23 июл маросими ифтитоҳи Бозиҳои тобистонаи олимпии Токио дар Варзишгоҳи миллии шаҳри Токиои Япония баргузор мешавад.

Маросими мазкур соати 16:00 ба вақти Душанбе оғоз гардида, маросими кушодашавии бозиҳоро ТВ “Варзиш” мустақиман манзури тамошобин мегардонад.

Аввалин шуда, ба майдон дастаи мунтахаби Юнон ва охирин дастаи мунтахаби Япония ворид мешаванд. Ва пас аз савганд ёд кардани варзишгарон, мураббиён ва дигар шахсони расмӣ Бозиҳо расман оғоз мегардад.
Бо назардошти варзишгарон шумораи ҳайати мунтахаби олимпии Тоҷикистон аз 23 нафар иборат буда, парчамбардори дастаи мунтахаби кишвар дар Бозиҳои олимпии Токио паҳлавони маъруфи тоҷик Темур Раҳимов мебошад

Ёдовар мешавем, ки олимпиадаи Токио-2020 аз 23 июл то 8 август бо назардошти шароити пандемия бидуни тамошобин баргузор мешавад. Дар олимпиадаи мазкур 12 500 варзишгар ширкат варзида, барои 339 ҷоиза миёни ҳам қуввазмоӣ мекунанд.

И. АМАКҶОНОВ “ҶТ”