Дар варзишгоҳи “Авесто – арена” – и ҷамоати Қалъаи Хумби ноҳияи Дарвоз миёни дастаҳои мунтахаби “Шамсиддини Шоҳин” ва “Дарвоз” бозии дӯстона оид ба футбол доир шуд.

Тавре Хуршед Ғаффоров, корманди Бахши кор бо ҷавонон ва варзиши ноҳия иттилоъ дод, бозӣ миёни ҷавонони соли таваллуди 2008 бо иқдоми бахшҳои ҳар ду ноҳия ба хотири таҳкими риштаи рафоқату бародарӣ ва ҷалби ҷавонон ба ҳаёти солим рӯи кор омад.

Чорабинӣ шавқовару диданӣ гузашта, дар натиҷа “Дарвоз” бар тими рақиб бо ҳисоби калони 9 : 5 дастболо шуд.

Ҷавонони ноҳияҳо барои минбаъд гузаронидани чунин бозиҳо мароқи зиёд зоҳир намуданд.