшод Назаров аввалин варзишгари тоҷик аст, ки ба Бозиҳои тобистонаи олимпии соли 2016 дар Рио-де-Жанейрои Бразилия роҳхат гирифта буд. Ӯ моҳи майи соли гузашта дар мусобиқоти ҷаҳонии силсилаи Гран-При оид ба гурзандозӣ дар Ҷумҳурии Чех бо натиҷаи 79 метру 36 сантиметр мақоми дувумро касб кард ва ба Бозиҳои олимпӣ дар Рио-де-Жанейро роҳхат гирифт.
Гурзандози маъруфи тоҷик Дилшод Назаров 6 майи соли 1982 дар шаҳри Душанбе таваллуд шудааст. Ӯ барандаи медали нуқраи мусобиқоти қаҳрамонии ҷаҳон дар соли 2015 дар Пекин, ғолиби Бозиҳои осиёии солҳои 2006, 2010 ва 2014, қаҳрамони секаратаи Осиё (солҳои 2009, 2013, 2015), қаҳрамони дукаратаи Осиё байни наврасон (солҳои 1999 ва 2001) мебошад.
Дилшод Назаров аз моҳи январи соли 2014-ум муовини раиси Кумитаи ҷавонон, варзиш ва сайёҳии Тоҷикистон, инчунин раиси Федератсияи варзиши сабуки Тоҷикистон аст. Оиладор ва соҳиби ду фарзанд мебошад.
Хабарҳои дигар
Рӯзнома
Эзоҳи худро нависед