Ба ифтихори 30 – солагии Истиқлоли давлатии Ҷумҳурии Тоҷикистон дар шаҳраки Ваҳдати ноҳияи Шуғнон майдончаи муосири варзишӣ барои бозии футболи хурд бунёд ёфт.

Тавре аз Бахши кор бо ҷавонон ва варзиши ноҳия иттилоъ доданд, майдончаи нав бо дастгирии бевоситаи Раиси Маҷлиси миллии Маҷлиси Олии Ҷумҳурии Тоҷикистон муҳтарам Рустами Эмомалӣ бунёд гардида, дар арафаи ҷашни 30 - солагӣ мавриди истифода қарор мегирад.

Ба иттилои манбаъ паҳноии майдончаи нав 22 ва дарозии он 42 метр буда, ин иншооти аввалинест дар ноҳия, ки тибқи меъёрҳои байналмилалӣ ва ҷавобгӯйи талаботи замон сохта шудааст.