Дар толори варзишии “Ҷашнӣ”-и шаҳри Хуҷанд марҳилаи дуюми чемпионати вилоятӣ оид ба каратэ-до миёни 100 нафар наврасону ҷавонони  варзишгар доир гардид.
 
Дар чемпионати мазкур варзишгарон аз шаҳри Хуҷанд, Истиқлол, Конибодом, ноҳияи Бобоҷон Ғафуров, Спитамен, Мастчоҳ ва Ҷаббор Расулов ширкат варзида, барои зинаҳои ифтихорӣ рақобат намуданд.

Дар натиҷа ҷои аввалро варзишгарони шаҳри Хуҷанд, ҷои дуюмро ноҳияи Бобоҷон Ғафуров ва ҷои сеюмро варзишгарони шаҳри Истиқлол сазовор гашта, бо туҳфаҳои хотиравӣ қадрдонӣ гардиданд.