Дар рӯзи сеюми Чемпионати Осиё, ки дар шаҳри Бангкоки Тайланд баргузор гардид, ду паҳлавони хушноми мо Темур Раҳимов (+100 кило) ва Ҷаҳонгир Маҷидов (- 100 кило) ҳунарнамоии арзанда нишон доданд.

Темур Раҳимов дар рақобати финалии Қаҳрамонии ҷудои Осиё аз Сеунгйоб Ли аз Кореяи Ҷанубӣ мағлуб шуда, нишони нуқраро ба даст овард.

Ҷаҳонгир Маҷидов бошад, барои мақоми сеюм Каито Гринро мағлуб карда, нишони биринҷиро ба гардан овехт.

Бо ҳамин тартиб ҷудочиёни тоҷик бо 7 медал (2 нуқра ва 5 биринҷӣ) мусобиқаи мазкурро ҷамъбаст намуданд.

Тавре иттилоъ дода будем, дар рӯзҳои аввали мусобиқа Муҳаммадсолеҳ Қуватов (60 кг), Обид Ҷебов, Эмомалӣ Нуралӣ (65), Абубакр Шеров (73 кг) нишони биринҷӣ ва Сомон Маҳмадбеков (81 кг) ба гирифтани нишони нуқра шарафёб гардида буданд.

Имрӯз, 28 апрел паҳлавонони мо дар рақобатҳои даставӣ иштирок мекунанд, ки дар таърихи ҷудои тоҷик аввалин маротиба ба ҳисоб меравад.