ВАРЗИШ
Ҷумъа 26 Апрел 2024 01:41
Паҳлавони тоҷик, Ҷамолиддин Абдуллоев дар чемпионати ҷаҳон оид ба ҷудо миёни наврасони то 18-сола, ки аз 9-13 август дар пойтахти Чили - шаҳри Сантяго – давом менамояд, соҳиби медали биринҷӣ гардид.
Ҷамолиддин рӯзи 10-уми август дар вазни -66 кг дар даври аввал се ҳарифи худ Чинг Лонг Овен Вонг (Ҳонконг), Маркос Сантос (Бразилия) ва Петру Пеливан (Молдова)-ро мағлуб намуда, дар рақобати чаҳорумаш аз паҳлавони булғористонӣ Марк Ҳристов шикаст хӯрд.
Дар мубориза барои медали биринҷӣ паҳлавони тоҷик нахуст бар Лан Кукита (Аргентина) ва сипас ба Байрам Кандемир (Туркия) дастболо гардида, мақоми сеюмро соҳиб шуд. Дар даври ниҳоии ин вазн варзишгари ҷопонӣ Ранто Катсура, паҳлавони Булғористон Марк Ҳристовро мағлуб намуда, сазовори медалӣ тилло гардид.
Ба ҷуз Ҷамолиддин Абдуллоев, медали дигари биринҷӣ насиби гуштигири Канада Кеаган Янг гардид.
Дар вазни -66 кг паҳлавони дигари тоҷик - Разиаллоҳ Лоиқов қувваозмоӣ намуда, дар даври аввал аз Ранто Катсура (Ҷопон) шикаст хӯрд.
Намояндаи дигари Тоҷикистон Қурбоналӣ Бозоров, ки дар вазни -60 кило ҳунарнамоӣ менамуд, дар даври аввал озод буд ва дар даври дуюм Алеҷандро Ретамал паҳлавони Чилиро мағлуб намуд. Қурбоналӣ дар даври баъди аз Нурзод Салимбоеви қазоқ мағлуб гардида, аз ҳаққи идомаи рақобат барои медалҳо маҳрум шуд. Дар вазни -60 кг варзишгари тими Русия Казбек Нагучев дар финал бар Нурзод Салимбоев ғалаба намуда, қаҳрамони ҷаҳон гардид.
Ба ҳайати дастаи паҳлавонони мунтахаби Тоҷикистон панҷ варзишгар шомил гардидааст: Қурбоналӣ Бозоров (вазни -60 кг), Разиаллоҳ Лоиқов, Ҷамолиддин Абдуллоев (ҳарду вазни - 66 кг), Ҷаҳонгир Маҷидов (-81 кг) ва Эмомризо Қурбонов (-90 кг).
Ҷаҳонгир Маҷидов, ки дар даври аввал озод аст, имрӯз 11-уми август дар даври дувум бо ғолиби ин ҷуфт Намҳун Ли (Кореяи Ҷанубӣ) Моисес Кортез Флорес (Гватемала) вориди сабқат мегардад. Эмомризо Қурбонов бошад, рӯзи 12-уми август дар даври аввал бо Акрам Буранов (Узбакистон) рақобат мекунад.
Баъди натиҷагирии ду рӯзи мусобиқа дар ҳисоби умумидастаӣ мунтахаби Ҷопон бо касби 6 медал (2 тилло ва 4 биринҷӣ) мақоми аввалро соҳиб гаштааст. Русия бо 3 медал (2 тилло ва 1 биринҷӣ) дар зинаи дуюм қарор дорад ва Олмон бо касби 3 медал (1 тилло, 1 нуқра ва 1 биринҷӣ) дар ҷойи сеюм аст. Дастаи паҳлавонони навраси Тоҷикистон бо як медали биринҷӣ дар миёни 64 кишвар мақоми 18-умро касб намудаанд.
Ёдовар мешавем, мусобиқаи мазкур панҷумин чемпионати ҷаҳон оид ба ҷудо миёни наврасон буда, пештар аз ин дар Будапешт (2009), Киев (2011), Майами (2013) ва Сараево (2015) баргузор гардидааст.
Дар чемпионат аз 9-13 август 441 паҳлавонон (занону мардон) аз 68 давлати дунё барои медалҳо рақобат менамоянд.
Шаҳбози АСОМИДДИН, “ҶТ”
Ҷамолиддин рӯзи 10-уми август дар вазни -66 кг дар даври аввал се ҳарифи худ Чинг Лонг Овен Вонг (Ҳонконг), Маркос Сантос (Бразилия) ва Петру Пеливан (Молдова)-ро мағлуб намуда, дар рақобати чаҳорумаш аз паҳлавони булғористонӣ Марк Ҳристов шикаст хӯрд.
Дар мубориза барои медали биринҷӣ паҳлавони тоҷик нахуст бар Лан Кукита (Аргентина) ва сипас ба Байрам Кандемир (Туркия) дастболо гардида, мақоми сеюмро соҳиб шуд. Дар даври ниҳоии ин вазн варзишгари ҷопонӣ Ранто Катсура, паҳлавони Булғористон Марк Ҳристовро мағлуб намуда, сазовори медалӣ тилло гардид.
Ба ҷуз Ҷамолиддин Абдуллоев, медали дигари биринҷӣ насиби гуштигири Канада Кеаган Янг гардид.
Дар вазни -66 кг паҳлавони дигари тоҷик - Разиаллоҳ Лоиқов қувваозмоӣ намуда, дар даври аввал аз Ранто Катсура (Ҷопон) шикаст хӯрд.
Намояндаи дигари Тоҷикистон Қурбоналӣ Бозоров, ки дар вазни -60 кило ҳунарнамоӣ менамуд, дар даври аввал озод буд ва дар даври дуюм Алеҷандро Ретамал паҳлавони Чилиро мағлуб намуд. Қурбоналӣ дар даври баъди аз Нурзод Салимбоеви қазоқ мағлуб гардида, аз ҳаққи идомаи рақобат барои медалҳо маҳрум шуд. Дар вазни -60 кг варзишгари тими Русия Казбек Нагучев дар финал бар Нурзод Салимбоев ғалаба намуда, қаҳрамони ҷаҳон гардид.
Ба ҳайати дастаи паҳлавонони мунтахаби Тоҷикистон панҷ варзишгар шомил гардидааст: Қурбоналӣ Бозоров (вазни -60 кг), Разиаллоҳ Лоиқов, Ҷамолиддин Абдуллоев (ҳарду вазни - 66 кг), Ҷаҳонгир Маҷидов (-81 кг) ва Эмомризо Қурбонов (-90 кг).
Ҷаҳонгир Маҷидов, ки дар даври аввал озод аст, имрӯз 11-уми август дар даври дувум бо ғолиби ин ҷуфт Намҳун Ли (Кореяи Ҷанубӣ) Моисес Кортез Флорес (Гватемала) вориди сабқат мегардад. Эмомризо Қурбонов бошад, рӯзи 12-уми август дар даври аввал бо Акрам Буранов (Узбакистон) рақобат мекунад.
Баъди натиҷагирии ду рӯзи мусобиқа дар ҳисоби умумидастаӣ мунтахаби Ҷопон бо касби 6 медал (2 тилло ва 4 биринҷӣ) мақоми аввалро соҳиб гаштааст. Русия бо 3 медал (2 тилло ва 1 биринҷӣ) дар зинаи дуюм қарор дорад ва Олмон бо касби 3 медал (1 тилло, 1 нуқра ва 1 биринҷӣ) дар ҷойи сеюм аст. Дастаи паҳлавонони навраси Тоҷикистон бо як медали биринҷӣ дар миёни 64 кишвар мақоми 18-умро касб намудаанд.
Ёдовар мешавем, мусобиқаи мазкур панҷумин чемпионати ҷаҳон оид ба ҷудо миёни наврасон буда, пештар аз ин дар Будапешт (2009), Киев (2011), Майами (2013) ва Сараево (2015) баргузор гардидааст.
Дар чемпионат аз 9-13 август 441 паҳлавонон (занону мардон) аз 68 давлати дунё барои медалҳо рақобат менамоянд.
Шаҳбози АСОМИДДИН, “ҶТ”
Хабарҳои дигар
Рӯзнома
Эзоҳи худро нависед